Skessuhorn - 08.05.2019, Síða 15

MIÐVIKUDAGUR 8. MAÍ 2019 15
Guðmundur Ingi Guðbrands-
son, umhverfis- og auðlindaráð-
herra, undirritaði í síðustu viku
friðlýsingu Akureyjar í Kollafirði.
Eyjan er í eigu Reykjavíkurborgar.
„Verndargildi eyjunnar er ekki síst
fólgið í mikilvægi hennar sem sjó-
fuglabyggðar. Friðlýsing Akureyj-
ar er hluti af friðlýsingarátaki sem
Guðmundur Ingi ýtti úr vör á síð-
asta ári og er sú fyrsta sem er und-
irrituð undir merkjum þess,“ segir í
tilkynningu frá ráðuneytinu.
Í Akurey verpa ýmsir sjófuglar
eins og lundi, sílamáfur, æðarfugl
og teista, og er lundi langalgeng-
astur. Eyjan flokkast því sem al-
þjóðlega mikilvæg sjófuglabyggð.
Markmiðið með friðlýsingunni er
því að vernda þetta búsvæði fugla
og sér í lagi varpstöð lunda sem er
á válista Náttúrufræðistofnunar Ís-
lands yfir fuglategundir sem teljast
í bráðri hættu. Akurey er lág og vel
gróin eyja í Kollafirði, um 6,6 hekt-
arar að stærð, norðaustan við Sel-
tjarnarnes. Hið friðlýsta svæði er
þó mun stærra eða 207 hektarar
að stærð þar sem markmiðið með
friðlýsingunni er að vernda lífríki í
fjöru, á grunnsævi og hafsbotninum
umhverfis eyjuna. mm
Magnús Guðmundsson lætur af
störfum sem forstjóri Landmælinga
Íslands í sumar. Hann hefur stýrt
stofnuninni frá árinu 1998, eða allt
frá því stofnunin var flutt á Akra-
nes. „Ég mun hætta störfum í júní
næstkomandi eftir að hafa starfað
hjá þeirri traustu og góðu stofnun í
mörg ár við skemmtileg og gefandi
verkefni,“ ritar Magnús á Facebo-
ok-síðu sína.
Magnús var í júní á síðasta ári
settur framkvæmdastjóri Vatnajök-
ulsþjóðgarðs og hefur verið í leyfi
frá starfi sínu sem forstjóri Land-
mælinga síðan þá. Hann verður
skipaður í starf framkvæmdastjóra
Vatnajökulsþjóðgarðs nú í sumar,
eftir að eins árs setningartíminn
er liðinn. Starf forstjóra LMÍ var
auglýst laust til umsóknar um liðna
helgi. kgk
Þjóðminjasafn Íslands er að senda
út nýja spurningaskrá á Sarpi, sem
fjallar um Evrovision hefðir, sem
mörgum þykir skemmtilegt efni.
Hvetur safnið almenning til að
taka þátt í könnuninni. „Tilgang-
urinn með þessari spurningaskrá er
að safna upplýsingum um söngva-
keppni evrópskra sjónvarpsstöðva,
Eurovision. Óhætt er að segja að
í tengslum við keppnina hafi orð-
ið til siðir og hátíðahöld sem skil-
greina má sem nýlegan sið. Söngva-
keppnin hefur sameinað þjóðina
fyrir framan sjónvarpstækin ár eft-
ir ár og mikil stemning myndast í
kringum hana. Hins vegar hefur
ekki verið mikið rannsakað hér á
landi hvernig menn gera sér glaðan
dag í tilefni af keppninni. Nú ósk-
ar Þjóðminjasafnið eftir liðsinni al-
mennings við að bæta úr þessu, en
fyrst og fremst er verið að leita eft-
ir frásögnum fólks af eigin reynslu.
Spurningaskráin er jafnframt liður
í þeirri starfsemi Þjóðminjasafnsins
að safna upplýsingum um samtím-
ann,“ segir í tilkynningu.
Fyrsta söngvakeppni evrópskra
sjónvarpsstöðva var haldin árið
1956 með þátttöku sjö landa. Síðan
hefur keppnin orðið vinsælli með
hverju árinu sem líður en um 35-40
þjóðir hafa tekið þátt á undan-
förnum árum. Keppnin hefur ver-
ið send beint út á Íslandi frá 1983
en fyrir þann tíma voru sýndar upp-
tökur sem nutu vinsælda. Ísland tók
fyrst þátt í Eurovision 1986 og var
forkeppni hér heima þegar í upp-
hafi. Í dag er forkeppnin þrjú kvöld
sem endar á undanúrslitakvöldi og
sýnt beint frá þeim öllum, en það er
sama fyrirkomulag og tíðkast í aðal-
keppninni í Evrópu. Söngvakeppn-
in hefur náð gríðarlegum vinsæld-
um á alþjóðavísu og er eitt vinsæl-
asta sjónvarpsefnið á Íslandi.
Tengill á spurningaskrána er:
http://www.sarpur.is/Spurninga-
skra.aspx?ID=1924393 mm
Þjóðminjasafnið kannar
Evrovisionhefðir
Í fyrra bar framlag Ísraels sigur úr býtum og keppnin því haldin í Tel Aviv 18. maí
næstkomandi. Hér er Netta Barzilai að flytja atriði sitt.
Magnús hættir
hjá Landmælingum
Magnús Guðmundsson.
Ljósm. úr safni/ gbh.
Akurey í Kollafirði friðlýst
Borgarstjóri og umhverfisráðherra handsala samning um friðlýsinguna.