Morgunblaðið - 11.10.2019, Blaðsíða 33
ÍÞRÓTTIR 33
MORGUNBLAÐIÐ FÖSTUDAGUR 11. OKTÓBER 2019
FÓTBOLTI
Bjarni Helgason
bjarnih@mbl.is
Íslenska karlalandsliðið í knatt-
spyrnu fær verðugt verkefni í kvöld
þegar það fær heimsmeistara
Frakka í heimsókn á Laugardalsvöll í
undankeppni EM 2020. Það má ekki
gleymast í allri heimsmeistara-
umræðunni að Frakkar unnu einnig
til silfurverðlauna á síðasta Evr-
ópumóti, 2016, þar sem liðið tapaði
1:0 í framlengdum úrslitaleik gegn
Portúgal á Stade de France í París.
Þá sitja Frakkar sem stendur í öðru
sæti heimslista FIFA á eftir Belgíu.
Ísland hefur ekki riðið feitum hesti
frá viðureignum sínum gegn Frakk-
landi í gegnum tíðina. Liðin hafa
mæst fjórtán sinnum frá árinu 1957.
Frakkar hafa tíu sinnum fagnað sigri
og fjórum sinnum hafa liðin gert jafn-
tefli. Ísland hefur aldrei fagnað sigri
gegn Frökkum og þá hefur franska
liðið skorað 41 mark gegn 12 mörk-
um Íslands í þessum fjórtán viður-
eignum. Að sama skapi hafa þrjú af
fjórum jafnteflum liðanna í gegnum
tíðina komið á Laugardalsvelli, sem
ætti að kveikja vonarneista hjá
mörgum.
Síðast þegar liðin mættust á
Laugardalsvelli, 5. september 1998,
skiptu liðin með sér stigunum, en
leiknum lauk með 1:1-jafntefli. Þá,
eins og nú, voru Frakkar ríkjandi
heimsmeistarar en Didier Des-
champs, núverandi þjálfari franska
landsliðsins, var þá fyrirliði Frakka.
Alls mættu 12.004 áhorfendur á leik-
inn og voru leigðar sérstakar stúkur
sem voru settar upp fyrir aftan
mörkin á sitt hvorum enda vallarins.
Tækifæri fyrir minni spámenn
„Við höfum verið afar erfiðir heim
að sækja undanfarin fimm til sex ár.
Við ræddum það á dögunum að það
er orðið ansi langt síðan við töpuðum
leik á heimavelli í undankeppni.
Stemningin á leikjunum er alltaf frá-
bær og vonandi er ég ekki að „jinxa“
neitt þegar ég segi að það er erfitt að
koma hingað. Vonandi verður þetta
gott kvöld á Laugardalsvelli á
morgun,“ sagði Gylfi Þór Sigurðsson
í samtali við fjölmiðlamenn á blaða-
mannafundi íslenska liðsins á
Laugardalsvelli í gær.
Gylfi Þór mun bera fyrirliðabandið
á Laugardalsvelli gegn Frökkum í
fjarveru Arons Einars Gunnars-
sonar, sem meiddist á ökkla í leik
með félagsliði sínu Al-Arabi í Katar
4. október síðastliðinn. Aron Einar
hefur sýnt það og sannað á undan-
förnum árum hversu gríðarlega mik-
ilvægur hann er fyrir liðið en annars
eru allir leikmenn íslenska liðsins
heilir og klárir í slaginn. Gylfi Þór
Sigurðsson benti hins vegar blaða-
mönnum réttilega á það að fjarvera
Arons opnaði dyrnar fyrir aðra leik-
menn liðsins. Guðlaugur Victor Páls-
son er leikmaður sem spilar sömu
stöðu og Aron en hann hefur ekki náð
að sannfæra Íslendinga með frammi-
stöðu sinni hingað til með landsliðinu.
Það gæti breyst á morgun.
„Þetta verður mjög athyglisverður
og erfiður leikur,“ voru fyrstu orð
Erik Hamrén landsliðsþjálfara á
blaðamannafundinum á Laugardals-
velli í gær. „Frakkar eru með frá-
bært lið og þeir eru ríkjandi heims-
meistarar. Þú þarft að geta eitthvað í
fótbolta, innan sem utan vallar, til
þess að verða heimsmeistari. Við ger-
um okkur fulla grein fyrir því að
þetta verður erfitt en að því sögðu
höfum við líka engu að tapa því það
búast allir við auðveldum sigri
Frakka. Ef við horfum raunsætt á
hlutina eiga Frakkar að vinna en
óvæntir hlutir geta gerst í fótbolta og
af hverju ekki á morgun? Ísland hef-
ur aldrei unnið Frakkland og ein-
hvern tímann er allt fyrst, kannski á
morgun, hver veit?“ bætti sænski
þjálfarinn við.
