Morgunblaðið - 11.10.2019, Blaðsíða 37

MENNING 37
MORGUNBLAÐIÐ FÖSTUDAGUR 11. OKTÓBER 2019
Kristín Heiða Kristinsdóttir
khk@mbl.is
„Við drögum fram fólk sem var í
þessu gullaldargengi upp úr 1950.
Þetta voru stór nöfn, fólk sem var
mikið á sviði í Þjóðleikhúsinu, kom
að uppbyggingu söngskólans og var
meðal þeirra fyrstu í óperuflutningi
hér á landi. Við reynum að velja
saman dáða söngvara fortíðar með
ólíkar raddir, bassbarítón, sópran og
tenór. Þetta eru fjórðu tónleikarnir
okkar í þessari tónleikaröð, Braut-
ryðjendur,“ segir Ingibjörg Aldís
Ólafsdóttir sópransöngkona, en hún
er ein þeirra fjögurra söngvara sem
koma fram á tónleikum í Salnum í
kvöld sem eru tileinkaðir stórsöngv-
urunum Kristni Hallssyni, Svölu
Nielsen og Guðmundi Guðjónssyni.
Farið verður yfir feril þeirra og
sungið úr söngskrá þeirra, íslensk
sönglög, óperuaríur og dúettar.
Söngvararnir stikla á stóru og leiða
gesti í gegnum feril söngvaranna
með tónum, tali, og myndum.
„Pabbi minn, Ólafur Beinteinn
Ólafsson harmónikkuleikari, er hug-
myndasmiðurinn að þessari tón-
leikaröð og hann skrifar handritið að
tónleikunum. Hann ólst upp við mik-
inn söng því Sigurveig Hjaltested,
mamma hans og amma mín, var dáð
söngkona og ein af brautryðjend-
unum í óperuflutningi hér á Íslandi.
Hún söng í Þjóðleikhúsinu og pabbi
tengdist því öllu þessu fólki sem við
erum að fjalla um, hann var á sýn-
ingum og þetta fólk var í partíum
heima hjá ömmu. Hann þekkti því
þessa söngvara persónulega. Á
fyrstu tónleikunum fjölluðum við um
ömmu Sigurveigu, Þuríði Páls og
Maríu Markan. Það féll vel í kramið,
allir voru ánægðir með frumkvæði
okkar að því að heiðra minningu
þessa fólks. Enda er mikilvægt að
halda merki þeirra á lofti, til dæmis
fyrir yngri kynslóðir og fólk sem er
að læra söng, að vita hverjir byggðu
upp okkar óperusögu. Við fundum
fyrir svo mikilli ánægju þegar við
fórum af stað með þetta verkefni að
við héldum áfram.“
Stór partur tónleikanna er að
segja frá fólkinu og sýna myndir.
„Við vörpum upp á tjald myndum
úr ævi söngvaranna, segjum frá
söngferlinum og fjölskyldulífinu. Við
syngjum svo inn á milli,“ segir Ingi-
björg og bætir við að þau feðgin hafi
í heimildarvinnunni verið í góðum
samskiptum við aðstandendur, börn
þessa fólks og Kristínu konu Guð-
mundar Guðjónssonar sem er enn á
lífi, 97 ára.
Ingibjörg segir að sér finnist
merkilegt hvað þetta fólk var af-
kastamikið. „Þau voru öll í fullri
vinnu og létu sig ekki muna um að
stökkva eftir langan vinnudag niður
í Þjóðleikhús og syngja heilt óperu-
hlutverk. Þvílíkt úthald. Ég dáist að
þessu fólki fyrir dugnað og elju,
enda var ástríðan mikil fyrir
söngnum.“
Tónleikarnir í kvöld hefjast kl. 20
og með Ingibjörgu syngja Egill Árni
Pálsson tenór, Oddur Arnþór Jóns-
son barítón og Signý Sæmunds-
dóttir sópran. Hrönn Þráinsdóttir
píanóleikari spilar með og Ólafur
grípur mögulega í nikkuna.
Einvalalið Egill, Ingibjörg, Oddur, Hrönn, Ólafur Beinteinn og Signý Sæmundsdóttir koma fram í kvöld.
