Morgunblaðið - 11.10.2019, Blaðsíða 40

Listahátíðin Sequences hefst í
Reykjavík í dag og stendur til 20.
október. Þetta er í níunda sinn sem
hátíðin er haldin, en í ár ber hún
yfirskriftina Í alvöru. Að þessu sinni
taka 34 listamenn þátt í hátíðinni
og spannar framlag þeirra vítt svið;
tónlist, texta, kvikmyndir, innsetn-
ingar, teikningar og skúlptúra svo
eitthvað sé nefnt. Heiðurslista-
maður hátíðarinnar er Kristinn
Guðbrandur Harðarson, sem verið
hefur virkur í íslensku myndlistar-
lífi um áratuga skeið. Hann mun
halda einkasýningu í Ásmundarsal.
Sequences hefst í dag
FÖSTUDAGUR 11. OKTÓBER 284. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
„Við höfum verið afar erfiðir heim að
sækja undanfarin fimm til sex ár. Við
ræddum það á dögunum að það er
orðið ansi langt síðan við töpuðum
leik á heimavelli í undankeppni.
Vonandi verður þetta gott kvöld á
Laugardalsvelli á morgun,“ sagði
landsliðsmaðurinn Gylfi Þór Sig-
urðsson meðal annars á blaða-
mannafundi í gær. »33
Langt síðan við töp-
uðum á heimavelli
ÍÞRÓTTIR MENNING
Söngkonan Andrea Gylfadóttir og
bandaríski saxófónleikarinn Phillip
Doyle, ásamt Sinfóníuhljómsveit
Norðurlands, flytja lög úr kvikmynd-
um á borð við Goldfinger, Smile og
Calling You í Hamraborg í Hofi á
laugardag kl. 20. Um framhald af
bíóbandsþema Andreu til margra
ára er að ræða sem og vinsælum
tónleikum hennar með Doyle í Hofi.
Með þeim leika einnig Einar Schev-
ing, Pálmi Gunnarsson og
Kristján Edelstein.
Hljómsveitarstjóri er
Kjartan Valde-
marsson
sem jafn-
framt útsetti.
Andrea með djass-
skotið bíóþema í Hofi
Steinþór Guðbjartsson
steinthor@mbl.is
Karlakórinn Gamlir Fóstbræður
heldur tónleika í Digraneskirkju í
Kópavogi á morgun til styrktar tón-
leikaför til Japans í næsta mánuði.
Kórinn var stofnaður 1959 af eldri
félögum Karlakórsins Fóstbræðra
og fagnar því 60 ára afmæli í ár
með þessum viðburðum, en tónleik-
arnir í kirkjunni, sem hefjast klukk-
an 15, eru forsmekkurinn að því
sem koma skal í Japan.
Karlakórinn Fóstbræður hefur
starfað samfellt frá haustinu 1916
og er með mörg föst verkefni ár-
lega. Verkefnaskrá Gamalla Fóst-
bræðra er ekki eins viðamikil en
engu að síður metnaðarfull. Hreinn
Pálsson, söngvari og forstjóri BP,
forvera Olís, var helsti frumkvöðull
að stofnun kórs fyrir eldri félaga.
Halldór S. Magnússon, sem sungið
hefur í kórnum í yfir 20 ár og verið
stjórninni til aðstoðar við skipu-
lagningu ferðarinnar til Japans,
segir að með aldrinum séu ekki allir
tilbúnir að leggja eins mikið á sig í
kórstarfinu og nauðsynlegt er í
aðalkórnum. Þeir vilji samt halda
áfram að syngja og það hafi verið
helsta ástæða stofnunar kórs fyrir
eldri félaga. „Menn héldu áfram að
æfa og halda við gömlu lögunum og
þannig hefur það verið í 60 ár,“
segir hann.
Samvinna
Halldór leggur áherslu á að starf-
ið sé í samstarfi og samvinnu við
aðalkórinn og meðal annars hafi kór
eldri félaga komið fram á tónleikum
með aðalkórnum og kórarnir hafi
líka sungið saman á slíkum
skemmtunum. „Við þessir eldri höf-
um komið fram víða um land, tekið
þátt í kóramótum á Tenerife og í
Barcelona, haldið tónleika í Fær-
eyjum og nú er komið að Japan.“
Þótt kórarnir starfi saman eru
þeir eins og svart og hvítt. Aðalkór-
inn er þrautþjálfaður og æfir að
minnsta kosti tvisvar í viku en eldri
félagarnir hittast að jafnaði aðra
hverja viku en oftar ef þörf krefur.
„Við tökum lífið ekki eins alvarlega
og aðalkórinn og reynum að sýna að
við séum léttir í anda þótt við bæt-
um við ári með hverju árinu sem
líður.“ Í því sambandi bendir hann
á að létt lag eftir Oddgeir Krist-
jánsson verði á dagskrá á morgun.
Félagar í eldri kórnum eru á öll-
um aldri, en meðalaldurinn er um
72 ár. Þeir voru ekki margir til að
byrja með en þeim fjölgaði jafnt og
þétt og eru nú um 40, en 29 fara í 12
daga Japansferðina, sem hefst 7.
nóvember. Kórinn syngur bæði í
Tókýó og Kýótó undir stjórn Árna
Harðarsonar, sem hefur verið
stjórnandi beggja kóranna frá 2009.
Jón Þórarinsson var stjórnandi
Gamalla Fóstbræðra frá 1959 til
1997 eða í 38 ár og Jónas Ingi-
mundarson, sem tók við af honum,
var stjórnandi í 12 ár, frá 1997 til
2009. „Hefðin er sterk í kórnum,“
segir Halldór, en miðasala á tón-
leikana verður við innganginn.
Morgunblaðið/Árni Sæberg
Öruggir Karlakórinn Gamlir Fóstbræður á æfingu í Digraneskirkju í gærkvöldi. Tónleikarnir verða þar á morgun.
Aldur afstæður hjá
Gömlum Fóstbræðrum
 Afmælistónleikar í Digraneskirkju og söngför til Japans
Á ENDANUM
VELUR ÞÚ
COROLLU
VERÐUR
ÞÚ HEPPINN
ÁSKRIFANDI
sem verður dreginn út 16. október?
Allir áskrifendur Morgunblaðsins eru
með í leiknum. Hér má sjá valkostina
sem einn af áskrifendum okkar fær
að velja um þegar hann fær að gjöf
nýja og glæsilega Toyota Corolla.*
Fylgstu með.
*Heppinn áskrifandi fær að velja á milli Corolla Hatchback,
Corolla Touring Sports og Corolla Sedan; þriggja glæsilegra
Hybrid-bíla með 1,8 lítra vél í Active-útfærslu.