Leikirnir gerast ekki stærri
Það hefur aðeins einkennt íslenska
landsliðið undanfarin ár að þegar
sem fæstir virðast hafa trú á liðinu
stíga strákarnir upp og afsanna
kenningar efasemdarfólks. Fáir virð-
ast hafa trú á því að íslenska liðið geti
náð í góð úrslit gegn heimsmeist-
urum Frakka eftir ósannfærandi
frammistöðu gegn Albaníu í Elbasan
í september. Svo lengi lærir sem lifir.
Tapið sýndi íslenska liðinu svart á
hvítu að ef ekki verður haldið í þau
gildi sem hafa einkennt liðið und-
anfarin gullaldarár vinnur liðið ekki
marga fótboltaleiki.
Strákarnir virðast staðráðnir í að
svara fyrir tapið í Albaníu með góðri
frammistöðu í komandi landsliðs-
verkefnum. Íslenska liðið fær alvöru
svið til þess að svara fyrir sig enda er
það ekki á hverjum degi sem heims-
meistararnir mæta á Laugardalsvöll.
Svo lengi lærir sem lifir
Heimsmeistararnir mæta á Laugardalsvöll í kvöld Hamrén segir að liðið
hafi engu að tapa Gylfi Þór telur að heimavöllurinn gæti reynst örlagavaldur
Morgunblaðið/Eggert
Yfirvegaðir Gylfi Þór Sigurðsson og Erik Hamrén sátu fyrir svörum á Laugardalsvelli í gær.
Sóknarmaðurinn Emil Atlason er
genginn í raðir Stjörnunnar frá HK, en
þetta kemur fram á Facebook-síðu
Stjörnunnar. Emil, sem er 26 ára gam-
all, skoraði 3 mörk í 21 leik með HK í
Pepsi-deildinni í sumar en hann hefur
einnig leikið með KR, Val og Þrótti
Reykjavík. Emil hefur spilað samtals 83
leiki í efstu deild og hefur skorað 16
mörk í þeim. Þá lék hann á sínum tíma
12 leiki með U21 árs landsliðinu og
skoraði í þeim átta mörk.
Kjartan Stef-
ánsson, þjálfari
kvennaliðs Fylkis í
knattspyrnu, hefur
skrifað undir nýjan
tveggja ára samn-
ing við Árbæjar-
liðið. Þá hafa sex
leikmenn Árbæj-
arliðsins framlengt
samninga sína við félagið, en þeir eru:
Tinna Björg Birgisdóttir, Hulda Sig-
urðardóttir, Hulda Hrund Arnardóttir,
Birna Kristín Eiríksdóttir og Sigrún
Salka Hermannsdóttir.
Knattspyrnustjórinn José Mourinho
hefur verið atvinnulaus síðan hann var
rekinn frá Manchester United í desem-
ber á síðasta ári. Mourinho hefur fengið
nokkur tilboð síðan hann yfirgaf United
en enskir fjölmiðlar greindu frá því á
dögunum að Portúgalinn vildi snúa aft-
ur í ensku úrvalsdeildina. Franskir fjöl-
miðlar birtu fréttir í vikunni þess efnis
að Mourinho hefði hafnað því að taka
við franska 1. deildarliðinu Lyon. Sylv-
inho var rekinn frá fé-
laginu í vikunni en
Lyon hefur ekki
byrjað tímabilið vel í
Frakklandi og er
með 9 stig eftir
fyrstu níu umferðir
deildar-
innar í
fjórtánda
sætinu.
Eitt
ogannað
Ólafur Guðmundsson, landsliðsmaður í hand-
bolta, tryggði Kristianstad fyrsta stig sitt í
Meistaradeild Evrópu á þessari leiktíð. Ólafur
skoraði lokamark leiksins með mikilli neglu í
24:24-jafntefli við Kadetten Schaffhausen frá
Sviss, í Svíþjóð í gær.
Svissneska liðið var fjórum mörkum yfir í
hálfleik, 15:11, en Ljubomir Vranjes, þjálfari
Kristianstad, hvatti sína menn í leikhléi til þess
að taka fleiri skot. Það gerðu að minnsta kosti
Ólafur og félagi hans Philip Henningsson, en
Ólafur var markahæstur í leiknum með 9
mörk. Hann fékk smátækifæri í blálok leiksins
til þess að skora sigurmark en skaut í vörnina.
Í Þýskalandi styrkti Bjarki Már Elísson
stöðu sína sem markahæsti
leikmaður 1. deildar, en
hann skoraði 4 mörk fyrir
Lemgo í 26:26-jafntefli við
Stuttgart. Elvar Ásgeirs-
son skoraði tvö mörk fyrir
Stuttgart. Gísli Þorgeir
Kristjánsson og félagar í
Kiel eru í 2. sæti með 12 stig
eftir 31:23-sigur á Nord-
horn, liði Geirs Sveins-
sonar, sem er í neðsta sæti
með tvö stig.
