Skessuhorn - 13.03.2019, Side 30

MIÐVIKUDAGUR 13. MARS 201930
MT: Stefán Gísli með verðlauna-
gripinn síðastliðinn sunnudag.
Hvað vekur helst upp gleði hjá
þér í dag?
Spurni g
vikunnar
(Spurt á Akranesi)
Elmar Snorrason
Að vera komin úr Reykjavík og
að hitta konuna mína óvænt um
miðjan dag!
Sunna Lind Ægisdóttir
Sólin, þetta fína gluggaveður.
Benedikt Sævarsson
Börnin mín.
Stefán Skagfjörð
Lognið og sólin.
Margrét Jónsdóttir
Að vera við góða heilsu og að
það gangi allt vel hjá öllum mín-
um nánustu.
Á föstudagskvöld léku Snæfellingar
síðasta heimaleikinn í 1. deild karla
í körfuknattleik þegar þeir tóku á
móti liði Þórs frá Akureyri. Jafnræði
var með liðunum í fyrri hálfleik og
Snæfell leiddi í hléinu. Það var síð-
an í þriðja leikhluta að gestirnir
komust yfir og náðu að slíta sig frá
Snæfellingum og leggja grunn að
sigri sínum. Lokatölur voru 62-88,
Þór í vil. Þar með tryggðu Akureyr-
ingar sér deildarmeistaratitilinn og
öruggt sæti í Domino‘s deildinni á
næsta keppnistímabili.
Leikurinn í Stykkishólmi fór
frekar rólega af stað og frekar lít-
ið var skorað fyrstu mínútur leiks-
ins. Akureyringar höfðu heldur
yfirhöndina en Snæfellingar voru
aldrei langt undan. Þór komst í
12-17 eftir sjö míntúna leik en þá
tóku Snæfellingar góða rispu og
leiddu eftir fyrsta leikhluta, 21-20.
Snæfellingar voru áfram sterkari
framan af öðrum fjórðungi. Þeir
bættu hægt en örugglega við for-
skot sitt og komust mest níu stigum
yfir í stöðunni 33-24. Þá tóku gest-
irnir við sér og minnkuðu muninn
í tvö stig en Snæfellingar áttu loka-
orðið í fyrri hálfleik og höfðu fimm
stiga forskot í hléinu, 36-31.
Þórsarar komu ákveðnir til síð-
ari hálfleiks og voru aðeins rúmar
tvær mínútur að ná forystu í leikn-
um. Þeir voru sterkari allan þriðja
leikhlutann og leiddu með tólf stig-
um fyrir lokafjórðunginn, 54-66.
Gestirnir voru áfram sterkari í
fjórða leikhluta. Þeir sigldu hægt
en örugglega lengra og lengra fram
úr Snæfellingum og unnu að lokum
28 stiga sigur, 62-88.
Reynsluboltinn Darrel Flake var
atkævðamestur í liði Snæfells með
19 stig og tíu fráköst. Rúnar Þór
Ragnarsson skoraði 17 stig, Dom-
inykas Zupkauskas var með ellefu
stig og sjö stoðsendingar og Aron
Ingi Hinriksson skoraði ellefu stig
einnig.
Larry Thomas skoraði 21 stig og
tók 14 fráköst fyrir Þór, Ingvi Rafn
Ingvarsson var með 17 stig og sjö
stoðsendingar, Bjarni Rúnar Lárus-
son var með 14 stig og átta fráköst,
Pálmi Geir Jónsson skoraði 14 stig
og Damir Mijic var með tíu stig.
Snæfell er í áttunda og neðsta
sæti deildarinnar með tvö stig, jafn
mörg og Sindri í sætinu fyrir ofan.
Snæfellingar geta enn gengið úr
skugga um að þeir endi ekki neðst-
ir í deildinni, því þeir mæta einmitt
Sindra í lokaumferðinni. Sá leik-
ur fer fram á Höfn í Hornafirði á
morgun, fimmtudaginn 14. mars.
kgk
Misstu af gestunum í síðari hálfleik
Aron Ingi Hinriksson fer á körfuna í leiknum gegn Þór. Ljósm. sá.
Skallagrímskonur máttu játa sig
sigraðar gegn Keflvíkingum, 70-92,
þegar liðin mættust í Domino‘s
deild kvenna í körfuknattleik á laug-
ardaginn. Leikurinn var nokkuð
kaflaskiptur en það var síðan í fjórða
leikhluta sem gestirnir úr Keflavík
stungu af og innsigluðu sigurinn.
