Fréttablaðið - 07.12.2002, Blaðsíða 2

2 7. desember 2002 LAUGARDAGUR
Gísli Marteinn Baldursson er einn þriggja í dóm-
nefnd sem tilnefndi fagurbókmenntir til hinna ís-
lensku bókmenntaverðlauna. Auk Gísla eru í
nefndinni María Kristjánsdóttir og Þorleifur
Hauksson.
Nei, ég held að Félag íslenskra bókaútgef-
enda hafi valið mig inn sem einhvers konar
fulltrúa hins almenna lesanda. Ég gef mig
ekki út fyrir að vera neitt bókmenntalegt
yfirvald, en félagið virðist hafa treyst því að
ég hafi sæmilegan smekk og heilbrigða
dómgreind.
SPURNING DAGSINS
Ert þú pólitískt
skipaður í nefndina? Húsbréf:
Falsarar
í fangelsi
DÓMSMÁL Tveir 27 ára gamlir
menn sem reyndu að selja 36
fölsuð húsbréf að 44 milljóna
„virði“ hafa í Hæstarétti verið
dæmdir í tveggja ára fangelsi.
Dómurinn er nánast sam-
hljóða dómi héraðsdóms. Félagi
mannanna sem fékk þar einnig
tveggja ára fangelsisdóm áfrýj-
aði ekki til Hæstaréttar. Sá mað-
ur er 29 ára gamall.
Mönnunum tókst að innleysa
24,5 milljónir króna út á fölsuðu
húsbréfin í ýmsum bankaútibú-
um og láta millifæra andvirði
peninganna á reikninga í þeirra
eigu. ■
Austurland:
Aurskriður
loka vegi
HAMFARIR Vegurinn milli Reyðar-
fjarðar og Fáskrúðsfjarðar lokað-
ist í gær vegna aurskriða sem
féllu úr Vattarnesskriðum um
nóttina. Mikil rigning var þegar
skriðurnar féllu. Ekki er vitað
hversu margar þær voru. Starfs-
menn Vegagerðarinnar unnu við
að opna veginn og tókst það eftir
hádegi í gærdag. Vegurinn
skemmdist nokkuð. Var unnið að
því að koma honum í lag og þurftu
ökumenn að fara varlega. ■
Óttast fjárhagsskaða
vegna Ástþórs
Flugfélagið Atlanta hélt blaðamannafund vegna áróðursherferðar
Ástþórs Magnússonar. Forráðamenn þess segja að aldrei verði flogið
með hergögn og hermenn inn á stríðsátakasvæði.
FLUG Forráðamenn flugfélagsins
Atlanta segja að villandi umræða
um samning flugfélagsins við utan-
r ík i sráðuneyt ið
hafi valdið því
miklu ónæði og geti
hugsanlega valdið
því fjárhagslegum
skaða. Ef það ger-
ist, t.d. með riftun
samninga við erlend flugfélög,
áskilur Atlanta sér rétt til að leita til
dómstóla.
„Það sem við viljum að komi
skýrt fram er að ekki kemur undir
neinum kringumstæðum til greina
að Atlanta leigi vélar til flugs með
hergögn og hermenn á stríðsátaka-
svæði,“ sagði Erling Aspelund, upp-
lýsingafulltrúi Atlanta, á blaða-
mannafundi sem haldinn var vegna
málsins í gær.
Flugfélagið Atlanta og Flugleið-
ir gerðu rammasamning við ráðu-
neytið sem getur komið til fram-
kvæmda ef ráðuneytið ákveður svo
í samráði við Atlantshafsbandalag-
ið. Erling sagði að hvergi í samn-
ingnum væri fjallað um flutning
vopna eða skotfæra til hernaðar.
Komi slík ósk liggi ljóst fyrir að
ákvörðunarrétturinn sé flugfélags-
ins.
„Flugfélagið hefur aldrei flogið
inn á átakasvæði eða með vopna-
búnað til beinna hernaðaraðgerða
og það hefur engin stefnubreyting
orðið. Samkvæmt okkar trygginga-
skilmálum megum við ekki fljúga
til landa, eins og t.d. Írak og Íran,
þar sem viðskiptabann Sameinuðu
þjóðanna er í gildi.“
Ástþór Magnússon hjá Friði 2000
hefur undanfarið varað við því með
tölvupósti til fjölmiðla, stjórnvalda
og erlendra aðila að íslensk flugfé-
lög séu hugsanleg skotmörk hryðju-
verkasamtaka. Eina rökin sem hann
hefur fært fyrir þeim orðum er of-
angreindur samningur flugfélag-
anna við utanríkisráðuneytið. Á
blaðamannafundinum vildi Erling
ekkert tjá sig um Ástþór.
„Það er alltaf erfitt að berjast
við vindmyllur,“ sagði Erling.
Viðskiptavinir Atlanta hafa
sjálfir fengið tölvupóst í hundraða
eða þúsunda tali, þar sem fjallað
er um Atlanta sem hugsanlegt
skotmark hryðjuverkasamtaka.
