Tímarit hjúkrunarfræðinga - 2016, Blaðsíða 59

fræðigreinar tölublaðsins
Með þessu tölublaði birtast tvær ritrýndar fræðigreinar. Þær má finna á vef tímaritsins.
KÖNNUN Á MATI HJÚKRUNARFRÆÐINGA Á EIGIN FÆRNI Í
LÍFSLOKAMEÐFERÐ OG VIÐHORFUM ÞEIRRA TIL NOTKUNAR MEÐ-
FERÐARFERLISINS LIVERPOOL CARE PATHWAY: FORPRÓFUN Á
SPURNINGALISTANUM END-OF-LIFE CARE
Þórunn Pálsdóttir, Heilbrigðisstofnun Vestfjarða
Elísabet Hjörleifsdóttir, Háskólinn á Akureyri
markmið rannsóknarinnar var að kanna hvernig íslenskir hjúkrunarfræðingar meta
eigin færni í lífslokameðferð, skoða tengsl á milli bakgrunnsbreyta og viðhorf þátttakenda
til notkunar á Meðferðarferli fyrir deyjandi (Liverpool Care Pathway, LCP). Einnig var
tilgangurinn að forprófa réttmæti og áreiðanleika íslenskrar útgáfu á spurningalista um
lífslokameðferð (End­of­Life Care questionnaire). Spurningalisti rannsóknarinnar reyndist
hentugur til rannsókna á sviði lífslokameðferðar. Ætla má að hjúkrunarfræðingar búi yfir
færni og hafi sjálfstraust þegar kemur að lífslokameðferð og hafi stuðning af þverfag­
legum hópi. Þörf er á frekari rannsóknum á Íslandi á gagnsemi Meðferðarferlis fyrir
deyjandi sjúklinga í lífslokameðferð.
LÍKNARMEÐFERÐ FYRIR SJÚKLINGA MEÐ LANGVINNA LUNGNA-
TEPPU: AÐ VERA SAMSTIGA
Guðrún Jónsdóttir, Landspítala
Helga Jónsdóttir, Háskóla Íslands
tilgangur rannsóknar var að lýsa reynslu og viðhorfum hjúkrunarfræðinga á
líknarmeðferð og innleiðingu hennar á sjúkradeild til þess að styrkja þjónustu við sjúk­
linga með langvinna lungnateppu. Slík innsýn gæti bætt lífsgæði sjúklinga með langvinna
lungnateppu og fjölskyldna þeirra sem standa andspænis lífshættulegum sjúkdómi. Til
þess að geta veitt sjúklingum með langvinna lungnateppu líknarmeðferð þarf sérhæfingu
þar sem um flókinn sjúkdóm og sjúkdómsferli er að ræða. Við innleiðingu á klínískum
leiðbeiningum um líknarmeðferð þarf að byggja á þekkingu um sérstakar þarfir lungna­
sjúklinga; innleiðing þarfnast tíma og fjármuna og hugsanlega þarf að laga leiðbein­
ingarnar að sértækum þörfum þessa skjólstæðingahóps.
Fagið 01/01