Skessuhorn - 09.01.2019, Blaðsíða 16

MIÐVIKUDAGUR 9. JANÚAR 201916
Gert er ráð fyrir rúmlega 53 millj-
óna króna jákvæðri niðurstöðu frá
rekstri Snæfellsbæjar á árinu 2019.
Fjárhagsáætlun var samþykkt sam-
hljóða við síðari umræðu á desemb-
erfundi bæjarstjórnar. Heildartekjur
A og B hluta eru áætlaðar 2,5 millj-
arðar og gjöld alls 2,4 milljarðar.
Þegar fjármunatekjur og fjármagns-
gjöld hafa verið tekin með í reikn-
inginn er gert ráð fyrir því að rekstr-
arniðurstaðan verði rúmar 53 millj-
ónir, sem fyrr segir.
Eigið fé Snæfellsbæjar samstæð-
unnar er áætlað að verði 3,3 millj-
arðar í árslok 2019 og langtíma-
skuldir og skuldbindingar 1,4 millj-
arðar. Reiknað er með því að hand-
bært fé í árslok verði 73 milljónir.
Í bókun bæjarstjórnar kemur fram
að fjárhagsstaða bæjarins sé góð en
þrátt fyrir að undanfarin ár hafi tek-
ist að borga niður skuldir jafnt og
þétt hafi það ekki tekist á síðasta
ári. Taka þurfti ný lán á árinu vegna
mikilla framkvæmda og greiðslu líf-
eyrisskuldbindinga. Hins vegar er
ekki gert ráð fyrir hækkun skulda á
árinu 2019.
„Gert er ráð fyrir að skuldahlut-
fall Snæfellsbæjar fari ekki yfir 70%
í A hluta, en skv. sveitarstjórnar-
lögum má skuldahlutfallið ekki fara
yfir 150% og er þá Snæfellsbær vel
innan marka,“ segir í bókun bæj-
arstjórnar. Þar segir jafnframt að
gjaldskrár leik- og grunnskóla hækka
ekki, fjórða árið í röð en nokkrar
gjaldskrár hækka lítillega. Útsvar
verður óbreytt sem og álagning-
arprósenta fasteignagjalda. „Bæjar-
stjórn leggur á það áherslu að hald-
ið verði áfram þeirri góðu þjónustu
sem veitt er í sveitarfélaginu og að
henni hlúð eins og kostur er. Styrk-
ir til félagasamtaka hækka töluvert
mikið á árinu 2019 eða um 42,5% á
milli ára. Styrkir á árinu 2019 verða
59.635.000,“ segir í bókuninni.
Hæstu styrkirnir eru til íþrótta- og
ungmennastarfs. Á árinu 2019 verða
í fyrsta skipti teknir upp frístunda-
styrkir. „Markmiðið með þessu,
ásamt því að hækka ekki gjaldskrár
skóla, leikskóla og sundlaugar, er að
gera búsæld í Snæfellsbæ auðveldari
fyrir ungt fólk og barnafjölskyldur,“
segir í bókun bæjarstjórnar.
Samstaða um alla
liði áætlunar
Gert er ráð fyrir töluverðum fram-
kvæmdum í Snæfellsbæ á árinu 2019
og reiknað með fjárfesting ársins
verði 419,3 milljónir króna. Þar af
er 174,5 milljóna fjárfesting hjá bæj-
arsjóði en 244,8 milljónir hjá hafn-
arsjóði. „Stærstu fjárfestingar ársins
eru gatna- og gangstéttaframkvæm-
ir, en gert er ráð fyrir 85 millj. þar,
og 114,7 milljónir í lengingu Norð-
urgarðs í Ólafsvík. Ennig er gert ráð
fyrir um 54 millj., í dýpkun á Arnar-
stapa,“ segir í bókuninni. Þar kem-
ur einnig fram að hafnarsjóður sé
vel stæður og skuldi engin langtíma-
lán. „Auk þess verður farið í ýmsar
aðrar framkvæmdir hjá hafnarsjóði
og aðrar smærri framkvæmdir hjá
Snæfellsbæ, en meginmarkmið árs-
ins verður að styrkja innviði stofn-
ana Snæfellsbæjar.“
Í bókun bæjarstjórnar segir að
rekstur Snæfellsbæjar hafi verið með
ágætum undanfarin ár. Það megi að
miklu leyti þakka góðu samstarfi við
forstöðumenn og starfsfólk bæjar-
ins. Samstarf í bæjarstjórn er jafn-
framt mjög gott, að því er fram kem-
ur í bókuninni. Allir bæjarfulltrúar
unnu saman að gerð fjárhagsáætl-
unar á sérstökum vinnufundum. „Er
full samstaða um alla liði fjárhags-
áætlunar og er það afar mikilvægt að
samstaða sé góð í bæjarstjórn.“
kgk
Búist við jákvæðum rekstri Snæfellsbæjar
Töluverðar framkvæmdir framundan á árinu
Horft í átt að Svöðufossi í Snæfellsbæ. Ljósm. úr safni/ kj.