Ég dáist að þessu fólki
fyrir dugnað og elju
 Einsöngsperlur og óperusmellir í Salnum í kvöld
Ruddu braut Kristinn Hallsson, Svala Nielsen og Guðmundur Guðjónsson.
Bókaforlagið Dimma gefur út fjórar
nýjar íslenskar bækur í haust.
Fyrst ber að nefna Skuggaskip,
sem er tíunda smásagnasafn Gyrðis
Elíassonar. Í sögunum bregður
meðal annars fyrir bernskuminn-
ingum, brothættu hjónalífi, innliti í
fjarlæga framtíð, dularfullum skógi
og handriti sem glatast.
Á síðasta ári kom út Tregahand-
bók Magnúsar Sigurðssonar og fékk
meðal annars einkar lofsamlega um-
sögn í Morgunblaðinu. Íslensk
lestrarbók Magnúsar, sem kemur út
í haust, kallast á við Tregahandbók-
ina. Í bókinni er fjallað um átaka-
lítið hversdagslíf og þar er líka að
finna pælingar um tungumál, dag-
bókarbrot, ljóðrænar smámyndir og
kafla um fótboltaíþróttina.
Væntanleg er og ljóðabók Stein-
unnar Ásmundsdóttur sem nefnist Í
senn dropi og haf. Það verður sjötta
ljóðabók Steinunnar, en fyrsta bók
hennar kom út fyrir þrjátíu árum.
Fjórða útgáfubók Dimmu fyrir
jólin er svo listaverkabók um
Jóhönnu Kristínu Yngvadóttur
(1953-1991) sem á örstuttum ferli
náði að vekja umtalsverða athygli.
Ásdís Ólafsdóttir listfræðingur
fjallar um líf Jóhönnu og list, en
Oddný Eir Ævarsdóttir nálgast
verk hennar með óhefðbundnum og
persónulegum hætti. Bókin um
Jóhönnu Kristínu kemur út í
tengslum við fyrirhugaða yfirlits-
sýningu á verkum hennar í Lista-
safni Íslands.
Í sumar gaf Dimma út þrjár
ljóðabækur, skáldsögu og smá-
sagnasafn eftir erlenda höfunda,
þar á meðal ljóðaþrennu sem gefin
var út undir yfirheitinu Bréf til
Íslands – Letters to Iceland. Í ljóða-
þrennunni voru Sjö ljóð eftir
norðurírska skáldið Paul Muldoon,
Þaðan sem við horfum eftir enska
skáldið Simon Armitage og Kennsl
eftir Lavinia Greenlaw, sem einnig
er ensk.
Skáldsagan Nirliit er eftir kanad-
íska höfundinn Juliana Léveillé-
Trudel en Einmunatíð og fleiri sög-
ur var safn smásagna eftir Orkn-
eyjaskáldið George Mackay Brown.
arnim@mbl.is
Ljóð og list
Gyrðir
Elíasson
Magnús
Sigurðsson
Oddný Eir
Ævarsdóttir
Steinunn
Ásmundsdóttir
 Dimma gefur út fagurbókmenntir og fræðirit
Kvikmyndaverð-
laun Norður-
landaráðs voru
veitt í fyrsta skipti
2002 á hálfrar ald-
ar afmæli Norður-
landaráðs, en síð-
an kvikmynda-
verðlaunin festust
í sessi 2005 hafa
þau verið veitt ár-
lega um leið og
önnur verðlaun ráðsins. Í tengslum
við kvikmyndaverðlaunin stendur
Norræni kvikmynda- og sjónvarps-
sjóðurinn fyrir sýningum á til-
nefndum myndum í samstarfi við
kvikmyndahús á Norðurlöndum. Af
því tilefni sýnir Bíó Paradís allar til-
nefndu myndirnar fimm í næstu viku.
Miðvikudaginn 16. október kl. 18
verður sýnd sænska myndin
Rekonstruktion Utøya í leikstjórn
Carls Javér. Fimmtudaginn 17. októ-
ber kl. 20 verður sýnd norska myndin
Blindsone í leikstjórn Tuvu Novotny.
