Skessuhorn - 09.01.2019, Blaðsíða 6

MIÐVIKUDAGUR 9. JANÚAR 20196
Barn féll
milli hæða
VESTURLAND: Sex ára
gamalt barn féll á milli hæða í
umdæmi Lögreglunnar á Vest-
urlandi um hátíðirnar. Fallið
var um tveir metrar og hlaut
barnið áverka á baki og höfði.
Barnið slapp engu að síður vel
frá óhappinu, að sögn lögreglu.
Sjúkraflutningamenn sem kall-
aðir voru á vettvang skoðuðu
barnið gaumgæfilega og lækn-
ir mat áverka barnsins ekki al-
varlega og taldi því ekki efni til
frekari skoðunar. -kgk
Hestur sparkaði
í konu
BORGARB: Kona hlaut skurð
á höfði síðastliðinn sunnudag
þegar hestur sparkaði í hana.
Tildrög slyssins voru þau að
konan var að skoða hóf á aftur-
fæti hrossins. Þegar hún kraup
niður á hnén sparkaði hestur-
inn hana svo hún skarst á enni
og hlaut áverka á hönd. Konan
fékk aðhlynningu á heilsugæsl-
unni í Borgarnesi. -kgk
Sprengdu rúðu
AKRANES: Kallað var eftir
aðstoð Lögreglunnar á Vestur-
landi að kvöldi síðasta laugar-
dags eftir að sást til tveggja ung-
lingspilta líma flugelda á rúðu
í húsi á Akranesi. Drengirn-
ir báru eld að kveikiþræðinum
með þeim afleiðingum að rúð-
an brotnaði þegar flugeldarnir
sprungu. Piltarnir fundust eftir
eftirgrennslan lögreglu og telst
málið upplýst. Munu forráða-
menn þeirra þurfa að standa
straum af kostnaði vegna rúðu-
brotsins.
-kgk
Þungur
dómur vegna
brottkasts
LANDIÐ: Fiskistofa hefur
kært Útgerðarfélag Reykjavík-
ur, útgerð Kleifabergs RE, fyr-
ir meint brottkast frá skipinu.
Beitir stofnunin ítrustu sekt og
er skipinu gert að halda sig frá
veiðum í tólf vikur frá 4. febrú-
ar nk. Aldrei hefur svo þungri
refsingu verið beitt áður fyr-
ir meint brottkast. Kleifaberg-
ið er eitt fengsælasta skip ís-
lenskrar útgerðarsögu og hef-
ur mörg undanfarin ár ver-
ið aflahæsta skip landsins. Út-
gerðarfélagið mun kæra til at-
vinnuvegaráðuneytisins þessa
ákvörðun Fiskistofu. Búist er
við að afgreiðsla ráðuneytisins
taki tíma því Fiskistofa þarf að
bregðast við kærunni og Út-
gerðarfélagið fær tækifæri til
andsvara. Útgerðarfélagið hef-
ur möguleika á því að fara fram
á frestun réttaráhrifa og þannig
gæti Kleifabergið haldið áfram
veiðum að minnsta kosti þar til
úrskurður ráðuneytisins ligg-
ur fyrir. Óvissan er hins veg-
ar mikil og afar bagaleg fyr-
ir útgerð sem og 52 sjómenn á
Kleifaberginu. -mm
Íbúafundur á
Reykhólum í dag
REYKH.SV: Vegagerðin hefur
boðað til íbúafundar á Reykhól-
um í dag, miðvikudaginn 9. janú-
ar kl. 16:30. Fundurinn verður
haldinn í matsal Reykhólaskóla.
Þar ætla fulltrúar Vegagerðar-
innar að upplýsa íbúa hreppsins
og aðra um afstöðu stofnunar-
innar til veglagningar um Gufu-
dalssveit. Munu fulltrúar Vega-
gerðarinnar kynna vinnu sína
og sjónarmið varðandi málið og
ástæður fyrir niðurstöðu stofn-
unarinnar á vali á veglínu milli
Bjarkalundar og Skálaness. -kgk
Þurfa að kaupa
land undir
reiðhöll
AKRANES: Á fundi bæjarráðs
Akraneskaupstaðar skömmu fyr-
ir jól var samþykkt að fela bæj-
arstjóra að ganga til samninga
við skiptastjóra þrotabús Smell-
inn hf. um kaup á þriggja hekt-
ara landi í eigu lögaðilans sem
úrskurðaður var gjaldþrota 3.
