Skessuhorn - 03.07.2019, Blaðsíða 16

MIÐVIKUDAGUR 3. júLí 201916
Viðar Þór Ólafsson starfar hjá Dala-
byggði sinnir ýmsum störfum. Eitt
þeirra er að aka um sveitir Dala-
byggðar og safna saman hræjum
af dýrum og fara með til urðunar í
Fíflholtum. Bændum er samkvæmt
lögum bannað að urða dýrahræ á
jörðum sínum. Meðfylgjandi mynd
var nýverið tekin af Viðari þar sem
hann var á vigtinni í Fíflholtum eft-
ir eina slíka söfnunarferð. í maí-
mánuði ók Viðar þannig með 22
tonn úr Dölum, en á síðasta ári var
magnið 76 tonn af dýrahræjum.
„Bændur hafa bara samband og
láta vita af dauðum skepnum. Við
förum svo einu sinni í viku og söfn-
um þeim saman og förum með í
Fíflholt,“ segir Viðar. „Það er alveg
nóg að gera og þetta er töluverð
keyrsla enda er mikið um búfénað
á þessu svæði og þetta bara fylgir.
Oftast nær er nóg að fara bara eina
ferð í viku og þetta er eiginlega allt-
af svipað magn, mest þó þegar sauð-
burður er, “ bætir hann við. Daginn
sem myndin er tekin reiknaði Viðar
með að heildarakstur hans yrði 400
kílómetrar.
arg/ Ljósm. mm
Sýningin Sjávarútvegur 2019/ Ice-
land Fishing Expo 2019 verð-
ur haldin í Laugardalshöllinni í
Reykjavík í haust. Hefst hún mið-
vikudaginn 25. september og lýk-
ur föstudaginn 27. september.
Að sögn Ólafs M. jóhannessonar
framkvæmdastjóra sýningarinnar
hefur hún stækkað umtalsvert frá
síðustu sýningu 2016 og mun nú
fylla alla sali hallarinnar. „Sýning-
in hefur vaxið töluvert og mikil eft-
irspurn hefur verið eftir sýningar-
svæðum bæði frá innlendum og er-
lendum aðilum. Það er ánægjulegt
að sjá hversu fjölþætt sú þjónusta
er sem íslenskur sjávarútvegur býr
yfir. Á sýningunni verður að finna
bæði stór og smá fyrirtæki er þjóna
sjávarútveginum og sýna allt það
nýjasta á þessu sviði. Ég hef alltaf
haft sterkar taugar til sjávarútvegs-
ins enda hefur hann fleytt okkur í
gegnum boðaföll alls áfalla í gegn-
um áratugi. Sjávarútvegurinn er að
þróast í átt til hátækniðnaðar sem
má sjá í fjölbreytni fyrirtækjanna
sem taka þátt í sýningunni. Til-
gangur sýningarinnar er að veita
fagaðilum og áhugafólki tækifæri
til að kynnast þróun og nýjungum í
sjávarútvegi. Þessar jákvæðu tækni-
breytingar skipta miklu fyrir velferð
íslensks samfélags,“ segir Ólafur.
Við opnun sýningarinnar verða
veittar viðurkenningar til þeirra er
hafa skarað fram úr á árinu. Þarna
hefur fjölbreyttur hópur innan sjáv-
arútvegsgeirans tækifæri til að hitt-
ast en almenningur á einnig fullt
erindi á sýninguna. mm
Smáprent á Akranesi mun opna í
nýju og stærra húsnæði á morgun,
fimmtudaginn 4. júlí við Dalbraut
16. Smáprent er í eigu hjónanna
Tinnu Óskar Grímarsdóttur og
Axels Freyrs Gíslasonar og hefur
undanfarið verið til húsa við Skaga-
braut 6. Hjá Smáprenti er hægt að
fá prentun og merkingar á fatnað
fyrir einstaklinga, hópa, félög, sam-
tök og fyrirtæki auk þess sem þar
er til sölu ýmiss fatnaður, leikföng
og gjafavara. Smáprent verður opið
alla virka daga frá klukkan 14-18 og
í tilefni opnunarinnar verður boð-
ið upp á léttar veitingar og ýmis-
legt skemmtilegt fyrir börnin. Þá er
mikið úrval af ýmsum vörum í írsku
fánalitunum sem fólk getur nælt sér
í fyrir komandi helgi auk þess sem
góð tilboð verða í gangi hjá Smá-
prenti út júlí. arg
Snæfellsjökulshlaupið var hald-
ið í níunda sinn á laugardaginn en
hlaupið var frá Arnarstapa yfir jök-
ulháls og enduðu hlauparar 22 kíló-
metrum síðar í Ólafsvík. Snæfells-
jökulshlaupið er orðið með vinsæl-
ustu hlaupakeppnum landsins og
voru að þessu sinni skráðir kepp-
endur um 140 talsins. Hjónin Fann-
ar Baldursson og Rán Kristinsdóttir
hafa haft veg og vanda að hlaupinu
alla tíð en hafa fengið góða hjálp.
Fyrirtæki og einstaklingar hafa ver-
ið dugleg að veita stuðning því að
mörgu er að hyggja í verkefni af
þessari stærðargráðu. Björgunar-
sveitin Lífsbjörg kom til dæmis upp
drykkjarstöðvum á hlaupaleiðinni
þar sem félagar buðu keppendum
upp á vatn, orkudrykki og banana.
Keppendur sem fréttaritari ræddi
við voru hæstánægðir með hlaupa-
leiðina, kváðust hafa notið fallegs
útsýnis og náttúrufegurðar.
Fljótastur í mark í karlaflokki var
Geir Ómarsson á tímanum 1,30,43.
í öðru sæti var Vignir Már Lýðsson
á tímanum 1,33,27 og í þriðja sæti
var svo Valur Þór Kristjánsson á
tímanum 1,35,53. Geir sagði í sam-
tali við Skessuhorn að hann hafi alls
ekki átt von á sigri í þessu hlaupi
þar sem hann hitaði upp með því að
hjóla 193 km um Snæfellsnes áður
en hlaupið hófst!
í kvennaflokki varð Sigurbjörg
jóhannsdóttir fljótust á tímanum
1,53,19. í öðru sæti varð Sonja Sif
jóhannsdóttir á tímanum 1,53,34
og í þriðja sæti varð svo íris Blöndal
Kjartansdóttir á tímanum 1,59,26.
Allir keppendur fengu svo frítt
í sund og fiskisúpu og meðlæti að
keppni lokinni. Var það vel þegið
og ekki annað að sjá en að keppend-
ur hafi kunnað vel að meta móttök-
urnar sem þeir fengu í bæjarfélag-
inu. af
Sigurbjörg Jóhannsdóttir kom fyrst í
mark í kvennaflokki.
Snæfellsjökulshlaupið var um helgina
Fannar Baldursson og Rán Kristinsdóttir ásamt sigurvegurum í karla- og
kvennaflokki.
Þessir hressu keppendur voru heimamenn. F.v. Hákon Þorri Hermannsson, Snæ-
björn Aðalsteinsson, Gunnsteinn Sigurðsson og Ari Bjarnason.
Geir Ómarsson kemur hér fyrstur í mark í Ólafsvík. Hann hitaði upp með að hjóla 193 kílómetra fyrr um daginn.
Safnar saman dauðum
dýrum og fer með í urðun
Sjávarútvegssýningin stækkar í Laugardalshöll
Tinna Ósk Grímarsdóttir tekur á móti
viðskiptavinum í nýja húsnæði Smá-
prents við Dalbraut 16 á morgun,
fimmtudag.
Smáprent opnað í stærra
húsnæði á morgun