Skessuhorn - 03.07.2019, Blaðsíða 25

MIÐVIKUDAGUR 3. júLí 2019 25
Bæjarráð í umboði bæjarstjórnar samþykkti á 27. júní s.l. að auglýsa tillögu að breytingu
á deiliskipulagi Skógarhverfis 2. áfanga vegna lóða við Fagralund og Akralund, skv. 1.
mgr. 41. gr. sbr. 1. mgr. 43. gr. skipulagslaga nr. 123/2010.
Tillagan felst í að breyta einbýlishúsalóðum við Fagralund 1, 3, 5, 7 og 2, 4, 6 í tvær þriggja íbúða
raðhúsalóðir og þrjár parhúsalóðir (12 íbúðir). Fjölbýlishúsalóðir við Akralund 8, 10, 12 og 14 er
breytt í tvær fjögurra íbúða raðhúsalóðir (ein til tvær hæðir) og eina parhúsalóð (ein til tvær
hæðir).
Tillagan verður til kynningar í þjónustuveri kaupstaðarins að Stillholti 16-18, Akranesi og á
heimasíðu Akraneskaupstaðar, www.akranes.is frá og með 4. júlí til og með 17. ágúst 2019.
Eru þeir sem telja sig eiga hagsmuna að gæta hvattir til að kynna sér tillöguna. Ábendingum
og athugasemdum við tillöguna þarf að skila skriflega eigi síðar en 17. ágúst í þjónustuver
Akraneskaupstaðar eða á netfangið skipulag@akranes.is.
Sviðsstjóri skipulags- og umhverfissviðs Akraneskaupstaðar.
Auglýsing um breytingu
á deiliskipulagi á Akranesi
SK
ES
SU
H
O
R
N
2
01
9
SK
ES
SU
H
O
R
N
2
01
9
Bæjarstjórn Akraness samþykkti 27. júní 2019 breytingu
á deiliskipulagi Æðarodda.
Tillagan var auglýst skv. 41. gr. skipulagslaga nr. 123/2010. Breyting
var gerð á auglýstri tillögu, vegna ábendinga sem bárust þ.e.
byggingarreitur var færður lengra frá reiðleið eða um 2 metra til
suð-austurs. Hægt er að kæra samþykkt sveitarstjórnar til úr-
skurðarnefndar umhverfis- og auðlindamála. Kærufrestur er einn
mánuður frá birtingu auglýsingar um gildistöku deiliskipulagsins í
B-deild Stjórnartíðinda.
Sviðsstjóri skipulags- og umhverfissviðs Akraneskaupstaðar.
Samþykkt breyting á deiliskipulagi
Æðarodda vegna Reiðskemmu
Sigurbjörn Hjaltason, bóndi á
Kiðafelli í Kjós, hefur verið ið-
inn við að útrýma skógarkerfli síð-
ustu tíu ár en þetta illgresi kemur
oft upp í umræðunni vegna þess
hversu óviðráðanleg það er. Skóg-
arkerfill, eða kerfill eins og hann er
oftast kallaður, dreifir ört úr sér og
myndar gjarnan samfelldar breið-
ur sem ekkert fær stöðvað. jurtin
er feikisterk og kraftmikil og stend-
ur mörgum ógn af henni eins og
bóndanum á Kiðafelli. „Ég var odd-
viti fyrir 10-12 árum síðan. Þá byrj-
aði ég að láta taka kerfilinn. Það fór
starfsmaður hérna um og eitraði
plöntuna. Þetta hefur aðallega ver-
ið hérna við Hvalfjarðarveginn og
við Reynivallakirkju. Starfsmaður-
inn fór þarna um og eyddi illgres-
inu eitt árið. Þetta var svona fyrsta
skrefið. Svo rann mitt skeið á enda
sem oddviti og aðrir tóku við, þá
fór ég að gera þetta sjálfur,“ segir
Sigurbjörn í spjalli við blaðamann
Skessuhorns þegar hann heimsótti
bóndann í liðinni viku.
Fær salt frá Kötlu
„Ég hef verið síðustu tíu árin, á
hverju ári í þessu. Það er búið að
taka öll þessi ár að reyna að halda
þessu niðri,“ segir bóndinn. „í fyrra
var svakalega mikið rigningarsumar
og ekki hægt að beita eitrinu í bleyt-
unni, það verður að vera þurrt til
þess. Maður fékk aldrei þurra stund
í allt fyrrasumar. Þegar þurrkurinn
kom svo loksins, þá var bara kom-
inn heyskapur,“ útskýrir hann.
í rigningarsumrinu í fyrra fór
Sveinbjörn ásamt krökkunum sín-
um meðfram öllum veginum og
skar allt fræ af kerflinum með sigð
til að koma í veg fyrir að plantan
myndi dreifa sér frekar. „Ég átti
svolítið salt og byrjaði að nota það.
