Tímarit hjúkrunarfræðinga - 2016, Blaðsíða 50
blaðsíða 1: sjálfsumönnun er kortlögð. hvernig er staðan í dag?
Skjólstæðingurinn svarar spurningum um næringu og næringarástand, um
hreyfingu, þyngd, tóbak og áfengi og að lokum um aðlögunarhæfni, andlega
líðan og ytri aðstæður, s.s. fjárráð og stuðning frá fjölskyldu og félagsþjónustu.
blaðsíða 2: eftirlit og skilningur á sjúkdómsástandi
Hvernig fer skjólstæðingurinn eftir fyrirmælum heilbrigðisstarfsfólks? Tekur
hann lyfin sín og þekkir hann verkun og aukaverkanir þeirra? Fylgist hann með
blóðþrýstingi sínum og fer eftir ráðleggingum? Hver er blóðþrýstingurinn núna?
Er blóðfitugildi hans innan eðlilegra marka?
Sykursjúkir svara aukaspurningum en aðrir með langvinna sjúkdóma. Þeir
eru spurðir út í blóðgildi sín, til dæmis um langtímasykur og fastandi blóðsykur,
hvort viðkomandi skoði fætur sína reglulega, sinni munnhirðu og fari til
tannlæknis, og stýri skömmtum insúlíns samkvæmt blóðsykursgildum.
Í síðasta kafla á bls. 2 eru eingöngu lungnasjúklingar spurðir spurninga. Þar
er spurt út í PEFmælingar og hvort viðkomandi fylgist með gildunum og skilji
mikilvægi þess. Notar lungnasjúklingurinn lyfin sín rétt og þekkir hann versn
andi ástand og getur brugðist strax við á viðeigandi hátt?
blaðsíða 3: sjálfsumönnun – mat og markmið
Spurt er út í hvaða þættir koma í veg fyrir sjálfsumönnun. Er það skortur
á aðlögun eða úthaldi, skapbrestir, einmanaleiki, skortur á stuðningi þeirra
nánustu, fjölskylduaðstæður, skortur á þekkingu og úrræðum?
Þá er spurt út í hvort skjólstæðingurinn hafi áhuga á að styrkja sig í sjálfs
umönnun og að lokum hvernig hann geti hugsað sér að efla sjálfsumönnun
sína. Að lokum setur skjólstæðingurinn sér markmið um breytingar á lífsstíl og
hvernig hann geti náð að efla og styrkja sjálfsumönnun sína og hvaða árangri
hann vilji ná.
Hver varð árangurinn af breytingunum í Huhtasuo?
Árangur breytinganna var metinn og reyndist góður. Það var
auðveldara fyrir skjólstæðingana að fá heilbrigðisþjónustu frá
heilsugæslustöðinni, þjónustan hafði batnað, meðferðaráætlanir
voru oftar uppfærðar og öll meðferð faglegri og betur skipulögð.
Sérstaklega var skoðuð meðferð langveikra sjúklinga með matstækinu
ACIC (Assesment of Cronic Illness Care) og reyndist heilsugæslustöð
in hafa bætt mjög meðferð þeirra sjúklinga. Hjúkrunarfræðingar og
læknar náðu að skipuleggja vinnu sína betur og starfsánægja þeirra
jókst. Hæfni hjúkrunarfræðinganna varð meiri samfara aukinni
menntun og þjálfun. Þeir höfðu meiri áhrif á sína daglegu vinnu
og ánægja þeirra jókst mikið. Starfsfólkinu fannst vinnustaðurinn
aðlaðandi og ánægjulegt að vinna þar.
Fagið06/07