Skessuhorn - 16.01.2019, Side 9

MIÐVIKUDAGUR 16. JANÚAR 2019 9

Starfsmaður í fjármálaumsýslu
Capacent — leiðir til árangurs
Um er að ræða starf fyrir
sveitarsjóð Kjósarhrepps,
Kjósarveitur ehf. og Leiðarljós
ehf. Spennandi verkefni eru
fram undan við að byggja
upp öuga fjármálaumsjón
og stuðla að góðri þjónustu
og aukinni upplýsingagjöf til
íbúa og frístundahúseigenda.
Starfsmaðurinn vinnur
með sveitarstjóra,
framkvæmdastjóra veitna,
byggingarfulltrúa og oddvita
Kjósarhrepps. Skrifstofan
er í Ásgarði, stjórnsýsluhúsi
hreppsins í fallegu umhver.
Í Kjósarhreppi búa um 230
manns og þar eru um 600
frístundahús. Megin atvinnulíf
í sveitinni er landbúnaður en
allmargir íbúar sækja vinnu
í næsta nágrenni, þ.á.m. á
höfuðborgarsvæðinu.
Upplýsingar og umsókn
capacent.com/s/12422
Menntunar- og hæfniskröfur:
Starfsréttindi sem viðurkenndur bókari æskileg.
Marktæk starfsreynsla við bókhald og tengd verkefni.
Góð tölvukunnátta skilyrði, reynsla af bókhaldskernu DK
æskileg.
Góð íslenskukunnátta.
Þekking á opinberri stjórnsýslu er kostur.
Frumkvæði og hæfni til að vinna sjálfstætt.
Góðir samstarfshæleikar.
·
·
·
·
·
·
·
·
·
·
·
·
·
·
·
·
Umsóknarfrestur
28. janúar
Starfssvið:
Bókhaldsskráning.
Uppgjör og frágangur bókhalds.
Umsjón með launavinnslu og tengdum verkefnum.
Þátttaka í aðlögun bókhaldskerfa.
Álagning fasteignagjalda og eftirfylgni innheimtu gjalda.
Reikningagerð fyrir Kjósárhrepp og dótturfyrirtæki.
Skjalastjórnun.
Aðstoða við innfærslu upplýsinga á vefsíðu Kjósarhrepps.
Símsvörun og eiri verkefni í samstar við aðra
starfsmenn.
Skrifstofa Kjósarhrepps óskar eftir að ráða starfsmann í fullt starf við bókhald og almenna umsjón fjármálatengdra
verkefna. Leitað er að jákvæðum og þjónustuliprum starfsmanni með haldgóða þekkingu og reynslu.
Fulltrúar Bændasamtaka Íslands og
stjórnvalda hafa skrifað undir sam-
komulag um endurskoðun á samn-
ingi um starfsskilyrði sauðfjárrækt-
arinnar hér á landi. „Markmið sam-
komulagsins er meðal annars að
stuðla að auknu jafnvægi framboðs
og eftirspurnar á markaði með
sauðfjárafurðir, auka frelsi sauðfjár-
bænda og að auðveldara verði að
takast á við sveiflur í ytra og innra
umhverfi greinarinnar. Áhersla
verður lögð á að auðvelda aðlög-
un að breyttum búskaparháttum
eða nýrri starfsemi með sérstökum
aðlögunarsamningum. Þær breyt-
ingar sem gerðar eru á samningn-
um kalla ekki á aukin útgjöld fyr-
ir ríkissjóð,“ segir í tilkynningu frá
atvinnuvega- og nýsköpunarráðu-
neytinu.
Aðlögunarsamningar
gerðir við bændur
Í samkomulaginu felst að heimilt
verður að gera aðlögunarsamninga
við framleiðendur sem tilbúnir eru
að hætta eða draga úr sauðfjárbú-
skap og reyna fyrir sér í nýrri starf-
semi. Framleiðendur geta óskað
eftir að gera slíka samninga til árs-
ins 2022. Breytingar verða gerðar á
fyrirkomulagi beingreiðslna, gripa-
greiðslur falla út og hlutföll til ein-
stakra verkefna breytast. Mark-
mið þeirra breytinga er að draga úr
vægi greiðslna sem tengdar eru við
framleitt kjötmagn eða gripafjölda.
Heildarfjárhæð greiðslna hvers árs
verður sem áður samkvæmt gild-
andi samningi en áhersla er frekar
lögð á stuðning sem er síður hvetj-
andi til offramleiðslu.