Erling sagði að þeir hefðu haft
áhyggjur af þessari umræðu og
verið í daglegu sambandi við Atl-
anta. Á meðal viðskiptavina Atl-
anta eru Virgin Atlantic, Iberia,
Saudia, Excel Airways, Air
France, Garuda Indonesia, Air Al-
gerie og Air Asia.
trausti@frettabladid.is
Sandgerði:
Syntu á eftir
bryggju
VEÐUR Tveir félagar í björgunar-
sveitinni Sigurvon í Sandgerði
syntu út að björgunarskipinu
Hannesi Þ. Hafstein í morgun eft-
ir að flotbryggja sem skipið var
bundið við slitnaði upp í miklu
ólagi í höfninni. Línuskipið Freyja
GK var einnig bundið við bryggj-
una. Sigurður Stefánsson kafari
sjósetti í félagi við annan björgun-
arsveitarmeðlim systurbát á
björgunarskipinu og fóru þeir á
honum að landi til að sækja fleiri
björgunarmenn.
Á flóðinu klukkan sex í gær-
morgun var snælduvitlaust veður
í Sandgerðishöfn samkvæmt Vík-
urfréttum og gengu brotin yfir
sjóvarnagarða við höfnina. ■
Reykjavík:
Blóðug
sprautunál
á leikvelli
FÍKNIEFNI Blóðug sprautunál,
tvær sprautur og umbúðir af
lyfinu rítalín ásamt öðru lyfi
óþekktu fundust á barnaleik-
velli á Skúlatorgi í gærmorgun.
Það var faðir tveggja barna sem
býr í grennd við leikvöllinn sem
sá ungan mann fleygja þessu frá
sér þar sem hann gekk í gegnum
hverfið. Faðirinn segir þetta
ekki eina tilfellið sem hann sér
fólk sýna af sér svona stór-
hættulegt kæruleysi. Hann seg-
ist vera áhyggjufullur yfir vel-
ferð barna sinna, sem eru fimm
og átta ára.
Hjá lögreglunni í Reykjavík
fengust þær upplýsingar að til-
kynningar um sprautur og nálar
á víðavangi bærust reglulega.
Litið er á þetta alvarlegum aug-
um þar sem um stórhættulegan
verknað er að ræða. Smithætta
er mikil stingi barn sig á notuð-
um nálum. Vill lögregla benda
fólki á að láta vita finni það
áhöld til fíkniefnaneyslu. ■
ÆTLA EKKI AÐ FLJÚGA INN Á ÁTAKASVÆÐI
Á blaðamannafundi flugfélagsins Atlanta kom fram að félagið hefði aldrei flogið inn á átakasvæði og að það stæði ekki til. Frá vinstri:
Arngrímur Jóhannsson stjórnarformaður, Erling Aspelund, upplýsingafulltrúi flugfélagsins og Þóra Guðmundsdóttir meðstjórnandi.
„Það er alltaf
erfitt að berj-
ast við vind-
myllur.“
ÁHÖLD TIL FÍKNIEFNANEYSLU
Á barnaleikvellinum fundust þessi áhöld til
fíkniefnaneyslu, tvær sprautur, notuð nál
og umbúðir af lyfjum.
Ríkið kaupir birgðastöð Sementsverksmiðjunnar í Reykjavík:
Verksmiðjan fyrir vind í bili
SEMENTSVERKSMIÐJAN „Ég ætla nú
ekki að fullyrða um verðmæti eign-
arinnar en það skiptir einhverjum
hundruðum milljóna króna,“ sagði
Valgerður Sverrisdóttir iðnaðarráð-
herra.
Skömmu áður en þriðju og síð-
ustu umræðu um fjárlagafrumvarp
næsta árs lauk lagði hún fram
breytingartillögu sem felur í sér að
ríkissjóði er heimilt að kaupa lóð
Sementsverksmiðjunnar að Sævar-
höfða 31 í Reykjavík ásamt tilheyr-
andi mannvirkjum. Þar hefur 8 þús-
und tonna birgðastöð verið rekin.
Með kaupunum er rekstur Sements-
verksmiðjunnar kominn fyrir vind,
í bili að minnsta kosti.
„Þarna eru verðmæti sem fyrir-
tækið þarf ekki á að halda og best
væri að mínu mati ef Reykjavíkur-
borg hefði áhuga á að kaupa lóðina.
