Fréttablaðið - 07.12.2002, Blaðsíða 10

10 7. desember 2002 LAUGARDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
ERLENT
Athugasemd
frá mennta-
málaráðherra
Tómas Ingi Olrich skrifar:
Vegna ítrekaðra tilvitnanaFréttablaðsins í meint um-
mæli mín, á fundi í Háskóla Ís-
lands, vil ég koma eftirfarandi á
framfæri við ritstjórn blaðsins.
Í fyrsta lagi hafa mér verið
lögð orð í munn sem ég viðhafði
ekki. Í öðru lagi finnst mér ómak-
legt og óviðunandi að eiginkonu
minni sé blandað í málið og óska
eftir að henni verið hlíft framveg-
is ef blaðið kýs að stunda blaða-
mennsku af þessu tagi. ■
INFORMATION
Leiðarahöfundur Information
segir að hugsanlega hafi Græn-
lendingar „gert sjálfum sér ís-
bjarnargreiða“ með því að velja
ákafa sjálfstæðismenn á þing. Þar
með hafi danskir stjórnmálamenn
og danska ríkisstjórnin fengið
upp í hendurnar góða afsökun fyr-
ir því að líta framhjá því að þeir
„beri ennþá sögulega ábyrgð á
vandamálum Grænlands.“ Leið-
arahöfundur fullyrðir að Græn-
lendingar geti einfaldlega ekki
staðið undir nútíma samfélagi,
með öllu sem því tilheyrir, án þess
að fórna einhverju. Því er spurt
„hvort Danmörk sé aðeins hluti af
vandamálinu, eða hvort Danmörk
eigi hugsanlega enn um sinn að
vera hluti af lausninni.“
POLITIKEN
Leiðarahöfundur Politiken seg-
ir að spyrja verði hve raunhæft
það sé að Grænlendingar segi skil-
ið við „gamla nýlenduveldið í
suðri.“ Annars vegar hafi margir
Grænlendingar áhyggjur af nútím-
anum, sem eyðileggur jafnt og þétt
gamlar hefðir þeirra. En á hinn
bóginn séu fáir Grænlendingar
reiðubúnir til að fórna þeim lífs-
gæðum sem nútíminn hefur í för
með sér. „Hans Enoksen og Co.
geta ekki stimplað sig út úr nútím-
anum, en ef þjóðin vill það, þá er
ekkert ómögulegt í pólitík.“ Að
finna „betra og réttlátara jafn-
vægi“ milli hins nýja og hins
gamla er sögð fögur hugsjón, „en
auðvelt verður það ekki.“
JYLLANDSPOSTEN
Í Jyllandsposten segir leiðara-
höfundur að Siumut, flokkur jafn-
aðarmanna á Grænlandi, hafi ver-
ið í stjórn meira og minna undan-
farin tuttugu ár, og beri því
„höfuðábyrgð á því að félagsleg
vandamál hafi fengið að vaxa“.
Samt hafi Siumut ekki fengið þann
dóm kjósenda sem hann átti skilið.
Leiðarahöfundur segir að græn-
lenskir stjórnmálamenn ættu nú
að einbeita sér að þeim vandamál-
um sem nærtækust eru, svo sem
húsnæðisskorti, niðurníddum skól-
um og félagslegum vandamálum.
„Eftir það geta þeir hæfilega hratt
farið að huga að því að stjórna
sjálfir og borga sjálfir.“ ■
Gerðu Grænlendingar sér „ísbjarnargreiða“?
Kosningarnar á Grænlandi í vikunni hafa
orðið dönskum leiðarahöfundum tilefni til
að velta fyrir sér möguleikum Grænlendinga
til þess að standa á eigin fótum. Leiðara-
höfundarnir virðast almennt tortryggnir á
sjálfstæðishugmyndir Grænlendinga.
Úr leiðurum
Mótmæli við
skógræktarblokkir
Borgin segir skógræktarsvæði í Fossvogi ekki
vera „eiginlegt útvistarsvæði“ heldur „ákjósan-
legt byggingarland.“
SKIPLAGSMÁL Eindregin mótmæli
hafa borist frá 49 íbúum í ná-
grenni útivistarsvæðisins við
skógræktina í
Fossvogi sem
b o r g a r y f i r v ö l d
vilja úthluta undir
þriggja hæða
blokkir fyrir aldr-
aða.
Vigdís Finn-
bogadóttir er í far-
arbroddi annars
hópsins sem lýst
hefur áhuga á að
reisa slík hús. Rætt er um allt að
50 íbúðir. Þær gætu til dæmis
komist fyrir í þremur blokkum
sem hver hefði þrjá stigaganga.
Í kynningarbréfi sem íbúum í
nágrenni umræddrar lóðar var
sent 14. nóvember kemur meðal
annars fram að svæðið sé „ákjós-
anlegt“ byggingarland. Eðlilegt sé
að athuga þann möguleika að
teygja byggðina í Fossvogi inn á
svæðið og að skógarjaðrinum.
