Morgunblaðið - 31.10.2019, Side 28

28 FRÉTTIRInnlent
MORGUNBLAÐIÐ FIMMTUDAGUR 31. OKTÓBER 2019
Smiðjuvegur 10, 200 Kópavogur - hitataekni.is - Sími 588 6070 - hitataekni@hitataekni.is
Hitatækni útvegar allt sem vantar í nútíma loftræsingu.
Hafðu samband og við leiðbeinum þér í vali á loftræsikerfum eftir því sem hentar þér.
Loftræsistæðurnar frá Komfovent eru mjög einfaldar í
uppsetningum og koma með fullkomnu stjórnkerfi
• Alltaf ferskt loft inn á heimilinu
• Viðheldur jafnara rakastigi
• Fullkomið hitastig allan ársins hring
• Innblástursloft er síað, sem kemur í veg fyrir lúsmý í vistverum
• Losnar við ofnæmisvaldandi eindir og ryk frá útiloftinu
• Kemur í veg fyrir þungt loft og hreinsar út koltvísýring
• Minnkar verulega líkur á myglu
• Það þarf ekki lengur að opna glugga
• Sparar orku og upphitunar kostnað
Loftræsing
með varmaendurvinnslu fyrir öll heimili
þegar aðeins það besta kemur til greina
Höskuldur Daði Magnússon
hdm@mbl.is
Hljómplata með nýjum og frum-
sömdum lögum sem urðu til í sam-
vinnu tónlistarfólks frá Íslandi, Bret-
landi og Síerra Leóne kemur út á
næstunni. Hitað er upp fyrir útgáf-
una í desember með því að gefa út
eitt lag á hverjum föstudegi þangað
til.
Íslenska tónlistarfólkið; Ragna
Kjartansdóttir, betur þekkt sem
Cell7, Hildur Stefánsdóttir, Samúel
Jón Samúelsson, Arnljótur Sigurðs-
son og Logi Pedro Stefánsson, ferð-
aðist til Síerra Leóne og afrakstur
samstarfsins við þarlenda og breska
tónlistarmenn er gefinn út undir
nafninu Osusu. Hægt er að nálgast
tónlistina á Spotify.
Verkefni þetta var að unnið að
frumkvæði íslenska velgerðarsjóðs-
ins Aurora sem hefur síðustu ár lagt
aukna áherslu á samstarf á sviði
menningar.
Bransinn enn frumstæður
„Það er geysileg gróska í tónlistar-
lífi Síerra Leóne þótt „bransinn“ sé
að mörgu leyti ákaflega frumstæður.
Stórkostlega hæfileikaríkt tónlist-
arfólk fær takmörkuð tækifæri til að
koma fram og spila lifandi tónlist.
Enn færri tækifæri standa til boða ef
ætlunin er að koma sér á framfæri í
útlöndum þar sem aðgangur að
streymisveitum eins og Spotify tak-
markast við að hafa aðgang að kred-
itkortum,“ segir Regína Bjarnadótt-
ir, framkvæmdastjóri Aurora. Hún
segir að áðurnefnt verkefni hafi falist
í því að leiða saman tónlistarfólk frá
þremur löndum í tónlistarsmiðju.
Fyrir ári, í lok október 2018, hittust
sautján tónlistarmenn og eyddu sam-
an einni viku í að skiptast á reynslu
og upplýsingum og búa til fjölbreytta
og seiðandi tónlist.
Mikill sköpunarkraftur
„Tónlistarfólkið dvaldi á litlu gisti-
heimili þar sem fjórum herbergjum
var breytt í stúdíó og vann saman í
nýjum hópum á hverjum degi. Það
var gífurlega mikil orka og sköp-
unarkraftur sem leystist úr læðingi
og í lok vikunnar höfðu verið samin
meira en tuttugu ný lög,“ segir Reg-
ína.
Frábærar viðtökur í Freetown
Í kjölfarið var ákveðið að hópurinn
myndi hittast aftur, fínpússa lögin og
flytja á tónleikum. Ákveðið var að
hópurinn kæmi saman á ný á Free-
town Music Festival. Þá hafði hátíðin
verið haldin tvisvar við góðan orðstír
en í ár tók Aurora þátt í framkvæmd
hennar. Tónlistarfólkið hittist því allt
aftur í mars síðastliðnum og flutti
tónlistina fyrir áhorfendur, en einnig
flutti íslenska og breska tónlist-
arfólkið sitt eigið efni. Undirtektirnar
voru frábærar, að sögn Regínu, og
var í framhaldinu ákveðið að gefa út
tólf lög á plötu. Útgáfuverkefnið fékk
nafnið Osusu, en það er heiti yfir
samvinnuverkefni sem á sér stað í
mörgum þorpum Síerra Leóne.
Fram úr björtustu vonum
Fyrsta lagið kom út föstudaginn
13. september og mun eitt lag koma
út á hverjum föstudegi fram til 29.
nóvember næstkomandi. Sjötta des-
ember kemur svo öll platan út ásamt
þriggja þátta heimildarmynd um það
ævintýri sem tónlistarverkefnið þyk-
ir hafa verið. „Afraksturinn og frek-
ari ævintýri hafa farið fram úr björt-
ustu vonum. Nú þegar hefur til
dæmis hluti tónlistarfólksins frá
Síerra Leóne ferðast í fyrsta sinn út
fyrir landsteinana þegar þau tóku
þátt í útgáfuhófi plötunnar í London í
september. Einnig fengu þau tæki-
færi til að flytja sína eigin tónlist víðs
vegar á Bretlandi,“ segir Regína
Bjarnadóttir.
Tónlistarævintýri í Síerra Leóne
 Íslenskt tónlistarfólk tók þátt í tónlistarsmiðju í Síerra Leóne  Afraksturinn kemur brátt út á
plötu  Mikill sköpunarkraftur í hópnum, að sögn framkvæmdastjóra Aurora-velgjörðarsjóðsins
Allur hópurinn Frá vinstri til hægri: Ragna Kjartansdóttir, (Cell7), Samúel
Jón Samúelsson, Nabihah Iqbal, Sallay Garnett, Arnljótur Sigurðsson, Sam
Wheat, Hadiru Mahdi, Hildur, Mark Crown og Logi Pedro Stefánsson.
Einbeitt Tónlistarkonan Hildur Kristín Stefánsdóttir er ein þeirra sem fóru
til Síerra Leóne. Afrakstur ferðarinnar kemur út á plötu í desember.