En við töldum rétt að hafa þessa
heimild í fjárlögum. Ríkið getur þá
hugsanlega gripið inn í og keypt lóð-
ina til bráðabirgða þar sem rekstr-
arstaða Sementsverksmiðjunnar er
mjög erfið. En við erum ekkert að
gefast upp. Við trúum því ennþá að
við fáum þá niðurstöðu hjá Eftirlits-
stofnun EFTA að viðskiptahættir
keppinautar Sementsverksmiðjunn-
ar séu ekki eðlilegir. Með þessu
erum við að vinna okkur tíma,“
sagði Valgerður Sverrisdóttir og
bætti við að stjórnvöld veltu nú fyr-
ir sér ýmsum aðgerðum til að
treysta rekstur Sementsverksmiðj-
unnar til lengri tíma. Hins vegar
væri of snemmt að greina frá þeim
nú. ■
VALGERÐUR SVERRISDÓTTIR
Segir aðgerða að vænta sem treysta muni
rekstur Sementsverksmiðjunnar hf. á Akra-
nesi til lengri tíma.
Ostaþjófur:
Náði ekki í
Kolaportið
DÓMSMÁL Héraðsdómur hefur
dæmt síbrotamann í 45 daga fang-
elsi fyrir að stela sjö ostum úr
verslun í Austurstræti.
Maðurinn, sem er 34 ára gam-
all, stal ostunum sjö í lok ágúst í
sumar. Verðmæti þeirra var 3.683
krónur.
Lögregla segir manninn hafa
játað glæp sinn við yfirheyrslur
og enn fremur hafa upplýst um þá
áætlun sína að selja oststykkin á
hálfvirði í Kolaportinu.
Fyrir dómi sagði maðurinn
játninguna hjá lögreglu hafa verið
þvingaða fram. Hann hafi ætlað
að greiða fyrir ostana en verið
stöðvaður áður en hann náði að af-
greiðslukassa.
Opnun tilboða í Kárahnjúkavirkjun forsenda raforkusamninga:
Raforkusamningur handsalaður eftir viku
LANDSVIRKJUN „Nú förum við yfir
tilboðin og ræðum við bjóðendur.
Að því loknu er stefnt að því að
ljúka gerð raforkusamnings við
Alcoa. Hann verður að líkindum
handsalaður og frágenginn, með
fyrirvara um samþykki stjórna
beggja fyrirtækja, í lok næstu
viku. Í kjölfarið verður gengið til
samninga um gerð aðrennslis-
ganga og Kárahnjúkastíflu,“ sagði
Þorsteinn Hilmarsson, upplýs-
ingafulltrúi Landsvirkjunar, eftir
að tilboð í verkþættina höfðu ver-
ið opnuð.
Ítalska verktakafyrirtækið
Impregilo átti lægstu tilboð í báða
verkþætti og var eina fyrirtækið
sem var undir kostnaðaráætlun
Landsvirkjunar. Tilboð Impregilo
hljóðar samtals upp á 44,4 millj-
arða króna en kostnaðaráætlun
nam 50 milljörðum. Fái Impregilo
báða verkþætti mun það veita
Landsvirkjun 3% afslátt af tilboði
sínu eða rúmar 1.300 milljónir
króna.
Þrjú tilboð bárust í hvorn verk-
hluta og bauð Impregilo lægst í
Kárahnjúkastíflu, 19,9 milljarða
eða 82,4% af kostnaðaráætlun. Til-
boð tveggja annarra fyrirtækja-
samsteypa voru hins vegar
113,3% og 144,9% af kostnaðará-
ætlun.
Þá átti Impregilo einnig lægsta
tilboð í aðrennsilisgöng, bauð 24,5
milljarða eða 93,9% af kostnaðar-
áætlun. Tilboð tveggja annarra
verktakasamsteypa voru þar tölu-
vert yfir. ■
LANDSVIRKJUN
Þorsteinn segir að þegar farið hafi verið
yfir tilboð í verkþælttina verði raforku-
samningur Landsvirkjunar og Alcoa
handsalaður.
TILBOÐ Í MILLJÖRÐUM KRÓNA
Kárahnjúkastífla (KAR 11) og aðrennslisgöng Kárahnjúkavirkjunar (KAR 14)
Fyrirtæki KAR 11 % af KAR 14 % af
áætlun áætlun
1. Impregilo S.p.A 19,9 82,4 24,5 93,9
2. Balfour Beatty Group Ltd. – – 46,3 177,1
E. Pihl & Sön AS
Ístak hf.
3. Eurohydro JV 34,4 144,9 36,1 138,1
Hochtief Construction AF
Íslenskir aðalverktakar hf.
4. Ístak hf. 27,0 113,3 – –
E. Pihl & Sön AS
AF Gruppen ASA
Kostnaðaráætlun ráðunauta 23,8 26,2
MÓTMÆLA ÁFORMUM Verzlunar-
mannafélag Reykjavíkur mót-
mælir áformum Leikskóla
Reykjavíkur að loka leikskólum
borgarinnar í fjórar vikur yfir
sumartímann og skorar á borgar-
yfirvöld að falla frá áformunum.
VR telur að með sumarlokun yrði
þrengt að hagsmunum heimila og
vinnustaða og stigið skref afturá-
bak í jafnréttismálum á íslensk-
um vinnumarkaði.
ATVINNUMÁL
FR
ÉT
TA
B
LA
Ð
IÐ
/I
N
G
Ó