Fréttablaðið - 06.12.2002, Blaðsíða 4

FJÁRLÖG Afgangur af reglulegum
rekstri ríkissjóðs verður 1.150
milljónir króna samkvæmt fjár-
lögum næsta árs. Það er um millj-
arði minna en stefnt var að þegar
fjárlagafrumvarpið var lagt fram
í haust. Hækkaðar álögur í formi
áfengis- og tóbaksgjalda og hærra
gjalds í framkvæmdasjóð aldr-
aðra standa undir afganginum. Án
þeirra hefði vantað 50 milljónir
upp á að ná hallalausum fjárlögum
miðað við þær útgjaldatillögur
sem voru lagðar fram.
Útkoman er sýnu betri ef tekj-
ur af sölu eigna eru teknar með.
Þær eru áætlaðar 10,3 milljarðar
króna og afgangurinn í heild því
11,5 milljarðar.
„Ég er mjög ánægður með þá
niðurstöðu sem við höfum fengið,“
segir Geir H. Haarde fjármálaráð-
herra. „Við verjum þennan afgang
sem lagt var upp með í haust.
Hann minnkar örlítið en ekki
þannig að það skipti neinu efna-
hagslegu máli,“ segir Geir og vís-
ar til afgangs af reglulegum rek-
stri. „Við höldum okkur við það að
reka ríkissjóð með afgangi sem er
mjög mikill þegar tekjur af sölu
ríkisfyrirtækja eru teknar með.
Án þeirra eru þetta rúmar 1.100
milljónir króna. Síðan bætast við
tekjur af sölu venjubundinna
eigna. Ef maður tekur þetta með
eru kannski 1.700 milljónir í af-
gang af reglubundinni starfsemi.“
Ólafur Örn Haraldsson, for-
maður fjárlaganefndar, sagði
stjórnvöld hafa sýnt af sér ábyrgð
með því að bregðast við breyting-
um sem ættu sér stað í efnahags-
lífinu en skila samt afgangi á fjár-
lögum.
Stjórnarandstæðingar voru
ekki jafn ánægðir. Einar Már Sig-
urðarson, fulltrúi Samfylkingar í
fjárlaganefnd, harmaði að eina
endurskoðaða tekjuáætlun ríkis-
sjóðs væri komin frá fjármála-
ráðuneytinu en ekkert mat hlut-
lausra aðila. Hann furðaði sig á
mikilli tekjuaukningu vegna
tekjuskatts fyrirtækja, úr 5,25
milljörðum í 8,25 milljarða. „Þetta
er enn eitt dæmið um hversu slak-
lega er staðið að áætlunargerð.“
brynjolfur@frettabladid.is
4 6. desember 2002 FÖSTUDAGUR
LÖGREGLUFRÉTTIR
SJÁVARÚTVEGUR
TILLÖGUR MEIRIHLUTANS
Útgjaldahlið
Frumvarp 253.300,0 m
2. umræða 4.341,1 m
3. umræða 2.468,1 m
Samtals 260.109,2 m
Tekjuhlið
Frumvarp 264.000,0 m
3. umræða 7.600,0 m
Samtals 271.600,0 m
AFKOMA VIÐ UMRÆÐURNAR
ÞRJÁR
Afgangur af reglulegum rekstri
Frumvarp 2.160,0 m
2. umræða -2.181,1 m
3. umræða 1.150,8 m
KJÖRKASSINN
Farðu inn á frett.is og segðu
þína skoðun
frétt.is
Ertu hlynnt(ur) eða andvíg(ur)
sumarlokun leikskóla?
Spurning dagsins í dag:
Ferðu oft í sund?
Niðurstöður gærdagsins
á www.frett.is
11,4%
43,7%Nei
44,9%
LEIKSKÓLAR
Tillaga um að loka
þeim næsta sumar
er umdeild. Jafn
margir af kjósend-
um kjörkassans eru
hlynntir henni og
mótfallnir.
Veit ekki
Já
Fallinn síbrotamaður:
Stal úr kirkju
DÓMSMÁL Hálffertugur síbrota-
maður hefur verið dæmdur í sex
mánaða fangelsi fyrir þjófnaði og
ávísanafals. Fjórir mánuðir eru
skilorðsbundnir. Síðustu fimm
árin hafði verið hlé á löngum saka-
ferli mannsins.
Maðurinn stal farsímum, kulda-
galla, kofforti, veiðistöng með
hjóli, bjórkassa, gamalli, reiknivél,
líkjör, koníaki, gylltri golfkylfu og
tösku með rennilási auk mynd-
skyggnusýningarvélar sem hann
stal úr Grindavíkurkirkju.