Jafnræði var með liðunum í upp-
hafi leiks. Skallagrímskonur leiddu
með tveimur stigum þegar fyrsti
leikhluti var hálfnaður, 12-10. Þá
hófst góður kafli Keflavíkurliðsins,
sem skoraði 15 stig gegn engu það
sem eftir lifði leikhlutans og leiddi
12-25 að honum loknum. Kefla-
vík komst 16 stigum yfir snemma
í öðrum fjórðungi áður en Skalla-
grímskonur náðu góðum kafla. Þær
minnkuðu muninn snarlega í aðeins
eitt stig, 32-33 þegar skammt var
eftir af fyrri hálfleik. Gestirnir áttu
hins vegar lokaorðið í leikhlutanum
og fóru með fjögurra stiga forystu
inn í hléið, 34-38.
Keflavík var betra liðið framan af
þriðja leikhluta, náði á einum tíma-
punkti 16 stiga forskoti en Skalla-
grímskonur minnkuðu það niður í
aðeins fimm stig fyrir lokafjórðung-
inn, 57-62. Það var þá sem Keflavík
setti í fluggírinn. Gestirnir skoruðu
30 stig í fjórða leikhluta og stungu
af. Lokatölur voru 70-92, Keflavík
í vil.
Shequila Joseph var atkvæðamest
í liði Skallagríms með 24 stig, 13
fráköst og sex stoðsendingar. Ines
Kerin skoraði 14 stig og gaf sjö stoð-
sendingar, Sigrún Sjöfn Ámunda-
dóttir var með 14 stig og tíu fráköst
og Árnína Lena Rúnarsdóttir skor-
aði 13 stig.
Brittany Dinkins átti stórleik í
liði Keflavíkur og setti upp kröft-
uga þrennu. Hún skoraði 35 stig,
tók 14 fráköst og gaf 13 stoðsend-
ingar. Erna Hákonardóttir var með
17 stig og sex fráköst og Anna Ing-
unn Svansdóttir skoraði 15 stig og
gaf fimm stoðsendingar.
Skallagrímskonur hafa tólf stig í
sjöunda sæti deildarinnar, sex stig-
um meira en Breiðablik sem situr í
fallsætinu. Næst leika Skallagríms-
konur í kvöld, miðvikudaginn 13.
mars þegar þær heimsækja Stjörn-
una. kgk
Gestirnir stungu af í fjórða leikhluta
Sigrún Sjöfn Ámundadóttir í baráttu við tvo varnarmenn Keflavíkur.
Ljósm. Skallagrímur.
Keppt var í A-riðli 7. flokks stúlkna
í körfuknattleik í Borgarnesi um
helgina. Þar öttu kappi Skallagrím-
ur, KR, Keflavík, ÍR og samein-
að lið Sunnlendinga; Þór/ Hamar/
Selfoss/ Hrunamenn.
Skallagrímsstúlkur áttu erfitt
uppdráttar á laugardaginn og voru
langt frá sínum besta leik gegn KR
og ÍR, en þeir leikir töpuðust báð-
ir. Á sunnudaginn var hins veg-
ar annað upp á teningnum. Þær
sýndu hvers þær eru megnugar
gegn Sunnlendingum og sigruðu
þann leik örugglega. Þær áttu einn-
ig góðan leik gegn Keflavík en töp-
uðu naumlega. Sigurleikurinn gegn
Sunnlendingum varð til þess að
Skallagrímsstúlkur halda sæti sínu í
riðlinum og taka því þátt í úrslita-
mótinu um Íslandsmeistaratitilinn
í lok apríl. „Árangur þeirra á árinu
er ákaflega góður. Þær hafa verið í
A-riðli allan vetur og framfarirn-
ar verið miklar og stöðugar. Tveir
aðrir stúlknaflokkar hafa náð sam-
bærilegum árangri í vetur og því
ljóst að framtíð kvennakörfunnar
hjá Skallagrími getur orðið björt ef
fram heldur sem horfir,“ segir á Fa-
cebook-síðu Skallagríms.
kgk
Skallagrímsstúlkur
áfram í A-riðli
Svipmynd úr leik Skallagríms
og KR í 7. flokki stúlkna
um síðustu helgi.
Ljósm. Skallagrímur.