Fréttablaðið - 07.12.2002, Blaðsíða 12

7. desember 2002 LAUGARDAGUR
ÍÞRÓTTIR UM HELGINA
LAUGARDAGUR
11.45 Sýn
Enski boltinn
(Man. Utd. - Arsenal)
14.45 Stöð 2
Enski boltinn
(Charlton - Liverpool)
16.00 Höllin
Handbolti karla (Þór - Selfoss)
16.00 KA-heimilið
Handbolti kvenna
(KA/Þór - Víkingur)
16.00 DHL-Höllin
Karfa kvenna (KR - ÍS)
16.20 RÚV
Íslandsmótið í handbolta
17.00 Ásgarður
Handbolti karla
(Stjarnan - Fram)
18.00 Ásvellir
Karfa kvenna
(Haukar - Keflavík)
00.10 Sýn
Hnefaleikar - F. Mayweather
SUNNUDAGUR
15.45 Sýn
Enski boltinn
(Tottenham - WBA)
19.15 Borgarnes
Karfa karla
(Skallagrímur - Haukar)
20.00 Digranes
Handbolti karla (HK - FH)
20.00 Víkin
Handbolti karla (Víkingur - ÍR)
FÓTBOLTI Síðast þegar Arsenal kom í
heimsókn á Old Trafford tryggði lið-
ið sér Englandsmeistaratitilinn með
1:0 sigri.
Rio Ferdinand, sem á við meiðsli
að stríða, segir að félagar sínir séu
tilbúnir í slaginn. „Það var nógu
slæmt að tapa titlinum. En að
Arsenal skuli hafa unnið hann á Old
Trafford gerði það að verkum að
erfitt var fyrir strákana að sætta
sig við það. Það eru allir tilbúnir til
að leggja aukalega á sig til að vinna
leikinn.“
Ruud van Nistelrooy, samherji
Ferdinand, telur að hægt sé að
vinna Arsenal með því að loka fyrir
sendingar til framherja liðsins.
„Það er ekki hægt annað en að dást
að því hvernig Arsenal hefur staðið
sig á leiktíðinni,“ sagði Hollending-
urinn snjalli. „Með leikmenn eins og
Thierry Henry, Sylvain Wiltord og
Robert Pires geta þeir refsað afar
fljótt. Við verðum að svara því eins
og við lékum gegn Liverpool. Við
pressuðum þá stíft um leið og þeir
fengu boltann.“
Auk Ferdinand verða þeir David
Beckham, Roy Keane og Nicky Butt
ekki í liði United vegna meiðsla.
Arsenal er í efsta sæti úrvals-
deildarinnar en United er í fjórða
sæti með sex stigum færra. Það er
því ljóst að með sigri getur Arsenal
stungið United af í baráttunni um
titilinn með því að ná níu stiga for-
ystu.
Sol Campbell, varnarmaðurinn
sterki í liði Arsenal, verður í leik-
banni. Talið er að Martin Keown,
fylli skarð hans í vörninni.
Arsenal hefur skorað í 55 leikj-
um í röð og stefnir að því að bæta
metið enn frekar fyrir framan
67.500 áhorfendur á Old Trafford. ■
Liðsmenn United
hyggja á hefndir
Manchester United tekur á móti Arsenal í stórleik ensku knattspyrn-
unnar í dag. Arsenal tryggði sér Englandsmeistaratitilinn á Old
Trafford á síðustu leiktíð við lítinn fögnuð þáverandi meistara United.
BERGKAMP
Leiknum í dag hefur verið stillt upp sem einvígi framherjanna Ruud van Nistelrooy og Thi-
erry Henry. Ekki má þó gleyma Diego Forlan sem hefur verið á skotskónum með United
og Dennis Bergkamp, sem getur skorað 100. mark sitt með Arsenal í leiknum í dag.
Manchester United:
Hafnaði
Henry
FÓTBOLTI Manchester United
hafði tækifæri á að kaupa
franska landsliðsmanninn
Thierry Henry, leikmann
Arsenal, en hætti við þar
sem útsendurum liðsins
fannst hann ekki nógu mót-
aður sem leikmaður.
Les Kershaw, fyrrver-
andi útsendari hjá United,
segist hafa hafnað Frakkan-
um þegar hann var ungling-
ur og lék með Monaco.