Tvö mótmælabréf bárust borg-
inni eftir kynninguna. Einnig bár-
ust tvö stuðningsbréf frá íbúum
sem segjast hafa áhuga á að setj-
ast að í nýju blokkunum.
Í öðru mótmælabréfinu er
gagnrýnd mótsögn sem er að
finna í kynningarbréfi borgar-
innar varðandi skilgreiningu
svæðisins. Annars vegar komi
fram að það sé skilgreint sem
„útivistarsvæði til sérstakra
nota“ en hins vegar sé það „ekki
inni á eiginlegu útvistarsvæði.“
Fundið er að því að ekki komi
fram í kynningarbréfinu hvern-
ig koma eigi nýju byggðinni fyr-
ir, hugmyndir um það virðist
óljósar. Íbúarnir segjast vera
„eindregið mótfallnir“ því að
reist verði fjölbýlishús á svæð-
inu.
Í hinu mótmælabréfinu segir
að áformin séu brot á aðalskipu-
lagi. Umferð myndi stóraukast
og verðmæti nálægra eigna rýr-
ast. „Aðalskipulag gerir ráð fyr-
ir einnar hæðar húsum með sér-
staklega ströngum skilmálum
við Árland þannig að við getum
engan veginn fallist á hærri en
einnar hæðar hús þar fyrir vest-
an,“ segir í bréfinu.
Íbúarnir segjast telja að um-
rædd svæði verði áfram fram-
hald af útivistarsvæðinu í Foss-
vogsdal.
Viðbrögð íbúanna hafa verið
kynnt á fundi hjá skipulagsfull-
trúa. gar@frettabladid.is
Ekki voru allir sáttir þegar rík-isstjórnin kynnti fjárlaga-
frumvarp sitt í haust. En þá fyrst
rak menn í rogastans þegar fjár-
aukafrumvarpinu var slengt fram
því önnur eins handarbakavinnu-
brögð hafa ekki lengi sést. Að vísu
eru menn ýmsu vanir frá ríkis-
stjórninni þegar fjáraukalögin
eru annars vegar en jafnan hefur
það verið tekið trúanlegt á haustin
er lofað hefur verið bót og betrun
um að næst verði vinnan vand-
aðri.
Fjárlagafrumvarp og fjárauka-
lög eru sitt hvað. Fjárlögin horfa
til komandi árs en með fjárauka-
lögum er litið til baka og aflað
heimildar Alþingis fyrir útgjöld-
um sem þegar hefur verið stofnað
til á liðnu ári en voru ekki fyrir-
sjáanleg við gerð fjárlaga síðasta
árs.
Fyrsta gagnrýnisefnið er að
megnið af þeim kostnaðarliðum
sem er að finna í fjáraukalögun-
um mátti sjá fyrir og hefðu því átt
heima í fjárlagafrumvarpinu sem
samþykkt var fyrir árið 2002 á
þessum tíma í fyrra. Einn út-
gjaldaliður á fjáraukalögunum nú
var t.d. sérstakt framlag til verk-
efna sem tengjast margrómaðri
einkavæðingu ríkisstjórnarinnar.
Varla kom það henni á óvart að
hún skyldi ráðast í sölu bankanna
á árinu – varla hefur ríkisstjórnin
verið svo meðvitundarlaus að
kostnaðurinn hafi komið henni í
opna skjöldu. Á hinn bóginn eru
svo undarleg dæmi um hið gagn-
stæða í fjáraukalögunum – fram-
kvæmdir sem enginn hefur haft
spurnir af og eru því í besta falli
ósýnilegar.
Annað gagnrýnisefnið lýtur að
því að upplýsingum um viðkvæm
deilumál er haldið leyndum.
Framlag til einkavæðingarverk-
efna nam 220 milljónum króna en
á engan hátt gerð grein fyrir
sundurliðun útgjaldanna. Með eft-
irgangsmunum tókst að toga út úr
Stjórnarráðinu allsendis ófull-
nægjandi upplýsingar sem rúm-
uðust á fjórðungi úr blaðsíðu, með
gleiðu línubili og þokukenndu
orðalagi. Stofnanir á borð við
framhaldsskóla og sjúkrahús
þurfa að gera grein fyrir hverri
krónu sem fengin er úr ríkissjóði
og þannig á það að sjálfsögðu að
vera. En einkavæðingarverkefnin
lúta öðrum lögmálum; þar er fjár-
magnið ekki skorið við nögl og
spurninga þar um má ekki spyrja.
Útgjöldin eiga þó að vera þekkt í
smáatriðum en virðast ekki þola
dagsljósið.