Öllu ofangreindu stal maður-
inn í Grindvík. Í Reykjavík stal
hann bíl og geislaspilara. Fölsuð-
uð ávísununum framvísaði hann í
Keflavík. ■
DÓMSMÁL Héraðsdómur Reykja-
ness hefur skikkað eiganda jarð-
arinnar Hvamms í Skorradal að
láta af hendi við Kára Stefánsson
spildu, sem eigandinn segir ná
yfir 30% af seljanlegu landi jarð-
arinnar, gegn áður umsaminni 24
milljóna króna greiðslu.
Kári gerði kaupsamning um
landspilduna við þáverandi eig-
anda Hvamms í september 2001.
Kaupverðið átti að greiðast þegar
deiliskipulagi svæðisins væri lok-
ið. Öll er jörðin Hvammur um 380
hektarar.
Núverandi eigandi jarðarinnar,
Eignarhaldsfélagið Hvammsskóg-
ur, taldi sig óbundinn af kaup-
samningi Kára. Framburður aðal-
eiganda félagsins fyrir dómi í síð-
asta mánuði réði þó að miklu leyti
úrslitum málsins að sögn dómar-
ans. Eigandinn hafi viðurkennt að
hafa, þegar hann keypti Hvamm,
vitað um tilvist kaupsamningsins
við Kára.
„Engu að síður undirritaði Jó-
hann á stofndegi hins stefnda fé-
lags áðurnefnt samkomulag án at-
hugasemda eða fyrirvara.“
Núverandi eigandi greiddi um
170 milljónir króna fyrir Hvamm,
þar af 140 milljónir með yfirtöku
skulda. ■
DILI, AP Útlendingar eru byrjaðir
að flýja frá Austur-Tímor í kjölfar
óeirða, sem staðið hafa yfir í
nokkra daga. Heldur er að draga
úr óeirðunum, en lögreglumenn
skutu viðvörunarskotum í gær til
þess að halda námsmönnum í
skefjum.
Gríðarleg fátækt er á Austur-
Tímor, sem varð sjálfstætt ríki
fyrir aðeins rúmlega hálfu ári.
Vaxandi óánægja er með stjórn-
ina, sem á fá ráð til þess að út-
rýma fátæktinni í bráð.
Óeirðirnar náðu hámarki á
miðvikudaginn. Þær kostuðu þrjá
menn lífið auk þess sem stór-
markaður brann, hús forsætisráð-
herrans var gereyðilagt og þing-
húsið varð fyrir skemmdum.
Í gær voru götur að mestu auð-
ar í Dili, höfuðborg Austur-
Tímors. Skólar og fyrirtæki voru
lokuð, en sumir verslunareigend-
ur reyndu að hreinsa til eftir
óeirðirnar.
Um það bil tuttugu manns
börðust enn við lögregluna í gær.
Óttast var að óeirðirnar kynnu að
blossa upp á ný.
Xanana Gusmao, forseti lands-
ins, sagði þetta dapurlegt. Stjórn-
in þyrfti nú að finna lausnir. ■
Austur-Tímor:
Óttast frekari óeirðir
FRIÐARGÆSLULIÐAR Á
AUSTUR-TÍMOR
Friðargæsluliðar frá Sameinuðu þjóðunum
stóðu í gær vörð um stjórnarbygginguna í
Dili, höfuðborg Austur-Tímors. Óeirðir hafa
geisað þar undanfarna daga.
AP
/F
IR
D
IA
L
IS
N
AW
AT
I
GENGI GJALDMIÐLA
Bandaríkjadalur 85.21 0.11%
Sterlingspund 133.7 -0.13%
Dönsk króna 11.47 -0.04%
Evra 85.19 -0.04%
Gengisvístala krónu 127,88 0,38%
KAUPHÖLL ÍSLANDS
Fjöldi viðskipta 293
Velta 5.149 m
ICEX-15 1.314 -0,55%
Mestu viðskipti
Eimskipafélag Íslands hf. 174.143.260
Landsbanki Íslands hf. 113.355.406
Pharmaco hf. 104.876.232
Mesta hækkun
Þormóður rammi-Sæberg hf. 12,50%
Frumherji hf. 7,14%
Hampiðjan hf. 4,00%
Mesta lækkun
SR-Mjöl hf. -9,09%
Tangi hf. -7,41%
Ker hf. -5,88%
ERLENDAR VÍSITÖLUR
DJ*: 8631,0 -1,2%
Nasdaq*: 1415,8 -1,0%
FTSE: 4032,4 -0,4%
DAX: 3320,9 0,5%
Nikkei: 8917,6 -1,0%
S&P*: 908,0 -1,0%
*Bandarískar vísitölur kl. 17.00
Hjúkrunarheimili Vífils-
stöðum:
Rekstur
hefst brátt
FJÁRLÖG 2003 Hjúkrunarheimili á
Vífilsstöðum fær 310 milljóna
króna fjárveitingu á næsta ári,
samkvæmt tillögum meirihluta
fjárlaganefndar Alþingis. Það
verður því unnt strax upp úr ára-
mótum að hefja rekstur 50 hjúkr-
unarrýma á Vífilsstöðum og 19
rýma í húsi á svokölluðum Hóli. Í
fjáraukalögum þessa árs er að
auki gert ráð fyrir 130 milljóna
framlagi til endurbóta á húsnæð-
inu og kaupa á búnaði.
