Skessuhorn - 03.07.2019, Blaðsíða 26

MIÐVIKUDAGUR 3. júLí 201926
Sumaropnun hófst í Ólafsdal við
Gilsfjörð í lok júní. Opið verð-
ur í sumar til 18. ágúst frá klukkan
12-17. Til sölu verður kaffi, rjóma-
vöfflur og Erpsstaðaís, en ókeyp-
is svaladrykkur fyrir börnin. Að
sögn Rögnvaldar Guðmundsson-
ar forsvarsmanns Ólafsdalsfélags-
ins er sýning um Ólafsdalsskólann
á fyrstu hæð skólahússins og sýning
um konurnar í Ólafsdal og mynd-
bandssýning um staðinn á ann-
arri hæð. Tólfta Ólafsdalshátíðin
verður svo haldin laugardaginn 17.
ágúst.
Margt skýrist við
uppgröft víkingaskálans
Rannsóknir á víkingaaldarskálan-
um í Ólafsdal stóðu yfir í fjórar vik-
ur í sumar en þeim lauk 20. júní
síðastliðinn. Starfsmenn Fornleifa-
stofnunar íslands héldu þá áfram
að rannsaka rústir víkingaaldarskála
innarlega í Ólafsdal. í samantekt
Birnu Lárusdóttur fornleifafræð-
ings um verkefnið kemur fram að
byrjað var að grafa í gólflög skálans
og fundust þar ýmsir góðir gripir,
margir úr járni en einnig tvær gler-
perlur, önnur blá og hin gyllt. Perl-
ur finnast oft í víkingaaldarsam-
hengi. Einnig fannst snældusnúð-
ur úr innfluttu klébergi, sem sýnir
að tóvinna fór fram húsinu en áður
höfðu fundist þar kljásteinar sem
hafa hangið neðan í uppstöðu í vef.
Þá fundust ennfremur sáför, þ.e.
för eftir tunnur eða keröld undir
matvæli, líklega mjólkurmat. „Gerð
hússins skýrist smám saman en ljóst
er að það hefur verið endurbyggt
og lagfært margoft. Þess sjást merki
á veggjum hússins og einnig sjást
leifar nokkurra eldstæða af ýmsum
gerðum sem ekki hafa verið í notk-
un samtímis. Mörgum spurningum
varðandi búsetuna og starfsemina í
skálnum verður svarað næsta sum-
ar,“ segir Birna.
Auk þess að grafa í skálann var
litið út fyrir uppgraftarsvæðið.
„Teknir voru skurðir í tvær rústir
norðan við skálann. Önnur rúst-
in sýndi engin ummerki um gólf-
lög svo þar hefur fólk ekki hafst við
en í hinni eru greinileg kolaborin
gólflög í niðurgrafinni tóft, jarð-
hýsi. Báðar þessar tóftir og hlut-
verk þeirra væri fróðlegt að skoða
nánar síðar. Á loftmynd sem tek-
in var einn daginn síðdegis í góðri
birtu komu síðan vel fram útlínur
á aflangri rúst sem er einnig norð-
an við skálann og sést á myndinni.
Hún er næstum jafnstór og skálinn
og gæti verið af öðru slíku húsi eða
mögulega fjósi. Hún bíður frekari
rannsókna.“
Auk þessa hafa mörg hundruð
loftmyndir verið teknar af svo til
öllu láglendi í dalnum og útbúið
yfirborðslíkan þar sem allar minjar
sjást mun betur en á venjulegri loft-
mynd. Egill Erlendsson, prófess-
or og sérfræðingur í fornvistfræði,
tók sýni úr mýrum innst í dalnum.
Með greiningu á þeim verður hægt
að varpa ljósi á samsetningu frjó-
korna og þar með þróun gróðurfars
í dalnum í tímans rás.
mm/ Ljósm. Rögnvaldur Guð-
mundsson.
Perlur og snældusnúður meðal muna
í uppgreftri í Ólafsdal
Fornleifafræðingar að störfum. Rannsóknum þeirra lauk 20. júní síðastliðinn. Miðja minjasvæðisins í Ólafsdal. Blá ör vísar á stóra byggingu, hugsanlega fjós.
Fornleifafræðingar við langhúsið í Ólafsdal.
Gyllt perla sem fannst við uppgröft í
sumar.
Endurbyggt mjólkurhúsið. Hér er horft yfir mannvirkin frá fjósinu og heim að bæ og
mjólkurhúsi.
Sjálfboðaliðar sem komu og unnu í garðvinnu í vor. Snældusnúður sem fannst við uppgröftinn.