Skessuhorn - 13.03.2019, Blaðsíða 17

MIÐVIKUDAGUR 13. MARS 2019 17
„Þau fá að taka í tæki og tól og ef
þau hafa óskir um að smíða eitt-
hvað ákveðið reynum við að hjálpa
þeim við það. Svo fá þau góða vett-
vangsferð um Loftorku og Límtré/
Vírnet þar sem þau kynnast starf-
seminni enn frekar,“ segir Ingólfur.
Það hefur tekist vel til hjá Límtré
Vírneti að kveikja áhuga nemenda
fyrir faginu en nú þegar er einn
nemandi sem fór í IÐN að vinna
hjá fyrirtækinu á sumrin. „Ég veit
líka um fleiri sem hafa farið í nám
tengt þessu en margir fara í vél-
virkjunina. En það er líka erfitt að
læra blikksmíði. Það er ekki kennt
á hverju ári þar sem illa gengur að
fá kennara í það,“ segir Ingólfur.
Vilhjálmur segist virkilega glað-
ur með val sitt að prófa að vinna í
Límtré Vírneti og segir hann það
án efa hjálpa sér við að finna út
hvað hann vill gera í framtíðinni.
„Þetta er skemmtilegt og upp-
lífgandi starf og ég hef þegar lært
mikið. Þegar maður fær að prófa
svona finnur maður betur sitt rétta
fag,“ segir hann. En af hverju valdi
hann að Límtré Vírnet? „Þetta
var einn af nokkrum stöðum sem
ég gat valið á milli og mér fannst
hljóma best að koma hingað. Ég
vinn á N1 og mig langaði að prófa
eitthvað allt annað og ólíkt því sem
ég geri þar. Ég á líka marga fjöl-
skyldumeðlimi sem vinna hér,“
svarar Vilhjálmur og hlær.
Mikilvægt að fá að prófa
Aron Ingi vinnur undir handleiðslu
Jóns Heiðarssonar, verkstjóra járn-
smiðju Límtrés Vírnets í Borgarnesi.
Jón tók í sama streng og Ingólfur og
sagði IÐN verkefnið vera mjög já-
kvætt fyrir bæði nemendur og fyr-
irtækið. „Það er jákvætt að lögð sé
svona áhersla á að kynna iðnnám
fyrir nemendum líka og svo höfum
við sjálf fengið mikið úr þessu verk-
efni. Spurður hvað hann láti nem-
endurna gera hjá sér segir hann það
fara eftir verkefnum hverju sinni.
„Oftast set ég krakkana með ein-
hverjum starfsmanni í ákveðin verk-
efni þar sem þau fá að æfa sig að raf-
sjóða og fá svona tilfinninguna fyr-
ir því. Þau fá líka auðvitað að fylgj-
ast með öllu sem er verið að gera en
mér þykir líka mikilvægt að þau fái
að prófa að vinna. Það hefur alltaf
gengið alveg rosalega vel,“ segir Jón
og horfir á Aron og spyr hvort hann
vilji ekki fá að sjóða aðeins. Við för-
um inn í sal þar sem Jón sýnir Aroni
græjurnar og leyfir honum að prófa.
„Mér þykir þetta rosalega skemmti-
legt og það er svo gaman að fá að
prófa,“ segir Aron og brosir.
Fá að þefa af
atvinnulífinu
Brynjar Sæmundsson hjá Loftorku
tók vel á móti okkur þegar við kom-
um með Halldór Kristján Knudsen
í vinnuna. Brynjar segir IÐN val-
ið vera mjög sniðugt verkefni sem
hann hefði sjálfur viljað hafa kost á
þegar hann var í grunnskóla. „Það
er svo gott fyrir krakkana að fá að
þefa svona af atvinnulífinu og svo
kannski eftir nokkrar vikur hér vita
þau betur hvað það er sem þau vilja
ekki,“ segir Brynjar og hlær. „Eða
hvað þau vilja,“ bætir hann því næst
við. „Þetta hefur undantekningar-
laust gengið mjög vel og ég finn
mikinn áhuga hjá þeim sem hafa
komið til okkar. Við látum þau gera
ýmislegt, fylgjast með því sem við
erum að gera og svo reynum við að
láta þau gera eins mikið sjálf og þau
geta. Við erum ekkert að láta þau
sópa gólf eða svoleiðis, það læra þau
bara heima hjá sér,“ segir Brynjar.
