Fréttablaðið - 20.12.2002, Blaðsíða 16

16 20. desember 2002 FÖSTUDAGUR
ÍÞRÓTTIR Í DAG
18.00 Sýn
Sportið með Olís
18.30 Sýn
Trans World Sport
19.15 Borgarnes
Karfa karla
(Skallagrímur - Valur)
19.15 Grindavík
Karfa karla (UMFG - Hamar)
19.30 Sýn
Alltaf í boltanum
HNEFALEIKAR Hnefaleikakappinn
Evander Holyfield þarf að gangast
undir aðgerð á öxl vegna meiðsla
sem hann varð fyrir í fyrstu lotu
gegn Chris Byrd í einvígi þeirra um
IBF-titilinn í þungavigt síðastliðinn
laugardag.
Ekki er vitað hversu alvarleg
meiðslin eru fyrr en eftir að aðgerð-
ina. Svo gæti þó farið að Holyfield
þyrfti að leggja hanskana á hilluna.
Byrd vann einvígið um helgina
eftir einróma úrskurð dómara.
Holyfield, sem er fertugur að aldri,
notaði vinstri hönd sína lítið í bar-
daganum vegna meiðslanna og náði
aðeins þremur stungum að Byrd.
„Evander barðist í 11 lotur, nánast
með annarri hendi,“ sagði Jim
Thomas, lögfræðingur kappans.
Tók hann þó fram að talsmenn
Holyfield notuðu það ekki sem af-
sökun fyrir tapi hans. „Chris barðist
mjög vel og sannaði að hann er
verðugur meistari.“
Holyfield hefur aðeins sigrað í
tveimur af síðustu sjö bardögum
sínum. Óvíst er hvort hann geti
haldið áfram að keppa í von um að
endurheimta heimsmeistaratitil
sinn. „Ef hann getur barist er 100%
öruggt að hann mun halda áfram,“
sagði Thomas. „Ef læknarnir segja
að hann eigi við alvarleg meiðsli að
stríða sem eigi eftir að versna mun
hann vega og meta stöðu sína.“ ■
Evander Holyfield í aðgerð á öxl:
Ferillinn í hættu
HOLYFIELD
Chris Byrd víkur sér undan höggi frá Evander Holyfield í annarri lotu í viðureign
þeirra á laugardag. Holyfield, sem er fertugur, vann heimsmeistaratitilinn fjórum sinnum
á sínum tíma.
Njóttu þess
að vera til
um leið og
þú hugar að
heilsunni
Flott
kvenúr
LAUGAVEGI 15 • Sími 511 1900
www.michelsen.biz
Kíktu á úrvalið á
FÓTBOLTI Eiður Smári Guðjohn-
sen, leikmaður Chelsea, segist
eiga von á því að klára þau tvö
ár sem hann á eftir af samn-
ingi sínum við liðið. „Ég á enn
tvö ár eftir af samningi mín-
um eftir þessa leiktíð og ég
held að ég sé ekki á förum
neitt annað,“ sagði Eiður í við-
tali við fótboltavefinn soccer-
net.com eftir 1:0 tap Chelsea
gegn Manchester United í
deildarbikarnum í vikunni.
„Stundum verður maður pirr-
aður þegar maður fær ekki að
byrja inni á í leikjum, því allir
vilja spila eins mikið og mögu-
legt er. En ég var óheppinn
með meiðsli á undirbúnings-
tímabilinu og missti úr af
þeim sökum. Núna verð ég að
leggja mikið á mig til að koma
mér aftur í liðið.“
Eiður segir það fullsnemmt að
tala um að Chelsea muni vinna
ensku deildina, en liðið er í þriðja
sætinu, aðeins tveimur stigum frá
því efsta. „Ef við höldum áfram að
vinna og ná góðum úrslitum er
aldrei að vita hvar við endum mót-
ið. Enn sem komið er gengur okk-
ur allt að óskum. Við virkum afar
traustir í augnablikinu og vonandi
heldur það áfram,“ sagði Eiður. ■
Eiður Smári Guðjohnsen:
Ekki á förum
frá Chelsea
David Ginola:
Á leið til
Nice?
FÓTBOLTI David Ginola, sem lék
með enska liðinu Everton á síð-
ustu leiktíð, snýr að öllum líkind-
um á heimaslóðir
sínar á næstunni og
gengur til liðs við
franska liðið Nice.