Þá verður framlag til hvíldar-
innlagna hækkað um 90 milljónir
króna frá því sem áður hafði ver-
ið ákveðið. Þar með verður unnt
að fjölga rýmum til hvíldarinn-
lagna um 20 á næsta ári. Loks eru
40 milljónir settar í að fjölga dag-
vistarrýmum á næsta ári. ■
Ágóði af treflasölu
Krabbameinsfélagsins:
Rúm milljón
safnaðist
HEILBRIGÐISMÁL Krabbameins-
félaginu og Samhjálp kvenna
hefur verið afhentur ágóði af
sölu á treflum í tengslum við
átak í október gegn brjósta-
krabbameini, alls rúmlega 1.100
þúsund krónur. Salan gekk mjög
vel og hlutfallslega mun betur
en í nálægum löndum. Öllum
ágóða af sölunni verður varið til
að gera fræðslumyndband um
gildi brjóstaskoðunar og
brjóstakrabbameinsleitar.
Í frétt frá Krabbameinsfélag-
inu segir að félagið meti mikils
þennan stuðning við baráttuna
gegn brjóstakrabbameini og
vilji þakka öllum sem lögðu
félaginu lið við októberátakið. ■
Framhaldsskólar:
Erfiðara að
verða ungur
stúdent
SKÓLAR Ný tilskipun mennta-
málaráðuneytisins um fram-
kvæmd kennslu til stúdents-
prófs gerir nemendum erfiðara
fyrir að ljúka stúdentsprófi
hraðar en á fjórum árum eins og
hefð er fyrir. Til að ljúka stúd-
entsprófi þurfa nemendur að
ljúka 140 einingum í námi en í
reglum ráðuneytisins er fram-
haldsskólum gert að kenna 17,5
einingar á önn. Margfaldað með
átta önnum gerir það 140 eining-
ar og þar með er stúdentsprófi
lokið. Hafa skólarnir ekkert
svigrúm til að víkja frá þessum
reglum nema aðrir nemendur
fari sér hægar í námi og ljúki
ekki tilskildum 17,5 einingum á
önn. Mismuninn sem fellur til
mega skólarnir þá nota til að
flýta fyrir þeim sem vilja ljúka
stúdentsprófi á skemmri tíma
en fjórum árum. ■
ELDUR Í POTTI Slökkvilið Akur-
eyrar var kallað út klukkan ell-
efu í gærmorgun þegar eldur
kviknaði í potti sem stóð á elda-
vél. Eldurinn kom upp í íbúðar-
húsnæði og að sögn lögreglu
varð nágranni var við eldinn.
Reykræsta þurfti íbúðina en
skemmdir eru taldar óveru-
legar.
HVAMMUR Í SKORRADAL
Horft til fjalls á landi Kára Stefánssonar í
Skorradal.
Kári Stefánsson hefur betur í málaferlum við Héraðs-
dóm Reykjaness:
Kári réttur eigandi
lands í Skorradal
Gjaldahækkanir
skila afgangi
Afgangur af reglulegum rekstri ríkissjóðs á fjárlögum næsta árs er til-
kominn vegna gjaldahækkana. Án þeirra hefði ríkissjóður verið rekinn
röngu megin núllsins. Afgangurinn verður 11,5 milljarðar.
ÞINGAÐ UM FJÁRLÖGIN
Þingforseti þurfti að hafa fyrir því að fá þingmenn inn í þingsal þegar síðasta umræða um
fjárlögin hófst. Þegar þeir voru komnir skammaði hann þá fyrir skvaldur og frestaði svo
þingfundi meðan beðið var eftir ráðherrum.
FR
ÉT
TA
B
LA
Ð
IÐ
/I
N
G
Ó
54.000 TONN Á LAND Síldveiði-
flotinn hefur landað 54.000 tonn-
um það sem af er fiskveiðiárinu.
Mestu hefur verið landað hjá
Síldarvinnslunni í Neskaupstað,
9.300 tonnum. Eftir á að veiða
75.600 tonn af leyfilegum heildar-
afla.