„Ég sá Henry spila
nokkrum sinnum með
Monaco. Þá var hann mjög
ungur, kannski 17 eða 18
ára,“ segir Kershaw. „Hann
var ótrúlega góður í að
skapa sér svæði en mér
fannst hann of óreyndur. En
sjáið hann núna. Hann er
orðinn frábær leikmaður.“
Henry, sem nú er 25 ára,
gekk til liðs við Juventus
árið 1999 en fann sig ekki
þar. Hann gekk til liðs við
Arsenal eftir átta mánaða
dvöl á Ítalíu og sló í gegn.
Hann verður væntanlega í
eldlínunni í dag þegar
Arsenal sækir United heim
á Old Trafford. ■
AP
/M
YN
D
HANDBOLTI Tveir erlendir hand-
boltamenn sem leika á Íslandi,
þeir Roland Eradze, markvörður
Vals, og Alexandre Petersons,
örvhent skytta hjá Gróttu/KR, öðl-
ast á næstunni íslenskan ríkis-
borgararétt samkvæmt frum-
varpi allsherjanefndar alþingis.
Eradze, sem er 31 árs gamall,
er frá Georgíu en Petersons, sem
er 22 ára, er frá Lettlandi.
Til þess að kapparnir verði
gjaldgengir með íslenska lands-
liðinu þurfa þrjú ár að hafa liðið
frá því að þeir spiluðu landsleik
með landsliði síns heimalands.
Eradze lék síðast landsleik með
Georgíu í janúar árið 2000 og sam-
kvæmt því ætti hann að verða
gjaldgengur í íslenska landsliðs-
hópinn fyrir HM í handbolta sem
haldið verður í Portúgal í janúar á
næsta ári. Styttra er síðan Peter-
sons lék með lettneska landsliðinu
og því verður einhver bið á því að
hann verði gjaldgengur.
„Ef þetta er rétt er það mjög
ánægjulegt. Þeir eru báðir mjög
frambærilegir leikmenn. Auðvit-
að koma þeir til greina eins og
aðrir, hvort sem þeir bætast inn í
þennan hóp sem mér stendur til
boða núna eða seinna,“ sagði Guð-
mundur Guðmundsson, landsliðs-
þjálfari í handbolta, þegar Frétta-
blaðið ræddi við hann í gær. ■
Eradze og Petersons fá íslenskan ríkisborgararétt:
Mjög frambæri-
legir leikmenn
ERADZE
Roland Eradze hefur staðið sig vel með Valsliðinu í handbolta.
KÖRFUBOLTI Damon John-
son, leikmaður Keflavík-
ur í körfubolta, öðlast ís-
lenskan ríkisborgararétt
á næstu dögum. Damon
er 28 ára Bandaríkja-
maður og hefur verið
einn besti erlendi leik-
maðurinn á Íslandi und-
anfarin ár.
Friðrik Ingi Rúnars-
son, þjálfari íslenska
landsliðsins, segir að
þetta séu góð tíðindi fyr-
ir landsliðið. „Þetta er
náttúrulega fantagóður
leikmaður. Hins vegar
skapast athyglisverð
staða því þeir mega ekki spila
báðir í einu, Brenton Birming-
ham, fyrrverandi leikmaður
Njarðvíkur, og Damon í opinber-
um Evrópuleikjum og Norður-
landamótum,“ segir Friðrik.
„Um leið og það kemur frábær
leikmaður inn í flóruna skapast
pínulítið vandamál með að velja
á milli þessara tveggja höfð-
ingja.“ ■
Damon Johnson fær íslenskan ríkisborgararétt:
Valið stendur á milli
tveggja „höfðingja“
KÖRFUBOLTI
Næsta verkefni íslenska landsliðsins er
mót sem haldið verður í Lúxemburg á milli
jóla og nýárs. Þar etur liðið kappi við Eng-
land og Kýpur auk heimamanna.
LEIKIR HELGARINNAR:
Man.Utd - Arsenal
Aston Villa - Newcastle
Bolton - Blackburn
Charlton - Liverpool
Everton - Chelsea
Fulham - Leeds
Middlesbr. - West Ham
South. - Birmingham
Tottenh. - WBA (sunnud.)