Það var búið að benda mér á að
það væri hægt að nota náttúruleg
efni sem finnast í saltinu sem vinna
gegn illgresinu. Ég prófaði að setja
salt á nokkrar plöntur. Þær alveg
hurfu og hafa ekki látið á sér kræla
eftir það.“
Sigurbjörn fær saltið frá Kötlu,
en það er ekki saltpokinn sem finnst
í næstu kjörbúð heldur fer hann í
heildsöluna og verður sér út um
saltpoka. „Ég hef farið með 200 kg
af salti núna í sumar og sett slatta á
plönturnar.“
Saltið svínvirkar
Sigurbjörn segir gott að nýta vorið
til að ganga á kerfilinn og fór hann
reglulega í sauðburðinum, þegar
það gafst stund á nóttunni, með-
fram veginum og tók svæði hér og
þar og saltaði plönturnar. „Það er
svo gott að taka kerfilinn snemma
á vorin því hann sýnir sig fljótt, á
undan öllum öðrum gróðri. Ég
reikna með að það sé búið að ná
tökum á þessu núna eftir að ég fór
að nota saltið, allt annað er bara
tímasóun,“ segir Sigurbjörn ákveð-
inn sem hefur byrjað markvisst út
frá Hvalfjarðargöngum að ganga á
illgresið. „Ég hef verið með hey-
skap lengi á Kjalarnesi og þetta hef-
ur verið smátt og smátt að aukast
þar. Nú er svo komið að sum túnin
eru bara ónýt af kerfli. Þetta er búið
að vera inni á túnunum eitthvað og
maður hefur bara slegið þetta með.
Það gerir hins vegar illt verra að slá
þetta. Þessi tún eru bara ónýt og
ekkert hægt að gera við þau fyrr en
það er búið að eyða kerflinum. Það
þýðir ekkert að plægja þetta eða
nokkuð. Ég ætla ekki að tapa land-
inu mínu í þetta, þess vegna legg
ég svona mikla áherslu á að útrýma
plöntunni.“
Kerfill er
ólíkur lúpínunni
Ekki eru allir á sama máli og Sigur-
björn þegar kemur að skógarkerfli.
Margir eru þeirrar skoðunar að vilja
ekki útrýma kerflinum, þekkja e.t.v.
ekki hversu stórt vandamál plant-
an skapar. „Ég byggi afkomu mína
á ræktuðu landi, frjósömu landi, og
það er það sem kerfillinn fer í. Það
átta sig ekki allir á því hversu skæð
planta þetta er. Svo eru einhverjir
sem leggja þetta að jöfnu við lúpín-
una en hún er bara allt annað dæmi.
Ég er ekkert að vesenast í henni,“
segir Sigurbjörn.
Ólíkt kerfli þá sækir lúpínan frek-
ar í mjög gróðursnauð og rýr svæði
og eykur frjósemi jarðvegsins en er
engu að síður mjög ágeng planta.
„Lúpínan fer ekkert í ræktarland,
hún fer aðallega í ógróið land. Mér
finnst til dæmis ekkert vandamál
þegar hún er upp við vegi og slíkt.
Vissulega þarf að hemja hana svo
hún komist ekki í mólendi í víðerni
og svona.“
Margir farnir að salta
Sigurbjörn segist hafa fengið góð
viðbrögð við átakinu sínu úr flest-
um áttum. Ekki fyrir svo löngu
setti hann færslu inn á Facebook
síðu sína þar sem hann sagði frá
velgengni sinni að notast við salt
til að útrýma illgresinu. „Ég fékk
svakaleg viðbrögð við færslunni og
margir eru búnir að hringja í mig
og spyrja mig út í þetta. Ég veit að
þeir eru farnir að salta í Mývatns-
sveit, Bolungarvík og Eyjafirði.
Það eru margir að eiga við þetta en
margir líka búnir að missa tökin.
Spurningin er bara að byrja,“ seg-
ir Sigurbjörn. „Það er ekki skrítið
að fólk guggni. Það er hins vegar
um að gera þar sem eru einhverj-
ir kaflar einhverju af kerfli, að byrja
þar og reyna að vinna þetta svona
frá tiltölulega auðum köflum og inn
að mestu torfunum. Svo er mikil-
vægt að vera ekki að gera ráð fyr-
ir því að ná þessu á einu ári. Þetta
er verk sem menn þurfa að fara í á
hverju vori. Ég myndi segja að það
þurfi alveg tíu ár til að vinna sig út
úr þessu, en það er alveg hægt,“
segir bóndinn að endingu.
glh
Bóndinn á Kiðafelli notar salt til að útrýma skógarkerfli
Skógarkerfill er feikisterk og kraftmikil planta, en oft óvelkomin.
Sigurbjörn ásamt vinnumanni
sínum, Róberti Mána Newton,
fyrir utan fjárhúsið á Kiðafelli.
Sjá má saltpokann á milli þeirra.