september 2010. Um er að ræða
land undir fyrirhugaða reiðhöll
Hestamannafélagsins Dreyra á
svæðinu. Þegar samningsdrög úr
þeim viðræðum liggja fyrir verð-
ur málið að nýju tekið til form-
legrar afgreiðslu í bæjarráði. Eins
og fram kom í fréttum Skessu-
horns 1. maí í fyrra samþykktu
bæjarstjórn Akraneskaupstað-
ar og sveitarstjórn Hvalfjarðar-
sveitar að standa saman að bygg-
ingu reiðhallar á Æðarodda í
samstarfi við Hestamannafélag-
ið Dreyra. Akraneskaupstaður
verður formlegur eigandi húss-
ins. Tafist hefur að hefja fram-
kvæmdir sökum þess að umrætt
land er í höndum skiptastjóra
þrotabús Smellinn hf. -mm
Ferðablaðamenn breska tímaritsins
Guardian fara fögrum orðum um
Akranesvita í nýrri grein, „The best
travel discoveries of 2018: chosen
by Guardian writers“. Þar telja þeir
Akranesvita meðal tólf bestu upp-
götvana í ferðamennsku árið 2018.
Blaðamaðurinn Robert Hull seg-
ir frá heimsókn sinni á Akranes. Á
meðan félagi hans einbeitti sér að
myndatökum með Akrafjall og Esj-
una í baksýn, þá gekk hann í átt
að Akranesvita og gaf sig á tal við
Hilmar Sigvaldason vitavörð. Ro-
bert segir frá því að vitinn, sem
reistur var árið 1944, hafi geng-
ið í endurnýjun lífdaga sem menn-
ingarhús. „Hljómburðurinn inni í
vitanum er undraverður og hljóm-
urinn svo eftirminnilegur að þar
eru haldnir persónulegir og nota-
legir tónleikar, auk þess sem vit-
inn er notaður sem sýningarstaður.
Landslagið á Skaganum er ótrúlegt
og Akranes er aðeins í um klukku-
stundar akstursfjarlægð frá Reykja-
vík, ef farið er um hin áhrifamiklu
Hvalfjarðargöng,“ skrifar Robert í
Guardian. kgk
Akranesviti ein besta
ferðauppgötvun ársins
Ferðamenn við Akranesvita síðasta sumar. Ljósm. úr safni/ glh.
Spurningakeppni framhaldsskól-
anna; Gettu betur hófst á mánu-
daginn á Rás 2. Spurningahöfund-
ar og dómarar í Gettu betur eru að
þessu sinni Ingileif Friðriksdótt-
ir og Vilhelm Anton Jónsson auk
Sævars Helga Bragasonar sem er
þeim til aðstoðar. Spyrill er Krist-
jana Arnarsdóttir íþróttafréttamað-
ur. Umsjón með Gettu betur hef-
ur Elín Sveinsdóttir. Keppnin hvert
kvöld er í beinni útsendingu á Rás
2 og hefst kl.19.25.
Í fyrstu viðureignum vetrar-
ins áttust við Framhaldsskólinn á
Laugum og Verkmenntaskóli Aust-
urlands. VA sigraði með 19 stigum
gegn 16. Í viðureign Menntaskól-
ans á Egilsstöðum og Fjölbrauta-
skóla Suðurlands sigraði lið FS
sömuleiðis með 19 stigum gegn 16
stigum ME. Í viðureign Kvenna-
skólans og Framhaldsskólans í
Austur-Skaftafellssýslu fór þannig
að Kvennó sigraði með 18 stigum
gegn 12. Menntaskólans á Ísafirði
lagði lið Menntaskólinn við Sund
örugglega 24-9. Loks áttust við lið
Framhaldsskólans í Vestmannaeyj-
um og Borgarholtsskóla. Sá síðar-
nefndi sigraði með 24 stigum gegn
9.
Í gærkvöldið hélt fyrri umferð
áfram á Rás 2 (eftir að Skessu-
horn fór í prentun). Þá áttust við
lið Flensborgar og Menntaskól-
ans í Kópavogi, Fjölbrautaskólans
í Garðabæ og Framhaldsskólans á
Húsavík, Menntaskólans í Reykja-
vík og Tækniskólans, Fjölbrauta-
skóla Suðurnesja og Menntaskól-
ans á Tröllaskaga og liðs Mennta-
skólans við Hamrahlíð og Fram-
haldsskólans í Mosfellsbæ.
Í kvöld, miðvikudaginn 9. janú-
ar, keppa m.a. tveir framhaldsskól-
ar af Vesturlandi. Í fyrstu umferð
eigast við Verzlunarskóli Íslands
og Verkmenntaskólinn á Akureyri,
en í annari umferð kvöldins mæt-
ast lið Menntaskóla Borgarfjarð-
ar og Fjölbrautaskólans í Ármúla.
Í þriðju umferð keppa Fjölbrauta-
skólinn í Breiðholti og Mennta-
skólinn á Laugarvatni og í fjórðu
umferð kvöldsins og þeirri síðustu
Menntaskólinn á Akureyri og Fjöl-
brautaskóli Vesturlands á Akranesi.
Önnur umferð keppninnar fer
svo fram dagana 14.og 15. janúar
nk.
mm
Gettu betur hafið á RUV