Skessuhorn - 09.01.2019, Blaðsíða 4

MIÐVIKUDAGUR 9. JANÚAR 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Prumpskattur á
íslenskt kjöt!
Andrés Ingi Jónsson þingmaður VG birti í síðustu viku færslu á Facebo-
ok síðu sinni þar sem hann vakti athygli á því sem honum finnst; „áhuga-
verð hugmynd frá þingmanni breskra Græningja“. Þingmaðurinn bendir
á að hér á landi sé tóbak skattlagt sérstaklega, m.a. vegna þess samfélags-
kostnaðar sem reykingar valda. Einnig sé kolefnisgjald lagt á jarðaefnaelds-
neyti til að draga úr notkun mengandi bifreiða. Þingmaðurinn færir í tal
hugmynd breska stallbróður síns og segir: „Kannski er sérstakur kjötskatt-
ur rökrétt næsta skref, bæði til að bregðast við áhrifum kjötneyslu á heilsu-
far en ekki síður sem liður í aðgerðum gegn loftslagsbreytingum af manna-
völdum. Tekjurnar væri t.d. hægt að nota til að hjálpa bændum að verða
kolefnishlutlausir, styðja bændur í að taka upp framleiðslu á grænmeti og
fræða almenning um breytta neysluhætti. Eitthvað til að melta í Veganú-
ar,“ skrifaði Andrés Ingi. Tilvitnun lýkur, ég lofa! En færslan vakti mikla
athygli fjölmiðlafólks.
Fréttamiðlar í kallfæri við Austurvöll voru ekki lengi að bregðast við
færslu þingmannsins enda er veganismi helsta áhugamál sumra fréttastof-
ana nú um stundir. Ég hef allavega misst töluna á fréttum Ríkisfréttastof-
unnar frá því á aðventunni þar sem fjallað er um grænmetisrétti, meintan
skort á þeim, sagt frá kjötlíki og öðru sem fólk getur nálgast í verslunum til
að geta sniðgengið kjöt. Minni athygli fékk viðtal sem birt var við konu á
einhverjum vefmiðlinum sem leið bókstaflega illa í öllum líkamanum eftir
að hafa prófað að vera grænmetisæta um tíma.
Ég get ekki talað fyrir aðra, en fyrir mér væri lífið lítils virði ef ekki fengi
ég góða kjötmáltíð, helst fjórum eða fimm sinnum í viku að lágmarki. Fisk-
ur er líka góður, sérstaklega ef maður er í aðhaldi. Til að bragðbæta bæði
mat og bakstur þarf svo ætíð að vera egg, mikið af smjöri og annað meðlæti
sem gerir mat að mat. Semsagt öll sú vara sem er tabú í Veganúar, ljótasta
nýyrði ársins.
Nú er það staðreynd að allt þar til innfluttar neysluvenjur ruddu sér til
rúms hér á landi fyrir nokkrum árum, samhliða dýrkun okkar á því sem út-
lenskt er, urðum við Íslendingar allra þjóða elstir. Ég hef staðfestar heim-
ildir fyrir því að það hafi ekki verið vegna þess að landsmenn voru græn-
metisætur. Þvert á móti, þeir átu kynstrin öll af súrmeti, söltu og reyktu,
sygnum og kasúldnum mat. Þessum forboðna mat í hugum margra, sér-
staklega þeirra sem telja að grænmetið sé best á diskinn. Ég er hinsvegar
einn af þeim sem finnst miklu skynsamlegra að láta allt þetta græna fara í
gegnum meltingarveg skepnunnar og éta hana síðan. Já, ég er gamaldags
og sætti mig við það. Getur annars einhver frætt mig um; af hverju Íslend-
ingar eru hættir að verða manna og kvenna elstir?
Ég verð að segja eins og mér finnst, að þessi tillaga Andrésar Inga um
prumpskatt á íslenskar kýr og kindur, er einhver mesta bágbylgja sem ég
hef séð og heyrt um lengi. Þvert á móti finnst mér að þingmaðurinn og
aðrir ættu að hampa því að hér á landi er framleitt eitthvert sjúkdóma-
lausasta kjöt í heimi, án notkunar óæskilegra sýklalyfja sem víða erlendis
eru farin að hafa banvæn áhrif á heilsufar fólks. Við eigum að verja það
með kjafti og klóm að hafa áfram aðgengi að gæðamat og alls ekki hlusta
á kröfur stórkaupmanna sem vilja flytja inn kjöt erlendis frá, sama hvað,
bara af því þeir telja sig geta grætt meira á því. Við eigum að vera stolt af
matarmenningu okkar því hún, þótt hún sé vissulega ólík því sem margur
útlendingur þekkir, þá er þessi sama matarmenning einmitt hluti af því að
við erum hér og verðum. Því gef ég ekki mikið fyrir tillögu þingmannsins
um prumpskatt á íslenskt kjöt.