Öll úrslit úr leikjum íslenskra handbolta-
manna í gær má sjá á síðu 32. sindris@mbl.is
Ólafur magnaður í Meistaradeildinni
Ólafur Andrés
Guðmundsson
Eins og fyrir HM 2018 varð Belgía fyrst allra
til þess að tryggja sér sæti í lokakeppni EM
2020 í fótbolta karla. Belgar unnu 9:0-
stórsigur á San Marínó í gær, hafa unnið alla
sjö leiki sína og eru komnir með ellefu stiga
forskot á liðið í 3. sæti I-riðils, Kýpur, þegar
aðeins níu stig eru eftir í pottinum.
Spennan er mikil í C-riðli, þar sem Holland,
Þýskaland og Norður-Írland eru með 12 stig
hvert eftir dramatískan 3:1-sigur Hollands á
Norður-Írlandi í gær. Gestirnir komust yfir á
75. mínútu en heimamenn í hollenska liðinu
náðu fljótt að jafna og skoruðu svo tvívegis í
uppbótartíma, en þar voru að verki Memphis
Depay og Luuk de Jong.
Miðað við núverandi
stöðu í undankeppninni er
Ísland á leið í umspil í mars
komist liðið ekki upp fyrir
Tyrkland eða Frakkland. Í
því umspili myndi liðið
þurfa að komast í gegnum
Holland eða Þýskaland ef
Norður-Írland kæmist upp
úr C-riðlinum. Miðað við
stöðuna nú færi Ísland í
fjögurra liða umspil við
Sviss og tvö af þessum fjórum liðum; Búlg-
aríu, Ísrael, Ungverjalandi og Rúmeníu, um
eitt laust sæti á EM. sindris@mbl.is
Holland fjær umspili við Ísland
Luuk
de Jong
Didier Deschamps, þjálfari heims-
meistara Frakka, sat fyrir svörum
á blaðamannafundi í gær. Frakkar
léku síðast hér á landi fyrir 21 ári
og þá var Deschamps fyrirliði, en
nokkrum vikum áður urðu þeir
heimsmeistarar. Leiknum lyktaði
með 1:1 jafntefli en þau úrslit vöktu
heimsathygli.
„Ég man eftir þessum leik en ég
hef ekki rætt um hann við leikmenn
mína. Það var ekkert vanmat sem
olli því að leikurinn endaði með
jafntefli. Það var
annað. Ég er
ekkert að vísa í
þennan leik núna
þegar ég er að
undirbúa lið
mitt. Ég ber virð-
ingu fyrir ís-
lenska liðinu.
Völlurinn er góð-
ur en aðstæður
eru sérstakar.
Völlurinn er opinn og rúmar fáa
áhorfendur og menn eru ekki vanir
slíkum aðstæðum. En við tökum
þennan leik mjög alvarlega,“ sagði
Dechamps. Frakkar unnu 4:0 sigur
í fyrri leik þjóðanna í mars.
Miðvörðurinn sterki, Raphael
Varane, mun bera fyrirliðabandið í
fjarveru markvarðarins Hugo
Lloris, sem er meiddur. Varane var
óhemju sigursæll í fyrra þegar
hann varð heimsmeistari en einnig
Evrópumeistari með Real Madrid.
„Við búum okkur undir mjög erf-
iðan leik á móti Íslendingum. Þeir
hafa ekki tapað mótsleik á heima-
velli í sex ár, sem segir okkur að
þeir eru mjög erfiðir heim að sækja
og eru gríðarlega sterkir þar,“
sagði Varane og var spurður hvort
veðrið gæti sett eitthvert strik í
reikninginn hjá franska liðinu.
„Það er kalt og það er vindur.
Við þurfum að aðlagast þessum að-
stæðum og þetta gæti aukið á erfið-
leikastuðul leiksins. En við erum til-
búnir í það,“ sagði Varane.
Frakkarnir varkárir í yfirlýsingum
Ekkert vanmat árið 1998 fullyrðir Deschamps Varane býr sig undir erfiðan leik
Raphael
Varane
KNATTSPYRNA
Undankeppni EM karla:
Laugardalsv.: Ísland – Frakkland.......18:45
HANDKNATTLEIKUR
Grill 66 deild karla:
Dalhús: Fjölnir U – Grótta ...................19:45
KA-heimilið: KA U – FH U..................20:30
Grill 66 deild kvenna:
Austurberg ÍR – Selfoss ........................... 20
KÖRFUKNATTLEIKUR
Dominos deild karla:
Höllin: Þór Ak. – Fjölnir.......................19:15
1. deild karla:
Egilsstaðir: Höttur – Sindri .................19:15
Hveragerði: Hamar – Álftanes ............19:15
Smárinn: Selfoss – Snæfell...................19:15
Í KVÖLD!