Skessuhorn - 09.01.2019, Blaðsíða 10

MIÐVIKUDAGUR 9. JANÚAR 201910
Gleðilegt heilsuræktarár 2019
Morguntrimm • spinning • hádegispúl • átakstímar • sundleikfimi • leiðsögn í þreksal
Opið alla virka daga kl. 6.00 – 22.00 • Laugardaga og sunnudaga kl. 9.00 – 18.00
Verið velkomin
Íþróttamiðstöðin í Borgarnesi - www.borgarbyggd.is
S
K
E
S
S
U
H
O
R
N
2
01
9
Slys varð í álveri Norðuráls á
Grundartanga um kvöldmatarleyt-
ið á fimmtudag þegar starfsmað-
ur brenndist á olnboga, úlnlið og
fingrum. Sólveig Kr. Bergmann,
yfirmaður samskipta hjá Norður-
áli, greinir frá þessu í tilkynningu
sem birtist í starfsmannahópi fyr-
irtækisins á Facebook. Tildrög
slyssins voru þau að starfsmaður í
steypuskála var að undirbúa sig við
að skafa rennu frá ofni. Virðist sem
starfsmaðurinn hafi fallið og borið
hendurnar fyrir sig með þeim af-
leiðingum að hann hlaut bruna-
sár á olnboga, úlnlið og fingrum
vinstri handar. „Hann var flutt-
ur með sjúkrabíl til aðhlynning-
ar og venju samkvæmt mættu full-
trúar lögreglu og Vinnueftirlitsins
á vinnusvæðið í kjölfarið,“ segir
Sólveig og sendir starfsmanninum
batakveðjur fyrir hönd fyrirtækis-
ins. kgk/ Ljósm. úr safni.
Slys í steypuskála Norðuráls
Þórsnes í Stykkishólmi keypti ný-
verið Arnar SH ásamt veiðiheim-
ildum af Guðbrandi Björgvins-
syni. Báturinn hefur verið gerður
út frá Stykkishólmi.
mm
Þórsnes kaupir Arnar SH
Stjórn Veiðifélags Hítarár hefur
óskað eftir því við Borgarbyggð
að leyft verði að grafa í gegnum
skriðuna sem féll í Hítardal 7.
júlí í fyrrasumar þannig að end-
urheimta megi dýrmæt uppeldis-
svæði árinnar sem næst fyrri far-
vegi árinnar. Borgarbyggð er að
hluta eigandi lands sem skriðan
féll yfir, en sveitarfélagið á eyði-
býlið Hítardalsvelli. Byggðarráð
samþykkti á fundi sínum í liðinni
viku að óska eftir verkfræðiskýrslu
sem veiðifélagið hefur látið vinna
og óskaði jafnfram eftir áliti um-
hverfis-, skipulags,- og landbún-
aðarnefndar um erindið. Nefnd-
in tók erindið fyrir á fundi sínum
daginn eftir og samþykkti sömu-
leiðis að kalla eftir verkfræði-
skýrslunni sem og að tekið verði
saman minnisblað um fyrirhug-
að verk. Þá vildi nefndin kalla til
næsta fundar Ólaf Sigvaldason á
Brúarhrauni, formann Veiðifélags
Hítarár.
Framhlaupið úr Fagraskóg-
arfjalli stíflaði eins og kunnugt
er ána á hálfs annars kílómetra
löngum kafla. Fyrst myndaðist
lón ofan skriðunnar en áin fann
sér farveg sunnan við hana yfir
hraun sem ekki er laxgengt. Marg-
ir kunnir veiðistaðir hurfu en dýr-
mæt uppeldissvæði þornuðu auk
þess upp. Óttast veiðifélagsmenn
að styttra veiðisvæði og minnk-
andi laxgengd muni koma niður
á veiði á næstu árum og þar með
minnkandi veiðitekjum.
Ólafur Sigvaldason segir að í
úttekt verkfræðistofunnar sem
veiðifélagið fékk til að leggja mat
á verkið, komi m.a. fram að það
myndi kosta um 300 milljónir að
lagfæra nýja farveg árinnar svo
hann yrði laxgengur. Hins vegar
áætlaði stofan að það myndi kosta
264 milljónir að grafa í gegnum
skriðuna sem næst fyrri farvegi
árinnar. Sú leið verði að líkindum
farin. Ólafur telur þó að hægt sé
að vinna það verk fyrir lægri upp-
hæð. Við þetta verk þarf að ýta
til og moka um 300 þúsund rúm-
metrum af jarðvegi, en skriðan er
um tíu metra há þar sem hún er
þykkust. Stór jarðýta og beltag-
rafa yrði notuð við verkið og efn-
inu jafnað yfir skriðuna, gerðar
manir og að endingu sáð í svæðið.
Verktími er áætlaður tveir til þrír
mánuðir. Ólafur segir æskilegt að
hægt verði að ráðast í verkið sem
allra fyrst, þannig að áin nái að
hreinsa sig tímanlega áður en lax-
veiðitímabilið hefst næsta sumar.
Næstbesta kostinn segir hann að
vinna verkið næsta haust, eftir að
veiðitíma lýkur. Um fjármögnun
segir Ólafur að veiðifélagið verði
að taka lán, en bindur þó vonir
til að styrkur fáist úr Fiskræktar-
sjóði.
mm
Vilja endurheimta Hítará sem næst fyrri farvegi
Þessi mynd var tekin inn með lóninu
sem fór að myndast daginn eftir að
skriðan féll. Hluti skriðunnar sést og
skarðið sem kom í fjallið.
Ljósm. Jón G Guðbrandsson.
Vatn minnkaði verulega í Hítará eftir að áin stíflaðist. Þessi mynd var tekin laugardaginn 7. júlí við veiðistaðinn Hraunsnef.