Talið var að hinn
35 ára gamli Ginola,
sem hefur verið
samningslaus síðan
í sumar, ætlaði að leggja skóna á
hilluna. Þess í stað mun hann lík-
lega ljúka ferli sínum í heima-
landi sínu. Þar hefur hann ekki
leikið síðan 1995 þegar hann fór
til Newcastle frá Paris Saint-
Germain. ■
EIÐUR SMÁRI
Manchester United er á meðal þeirra liða
sem Eiður Smári hefur verið orðaður við
undanfarið.
FÓTBOLTI Teitur Þórðarson er ný-
hættur sem þjálfari norska úr-
valsdeildarliðsins Brann eftir
tveggja og hálfs árs veru hjá lið-
inu. Fréttablaðið ræddi við hann
og spurði hvers vegna hann
ákvað að segja upp störfum.
„Það var verið að draga upp
vissar línur um hvernig ætti að
drífa klúbbinn áfram. Meðal ann-
ars var strikuð út lína hvernig
liðið ætti að æfa og hvernig
íþróttalega hliðin á klúbbnum
ætti að líta út. Þetta var gert á
meðan ég var í fríi heima á Ís-
landi. Þar sem ég ber ábyrgð á
þessu öllu saman fannst mér al-
veg ófært að ég skyldi ekki hafa
verið hafður með í ráðum. Svo
voru ýmis smáatriði í kringum
það, bæði hvernig vinnuskipulag-
ið ætti að vera og hvernig hlut-
irnir ættu að gerast hjá klúbb-
num. Meðal annars sögðu þeir
nuddaranum upp á meðan ég var
í fríi,“ sagði Teitur.
Hann játar að hafa átt í
nokkrum deilum við stjórn fé-
lagsins í haust. „Það var slæmt
gengi hjá okkur og þá komu upp
ýmis leiðindamál eins og alltaf
gerist. En þegar það er farið
svona að málunum er ekki hægt
að halda áfram á sömu nótum.
Það er algjörlega út í hött.“
Teitur segir að þrjú lið hafi
haft samband við sig fyrir örfá-
um vikum en hann hafi hafnað
tilboðum frá þeim þar sem hann
hafði ekki hug á að fara frá
Brann. „Mér hefur líkað ofboðs-
lega vel þarna í tvö og hálft ár og
hafði engan hug á að færa mig.
Ég hafði bara eitt í huga, að vera
þarna áfram og byggja liðið upp.
En þegar stjórnendurnir fara
svona á bak við mig er ekki hægt
að lifa með því,“ sagði Teitur.
Þau lið sem Teitur nefndi til
sögunnar eru norska félagið Lyn,
sem Helgi Sigurðsson og Jóhann
B. Guðmundsson leika með, og
sænska liðið AIK frá Stokkhólmi.
Auk þess hafði hann heyrt nefnt
um áhuga hjá AB í Kaupmanna-
höfn.
Teitur hóf þjálfaraferil sinn
erlendis árið 1987 eftir að hafa
leikið sem atvinnumaður í knatt-
spyrnu. Fyrsta liðið sem hann tók
við var sænska liðið Skövde. Síð-
an þjálfaði hann m.a. norsku liðin
Brann, Lyn og Lilleström auk
eistneska landsliðisins þar til
hann tók aftur við Brann fyrir
tveimur og hálfu ári.
Aðspurður hvort hann vilji
halda áfram að þjálfa í Noregi
segir hann það ekki vera nauð-
synlegt. „Mér líður ágætlega hér
en hefði ekkert á móti því að
prófa eitthvað annars staðar. Það
á eftir að koma í ljós hvernig
þetta þróast allt saman.“
freyr@frettabladid.is
Ekki hafður með
í ráðum hjá Brann
Teitur Þórðarson knattspyrnuþjálfari sagði upp störfum hjá norska fé-
laginu Brann í vikunni. Hann segist ekkert hafa á móti því að þjálfa í
öðru landi en Noregi. Hóf þjálfaraferil sinn erlendis árið 1987 í Svíþjóð.
TEITUR ÞÓRÐARSON
Teitur ætlar til Íslands í jólafríinu þar sem
hann mun dvelja innan um vini og vanda-
menn á Akranesi.
Baðhengi
Öryggismottur
í böð og sturtur
Baðmottusett
Baðvogir
Baðherbergisvörur
Vandaðar vörur
-mikið úrval
-gott verð
Laugavegi 29,
sími 552 4320