Markaður fyrir
greiðslumark
Stofnsettur verður markaður fyr-
ir greiðslumark sem verður í hönd-
um Búnaðarstofu Matvælastofnun-
ar. Greiðslumark verður innleyst
og boðið til sölu á innlausnarverði
ár hvert. Heimilt er að gefa ákveðn-
um hópum framleiðenda forgang
á kaupum á því greiðslumarki sem
boðið verður til sölu hverju sinni.
Þessi aðgerð er til þess fallin að halda
niðri kostnaði af kerfinu og sameina
hagsmuni innan stéttarinnar.
Innanlandsvog metur
eftirspurn
Í samkomulaginu er ákvæði sem
ætlað er að stuðla að framleiðslu-
jafnvægi á sauðfjárafurðum. Fjár-
hæðum samkvæmt þeim lið verður
ráðstafað ef bregðast þarf við breyt-
ingum á framboði og eftirspurn á
markaði. Það verður m.a. gert með
því að efla markaðsfærslu sauðfjár-
afurða og greiða sérstakar uppbæt-
ur fyrir slátrun áa til fækkunar. Þá
verður komið á fót svokallaðri inn-
anlandsvog sem skilgreinir þarfir
og eftirspurn innanlandsmarkaðar
eftir kindakjöti. Árlega skal Mat-
vælastofnun áætla sölumagn kinda-
kjöts á innanlandsmarkaði næsta
almanaksár og byggja þá áætlun á
sölu síðustu 24 mánaða og líklegri
söluþróun. Mismunur á raunveru-
legri framleiðslu og innanlandsvog
gefur til kynna árlega útflutnings-
þörf sláturleyfishafa. Álagsgreiðslur
vegna gæðastýringar munu skiptast
á þann hluta heildarframleiðslunn-
ar sem ætlaður er til innanlands-
markaðar.
Ásetningshlutfall
lækkað
Ásetningshlutfall verður lækkað úr
0,7 í 0,6 frá og með 1. janúar 2020.
Jafnframt er gerð sú breyting að
ráðherra verður heimilt að endur-
meta hlutfallið árlega að fenginni
tillögu framkvæmdanefndar bú-
vörusamninga, með tilliti til inn-
anlandsvogar og þróunar á fram-
boði og eftirspurn sauðfjárafurða.
Í núgildandi samningi er ásetn-
ingshlutfallið ákveðið í lögum.
Ráðherra bjartsýnn
„Ég tel að þetta samkomulag muni
styrkja grundvöll íslenskrar sauð-
fjárræktar,“ segir Kristján Þór Júlí-
usson ráðherra. „Sérstaklega er
ánægjulegt að stuðlað verður að
meira jafnvægi milli framboðs og
eftirspurnar á markaði með sauð-
fjárafurðir en það hefur verið einn
helsti vandi greinarinnar undan-
farin ár. Jafnframt má nefna þá
ánægjulegu breytingu að við veit-
um bændum meira frelsi með sér-
stökum aðlögunarsamningum til
að nýta tækifæri framtíðarinnar –
bændum og neytendum til heilla.“
Jákvætt skref að mati
Oddnýjar
Oddný Steina Valsdóttir, formað-
ur Landssamtaka sauðfjárbænda,
segir að í samkomulaginu komi
inn ferlar til að takast á við sveiflur
í rekstrarumhverfi sauðfjárrækt-
arinnar, það sé mikilvægt. „Þá er
dregið úr framleiðsluhvata stuðn-
ingsgreiðslna. Eftir sem áður er
stefnt að því að jafna stöðu bænda
sem starfa innan samningsins og
draga úr kostnaði greinarinnar
af kerfinu. Þá eru samningsaðil-
ar sammála um mikilvægi þess að
ná fram hagræðingaraðgerðum
innan afurðageirans, að því marki
verður áfram að vinna. Ég tel þær
breytingar sem samkomulagið fel-
ur í sér sé jákvætt skref sem muni
styðja við aukna verðmætasköpun
afurða. Þá er einnig ánægjulegt að
samhliða þessu samkomulagi hefur
ríkisstjórnin ákveðið að hefja kol-
efnisverkefni í samstarfi við sauð-
fjárbændur. Gæði, fagmennska
og heilnæmi er aðalsmerki okkar
sauðfjárbænda og á þeim styrkleik-
um ætlum við að byggja til fram-
tíðar.“
Loks er það tekið fram að unn-
ið verður að þróun og innleiðingu
verkefnisins á grundvelli þeirra til-
lagna og greininga sem fram hafa
komið. „Verkefnið verður vistað í
umhverfis- og auðlindaráðuneyt-
inu og unnið í samstarfi við at-
vinnuvega- og nýsköpunarráðu-
neytið.“
mm
Endurskoðun samnings um
starfsskilyrði sauðfjárræktar
Fulltrúar bænda og stjórnvalda skrifa undir samkomulagið.