Fjárhagsáætlun Dalabyggðar fyrir
árið 2019 gerir ráð fyrir 12 millj-
óna króna afgangi frá A og B hluta
sveitarsjóðs. Áætlunin var sam-
þykkt á síðasta fundi sveitarstjórn-
ar um miðjan desember. Áætlað
er að heildartekjur samstæðu A og
B hluta verði rúm 991 milljón en
heildargjöld 962 milljónir. Niður-
staða án fjármagnsliða er áætluð 29
rúmar milljónir en 12 milljónir eftir
fjármunatekjur og fjármagnsgjöld,
sem fyrr segir. Eigið fé Dalabyggð-
ar er áætlað að verði rúmar 676
milljónir en skuldir og skuldbind-
ingar samtals tæplega 662 milljónir.
Veltufé frá rekstri er áætlað að verði
55,5 milljónir og handbært fé í árs-
lok rúmar 84 milljónir.
Álagningarhlutfall útsvars verð-
ur óbreytt frá fyrra ári, eða 14,52%
sem er hámarksútsvar. Álagningar-
hlutfall fasteignaskatts, lóðarleigu,
holræsagjalds og vatnsskatts verð-
ur einnig óbreytt milli ára, en fast-
eignamat hefur hækkað um 11%.
Framlög Jöfnunarsjóðs sveitar-
félaga til Dalabyggðar lækka milli
ára. Gjaldskrár sveitarfélagsins
hækka almennt um 4% eða 5%.
„Nokkrar gjaldskrár sem ekki hafa
tekið breytingum í nokkur ár, svo
sem gjaldskrár fyrir hafnir annars
vegar og félagsheimili hins vegar,
hækka meira,“ segir í tilkynningu á
vef Dalabyggðar. kgk
Reiknað með tólf
milljóna afgangi af
rekstri Dalabyggðar
Séð út á Hvammsfjörð frá útsýnispallinum við Ægisbraut í Búðardal.
Ljósm. úr safni/ sm.
Hollvinasamtök Borgarness af-
hentu á þrettándanum Björgunar-
sveitinni Brák björgunarvesti að
gjöf sem þakklætisvott fyrir þátt-
töku sveitarinnar og fleiri bátaeig-
enda sem koma með bátana sína á
Brákarhátíð og leyfa þeim sem vilja
að fara í bátsferð. Hefur þessi við-
burður ávallt slegið í gegn hjá öll-
um aldurshópum. „Stjórn Holl-
vinasamtaka Borgarness er Brák
mjög þakklát fyrir þetta góða sam-
starf og hlökkum við til næstu há-
tíðar sem verður haldin 29. júní í
sumar,“ segir í tilkynningu.
mm
Hollvinasamtökin færðu
Brák björgunarvesti
Á myndinni eru Jakob Guðmundsson, Halldór Hólm, Sigga Dóra formaður Holl-
vinasamtakanna og Margrét Rósa.
Gamli þjóðvegurinn austan við
Akranes, frá hringtorginu sem
nefnist Kalmanstorg og að hest-
húsahverfinu við Æðarodda, er
vart fær bílum og hvað þá fótgang-
andi. Einkum á tveimur köflum er
hann sokkinn ofan í jörðina, alsett-
ur holum og ofaníburður horfinn.
Við veginn er meðal annars svæði
þar sem hundeigendur geta viðr-
að sig og hunda sína, nokkur hest-
hús og því dagleg umferð um veg-
inn. Vegagerðin afsalaði sér þessum
vegi fyrir mörgum árum og hefur
hann verið á forsvari Akraneskaup-
staðar gegn skilyrði um að honum
væri haldið við. Íbúi sem nota þarf
veginn oft, en vill ekki láta nafns
síns getið, biðlar nú til bæjaryfir-
valda um að leggja pening í ofaní-
burð og heflun vegarins.
Að sögn Sævar Freys Þráinsson-
ar bæjarstjóra var tekinn skurkur í
lagfæringum á þessum vegbút í maí
á síðasta ári. Undanfarið hafi hann
svo farið illa í vætutíðinni. „Alltaf
er þetta spurning um forgangsröð-
un fjármuna, en ég vil þakka máls-
hefjanda á að benda á þetta,“ sagði
Sævar. mm
Gamli þjóðvegurinn vart fær