Aðspurður segir Halldór það
mjög skemmtilegt að vinna hjá
Loftorku. „Ég þekki þetta nokkuð
vel sem við erum að gera hér. Ég
er mikið í þessu sama heima og
mér þykir þetta rosalega skemmti-
legt. Það er líka mjög gott að kom-
ast svona aðeins út úr skólanum og
frá bókunum,“ segir hann og bætir
því við að það sé mikið hægt að læra
af því að vinna svona úti í bæ. „Það
er líka svo gott við þetta að þegar
maður hefur prófað að vinna hjá
mismunandi fyrirtækjum veit mað-
ur betur hvað maður vill gera,“ seg-
ir hann.
Leyfði nemanda að
lita á sér hárið
Þegar Halldór er búinn að vinna
smá í Loftorku förum við á Hár
Center en hann tók áður IÐN val
þar undir handleiðslu Auðar Ástu
og Lóu. „Við höfum verið mjög
ánægðar með þetta verkefni og það
hefur verið skemmtilegt að fá að
kynnast svona mörgum áhugaverð-
um og skemmtilegum krökkum,“
segir Auður Ásta og brosir. „Það er
misjafnt hvað þau gera hjá okkur
en það fer í raun bara eftir því hvað
við erum að gera og svo hvað kúnn-
inn vill. En þau hafa fengið að þvo
hárið á hvert öðru, blanda liti, gera
greiðslur og svo höfum við kennt
þeim að slétta, krulla, blása og svo-
leiðis. Þau fá svo líka alltaf kennslu
í þeim hárvörum sem við notum.
Sumir hafa líka fengið að lita hár
og ég leyfði einum nemanda að
lita hárið á mér,“ segir Auður Ásta.
„Þetta hefur bara verið skemmti-
legt og okkur þykir frábært hjá
skólanum að bjóða upp á þetta sem
val,“ bætir hún við. Halldór segir
stafið á Hár Center hafa verið mjög
skemmtilegt. „Það var gaman að fá
innsýn í hvernig er að vinna á svona
stofu en ég vissi í eiginlega ekkert
hvernig það væri,“ segir hann.
arg
Hér er Ingólfur verkstjóri að kenna Vilhjálmi.
Aron Ingi fékk að sjóða undir handleiðslu Jóns verkstjóra í járnsmiðju Límtrés
Vírnets.
Aron Ingi að sjóða járn.
Halldór er núna að vinna í Loftorku og líkar það mjög vel. Hér fékk hann það hlut-
verk að grunna undirvagn.
Halldór hefur einnig verið að vinna á Hár Center og hér er hann að gera hárið á
Guðrúnu kennara fínt.
Snorrastofa, menningar- og miðaldasetur
í Reykholti
Sími 433 8000
www.snorrastofa.is
snorrastofa@snorrastofa.is
Þriðjudagurinn 19. mars 2019
kl. 20:30 í Bókhlöðu Snorrastofu
Skoðað verður hvernig fjármagn
Marshallaðstoðarinnar var nýtt
á Íslandi, hver aðkoma okkar
ráðamanna var, og hver framtíð
landsins hefði orðið án hennar.
Kaffiveitingar og umræður
Aðgangur kr. 500
Verið velkomin
Snorrastofa í Reykholti
Fyrirlestrar í héraði
Marshalláætlunin og
tæknivæðing Íslands
Sigrún Elíasdóttir sagnfræðingur flytur
Opnun sýningar á verkum
Josefinu Morell í Hallsteinssal

16.03. - 10.04. 2019
Litir Borgarfjarðar
Sýningin verður opnuð laugardaginn 16. mars n.k.
kl. 13.00. Josefina leggur áherslu á mikilvægi og
gæði umhverfisins og sýnir verk sem máluð eru
með olíumálningu úr muldum steinum með penslum
úr hrosshári. Hún spinnur band úr alls konar hári
og hefur prjónað og þæft húfur sem sjá má á
sýningunni.
Hallsteinssalur er í Safnahúsinu að Bjarnarbraut 4-6 í
Borgarnesi. Sýningin stendur til 10. apríl. Opið er til kl.
16.00 á opnunardaginn og eftir það 13.00-18.00
virka daga. Ókeypis aðgangur, allir velkomnir.
Safnahús Borgarfjarðar
433 7200 - www.safnahus.is
safnahus@safnahus.is