Magnús Magnússon
Vesturlandsmótið í sveitakeppni
í bridds var spilað á Akranesi um
liðna helgi. Alls tóku tólf sveit-
ir þátt. Segja má að heimamenn á
Vesturlandi hafa sýnt fádæma gest-
risni því af fimm efstu sveitum á
mótinu var einungis ein skipuð
þeim. Úrslit urðu þau að gestasveit-
in Vestri bar sigur úr býtum með
161,34 stig. Sveitina skipuðu þeir
Páll Valdimarsson, Eiríkur Jóns-
son, Jón Alfreðsson og Guðbrand-
ur Sigurbergsson. Í öðru sæti með
153,36 stig varð heimasveit Guð-
mundar Ólafssonar, en auk hans
skipuðu sveitina þeir Hallgrím-
ur Rögnvaldsson, Karl Alfreðsson
og Tryggvi Bjarnason. Í þriðja sæti
varð gestasveitin Vesturhlíð en hana
skipuðu Stefán Garðarsson, Eðvarð
Hallgrímsson, Júlíus Snorrason og
Eiður Már Júlíusson.
Á mótinu var keppt um þátttöku-
rétt á Bridgehátíð Íslands. Full-
trúar Vesturlands þar verða þrjár
sveitir sem skipaðar eru spilurum
úr landshlutanum. Í fyrsta lagi sveit
Guðmundar Ólafssonar sem varð
í öðru sæti á mótinu auk Ginfaxa,
en sveitina skipa Jón Smári Pét-
ursson, Kristján Pétursson, Hlöð-
ver Tómasson og Þórarinn Ólafs-
son. Þá spilar einnig á Bridgehátíð
Sáttasveitin, en hana skipa Sveinn
Hallgrímsson, Flemming Jessen,
Sigurður Már Einarsson og Stefán
Kalmansson.
Af heimamönnum áttu bestan ár-
angur í Bötler útreikningi para þeir
Guðmundur Ólafsson og Hall-
grímur Rögnvaldsson og annan
besta árangur Karl Alfreðsson og
Tryggvi Bjarnason.
mm
Sveit Vestra sigraði á
Vesturlandsmótinu í bridds
Eftstu sveitir á Vesturlandsmótinu í sveitakeppni.
Eftir fimmtíu ára samfelldan versl-
unarrekstur hafa eigendur versl-
unarinnar Blómsturvalla á Hellis-
sandi ákveðið að hætta rekstri. Frá
þessu er greint í tilkynningu á Fa-
cebook-síðu verslunarinnar. Hálfr-
ar aldar afmæli verslunarinnar var
fagnað í september síðastliðnum,
en þá voru 50 ár liðin síðan hjónin
Íris Tryggvadóttir og Óttar Svein-
björnsson opnuðu verslun í bíl-
skúrnum að heimili sínu. Versl-
unin var flutt að gömlu Blómstur-
völlum árið 1978 og það nafn hef-
ur hún borið til dagsins í dag. Nú-
verandi húsnæði verslunarinnar
var byggt árið 1986, en það hef-
ur verið stækkað tvívegis síðan þá.
„Verslunin hefur verið rekin með
ýmsu móti sl. 50 ár og ýmislegt ver-
ið á boðstólum, allt eftir eftirspurn
hverju sinni. Þessi tími hefur ver-
ið ánægjulegur og gefandi. Að taka
svona stóra ákvörðun er mjög erf-
itt og sporin þung en kaupmynstur
neytenda hefur breyst mikið á und-
anförnum árum og ákvörðunin því
óumflýjanleg,“ segja Íris, Óttar og
Júníana Björg dóttir þeirra á síðu
verslunarinnar, þar sem þau þakka
jafnframt viðskiptavinum fyrir við-
skiptin og ekki síður vinskapinn í
áranna rás. kgk
Rekstri Blómsturvalla hætt
Frá 50 ára afmæli verslunarinnar í haust. F.v. Íris Tryggvadóttir, Óttar Sveinbjörns-
son, Júnína Björg Óttarsdóttir, Kristín Arnfjörð og Súsanna Hilmarsdóttir. Ljósm.
úr safni/ af.
Skömmu fyrir jól voru opnuð hjá
Vegagerðinni tilboð í endurbygg-
ingu og malbikun á 3,7 kílómetra
vegarkafla í norðanverðum Skorra-
dal, vegi 508 frá Vatnsendahlíð að
Dagverðarnesi. Vegur þessi hef-
ur verið afar slæmur í mörg ár, en
um hann er töluverð umferð sum-
arhúsafólks auk timburflutninga
vegna grisjunar skóga. Áætlað er
að verkið hefjist á þessu ári en ljúki
eigi síðar en 1. september 2020.
Fjögur tilboð bárust í verkið.
Kostnaðaráætlun Vegagerðarinn-
ar hljóðaði upp á 155,9 milljónir
króna. Þrjú tilboðanna voru und-
ir þeirri áætlun, en eitt tilboð, frá
Íslandsgámum ehf. á Akranesi, var
85% yfir henni. Lægsta tilboð átti
Þróttur ehf. á Akranesi; 127,6 millj-
ónir króna sem er 81,8% af kostn-
aðaráætlun. Borgarverk bauð 133,9
milljónir og Þjótandi ehf. á Hellu
bauð 144,5 milljónir. mm
Þróttur átti lægsta tilboð í
vegagerð í Skorradal
Vegurinn um norðanverðan Skorradal hefur oft á liðnum árum verið slæmur og jafnvel illfær. Þessi mynd var tekin eftir
rigningar haustið 2015. Ljósm. úr safni: Valdimar Reynisson.