Tímarit hjúkrunarfræðinga - 2016, Blaðsíða 54
Fólkið03/04
heilbrigðisstarfsmönnum, hvatning til að halda áfram að skipuleggja
og innleiða fræðslu og stuðningsmeðferð á barnadeildum og stuðla
að því að þessi heilbrigðisþjónusta verði partur af hefðbundinni
þjónustu og starfsháttum barnadeilda.
Aðalleiðbeinandi og umsjónarkennari í verkefninu var dr. Erla
Kolbrún Svavarsdóttir, prófessor við Hjúkrunarfræðideild Háskóla
Íslands. Auk hennar sátu í doktorsnefndinni dr. Ann W. Garwick,
prófessor við Háskólann í Minnesota, dr. Mary Kay Rayens, prófessor
við Háskólann í KentuckyLexington, dr. Sigrún Júlíusdóttir, prófessor
emeritus við Félagsráðgjafadeild Háskóla Íslands, og dr. Árelía
Eydís Guðmundsdóttir, dósent við Viðskiptafræðideild sama skóla.
Andmælendur í vörninni voru dr. Nancy J. Moules, prófessor við
Háskólann í Calgary í Kanada, og dr. Ragnar Bjarnason, yfirlæknir
og prófessor við Læknadeild Háskóla Íslands. Dr. Helga Jónsdóttir,
deildarforseti Hjúkrunarfræðideildar, stjórnaði athöfninni sem fram
fór í Hátíðasal Háskóla Íslands.
Anna Ólafía hefur starfað á Barnaspítala Hringsins frá 1987, lengst
af við stjórnun, en nú síðustu ár sem kennslustjóri, klínískur lektor og
sérfræðingur í barnahjúkrun.
Fyrirframákveðnar heimafæðingar á Íslandi
Doktorsritgerð Berglindar Hálfdánsdóttir í ljósmóðurfræðum ber
heitið: Fyrirframákveðnar heimafæðingar á Íslandi: Forsendur,
útkoma og áhrifaþættir (Planned home births in Iceland: Premise,
outcome and influential factors). Heimafæðingum á Íslandi hefur
fjölgað hratt frá aldamótum. Nýlegar rannsóknir hafa að jafnaði
sýnt minni inngrip og heilsufarsvandamál hjá mæðrum eftir fyrir
framákveðnar heimafæðingar, en nýburum hefur vegnað misvel eftir
löndum. Markmið rannsóknarinnar var að skoða sjálfræði kvenna um
val á fæðingarstað, bera saman árangur fyrirframákveðinna heima
fæðinga og sjúkrahúsfæðinga á Íslandi og meta áhrif frábendinga og
viðhorfa kvenna á útkomu fæðinga.
Ritgerðin er byggð á fjórum rannsóknargreinum. Rannsókn
1 var hugtakagreining á sjálfræði kvenna um val á fæðingarstað.
Rannsóknir 2 og 3 voru afturvirkar ferilrannsóknir á öllu þýði 307
fyrirframákveðinna heimafæðinga á Íslandi 20052009 og pöruðu
markmiðsúrtaki 921 fyrirframákveðinnar sjúkrahúsfæðingar hjá