Þriðja gagnrýnisatriðið hefur
lengi verið tíundað af hálfu Ríkis-
endurskoðunar en það er að opin-
berum stofnunum er haldið í gísl-
ingu með því að taka ekki á fjár-
hagsvanda þeirra og láta þær
stöðugt burðast með halla frá
fyrri árum. Þær geta hvorki lifað
né dáið; eiga að sinna lögboðnum
skyldum og verkefnum en fá ekki
til þess peninga. Þetta á bæði við í
heilbrigðismálum og menntakerf-
inu og er farið að valda verulegu
niðurbroti og tjóni. Menn spyrja
hvort fyrir ríkisstjórninni vaki að
svelta þessar stofnanir í þeirri
von að þær fari sjálfar að heimta
notendagjöld sem er dularorð fyr-
ir sjúklingaskatta og skólagjöld.
Fjórða megin gagnrýnisefnið
er að í fjáraukalögum eru tekjur
af óseldum eignum færðar til
tekna. Nú er gert ráð fyrir tekjum
vegna sölu eigna upp á 15,2 millj-
arða og eru þær aðallega vegna
sölu bankanna. Þó er ljóst að í rík-
issjóð koma aðeins 6 milljarðar
króna á árinu vegna þeirrar út-
sölu. Hitt er ófrágengið. En með
því að færa öll fyrirheit væntan-
legra kaupenda inn í bókhaldið
líta fjárlög síðasta árs Geirs H.
Haarde fyrir kosningar betur út
en ella: Stórkostlegur rekstraraf-
gangur. Við fjárlagaumræðuna
sagði fjármálaráðherra að eðli-
legt væri að bókfæra söluandvirð-
ið þegar það er staðfest en ekki
þegar peningarnir koma inn. En
er það ekki svo að enn er fyrirvari
á sölusamningi um Búnaðarbank-
ann? Tæknilega getur salan því
gengið til baka. Kaupendurnir eru
blankir en þeir ætla sér að slá lán
með veði í þeirri eign sem ríkis-
stjórnin er búin að færa þeim. Eft-
ir það ætti leiðin að vera greið
með því að borga lánið upp fyrir
arðinn af eigninni - hann nam jú
tveimur milljörðum í ár.
Þetta lítur vel út fyrir fram-
sóknarmennina sem eru að eign-
ast Búnaðarbankann og líka fyrir
ríkisstjórnina sem býr til flotta
liði í bókhaldið. Allir eru að gera
það gott nema náttúrlega þjóðin.
Hana er verið að blekkja, það er
ekki gott og gengur ekki til lengd-
ar. ■
MINNISMERKI UM DÍÖNU Stór
gosbrunnur verður reistur til
minningar um Díönu Spencer
prinsessu í Hyde Park, einum
þekktasta almenningsgarði
Lundúna.
TVEIR SPRENGDIR Í LÍBANON
Tveir menn fórust þegar
sprengja sprakk í bifreið þeirra
þar sem þeir óku á þjóðvegi
sunnan til í Líbanon í gær. Annar
maðurinn var fyrrverandi njósn-
ari í Líbanon. Hinn var frændi
hans.
FRIÐARGÆSLULIÐAR Á HÓRU-
HÚSI Lögreglumenn á vegum
Sameinuðu þjóðanna í Bosníu
fundu tíu friðargæsluliða á næt-
urklúbbi í Sarajevó, þar sem
talið er að stundað sé vændi.
Lögreglumennirnir réðust til
inngöngu á næturklúbbinn í
tengslum við herferð gegn man-
sali.
Rætt er um allt
að 50 íbúðir.
Þær gætu til
dæmis komist
fyrir í þremur
blokkum sem
hver hefði þrjá
stigaganga.
SKÓGRÆKTARLÓÐIN
Vigdís Finnbogadóttir, fyrrverandi forseti, er
í fararbroddi annars af tveimur hópum
sem vilja reisa blokkir fyrir aldraða á þess-
ari lóð austan í jaðri skógræktarinnar í
Fossvogi. Íbúar í nágrenninu eru „eindreg-
ið mótfallnir“ byggingaráformunum.
alþingismaður
skrifar um ríkis-
fjármál.
ÖGMUNDUR
JÓNASSON
Um daginn
og veginn
Þeir halda sig á
handarbakinu
Leikskóla-
vandræði í
Garðabæ
Móðir hafði samband:
Mig langar að vekja athygli ábiðlistum eftir leikskólaplássi
í Garðabæ. Því hefur verið haldið
fram af ráðamönnum bæjarins að
engir biðlistar séu eftir leikskólum,
en því er nú ekki að heilsa. Sonur
minn er rúmlega tveggja ára og
fær ekki pláss. Ég veit að allt að
fjögurra ára gömul börn eru á
biðlistum. Til að kóróna þetta þá
eru nær engar dagmömmur í
Garðabæ. ■