Föstudaginn 18. október kl. 17.50 er
sýnd finnska myndin Aurora í leik-
stjórn Miiu Tervo. Laugardaginn 19.
október kl. 20 er sýnd danska myndin
Dronningen í leikstjórn May el-
Toukhy. Sunnudaginn 20. október kl.
18 er sýnd íslenska myndin Hvítur,
hvítur dagur í leikstjórn Hlyns
Pálmasonar. Allar eru myndirnar
sýndar með enskum undirtexta.
Norræn kvikmyndaveisla í Bíó Paradís
Stikla Úr myndinni
Hvítur, hvítur dagur.
Nú finnur
þú það sem
þú leitar að
á FINNA.is
IÐNAÐARMENN VERSLANIR
VEITINGAR VERKSTÆÐI
BÓKHALDSÞJÓNUSTA OG FLEIRA
Ronja Ræningjadóttir (Stóra sviðið)
Sun 13/10 kl. 13:00 Sun 20/10 kl. 13:00 Sun 27/10 kl. 13:00
Stórskemmtilegur og æsispennandi söngleikur fyrir alla fjölskylduna!
Brúðkaup Fígarós (Stóra Sviðið)
Lau 12/10 kl. 19:30 7.sýn Fös 18/10 kl. 19:30 8.sýn Fös 25/10 kl. 19:30 9.sýn
Óborganlegu gamanópera eftir meistara Mozart
Shakespeare verður ástfanginn (stóra sviðið)
Fös 11/10 kl. 19:30 4.sýn Lau 2/11 kl. 19:30 auka Fös 15/11 kl. 19:30 auka
Lau 19/10 kl. 19:30 5.sýn Mið 6/11 kl. 19:30 7.sýn Lau 16/11 kl. 19:30 9. sýn
Lau 26/10 kl. 19:30 6.sýn Sun 10/11 kl. 19:30 8. sýn
Hrífandi og skemmtileg stórsýning fyrir áhorfendur á öllum aldri
Ör (eða Maðurinn er eina dýrið sem grætur) (Kassinn)
Fös 11/10 kl. 19:30 auka Lau 19/10 kl. 19:30 10.sýn Mið 6/11 kl. 19:30 auka
Lau 12/10 kl. 19:30 8.sýn Fös 25/10 kl. 19:30 11.sýn Lau 23/11 kl. 19:30 auka
Fim 17/10 kl. 19:30 auka Lau 26/10 kl. 19:30 auka
Fös 18/10 kl. 19:30 9.sýn Lau 2/11 kl. 19:30 12.sýn
Ágengt og tragíkómískt nýtt íslenskt verk sem spyr stórra spurninga
Stormfuglar (Þjóðleikhúskjallarinn)
Sun 13/10 kl. 19:30 4. sýn Fim 17/10 kl. 19:30 5.sýn
Hinn rómaði sögumaður Einar Kárason stígur á svið
Gilitrutt (Brúðuloftið)
Lau 12/10 kl. 13:00 7. sýn Lau 12/10 kl. 15:00 8. sýn Lau 19/10 kl. 13:00 9. sýn
Brúðusýning fyrir alla fjölskylduna
Atómstöðin (Stóra Sviðið)
Fös 1/11 kl. 19:30 Frums Mið 13/11 kl. 19:30 4. sýn Fim 28/11 kl. 19:30 7. sýn
Fim 7/11 kl. 19:30 2. sýn Fim 14/11 kl. 19:30 5. sýn
Fös 8/11 kl. 19:30 3. sýn Fim 21/11 kl. 19:30 6. sýn
Nýtt og framsækið leikverk byggt á skáldsögu Nóbelskáldsins Halldórs Laxness
Engillinn (Kassinn)
Lau 21/12 kl. 19:30 Frums Lau 28/12 kl. 19:30 3. sýn
Fös 27/12 kl. 19:30 2. sýn Sun 12/1 kl. 19:30 4. sýn
Leiksýning byggð á textum og myndlist eftir Þorvald Þorsteinsson
leikhusid.is | midasala@leikhusid.is | 551 1200