Skessuhorn - 10.07.2019, Síða 20
MIÐVIKUDAGUR 10. júLí 201920
Fjölmenni kom saman um liðna
helgi þegar írskir dagar voru haldni
með pompi og prakt á Akranesi.
Sævar Freyr Þráinsson bæjarstóri
setti hátíðina á fimmtudag í sann-
kölluðu skýfalli fyrir utan Stjórn-
sýsluhúsið við Stillholt. Leikskóla-
börn og leikskólastarfsfólk ásamt
öðrum gestum voru samankomn-
ir í pollagöllum og með regnhlíf-
ar uppspenntar til að hlusta á bæj-
arstjórann auk þess sem Sveppi og
Villi skemmtu mannskapnum með
gríni og söng í rigningunni. Fyr-
ir utan setningardaginn, þá léku
veðurguðirnir við gesti írska daga
hina þrjá dagana sem hátíðin stóð
yfir. Það var logn og blíða og hiti
rétt undir 20 stigum. „Hátíðin
gekk gríðarlega vel og það hjálp-
aði að hafa veðrið eins og það var.
Viðburðir voru allir vel sóttir, hvort
sem það var listsýning eða hátíð á
torginu,“ sagði Sævar bæjarstjóri
þegar blaðamaður sló á þráðinn til
hans eftir helgi.
Á föstudeginum byrjaði dagskrá
á Akratorgi um hádegi. Þá var boð-
ið upp á lifandi tónlist og allskyns
skemmtiatriði fyrir gesti fram eftir
degi. Ábúendur við Dalsbraut hlutu
viðurkenningu fyrir mest skreyttu
götuna og fengu í verðlaun glaðn-
ing frá verslun Einars Ólafssonar
sem þeim var afhent á götugrillinu
síðar um kvöldið. Götugrill voru
almennt vel sótt í bænum. Föstu-
deginum var svo slúttað með Stór-
tónleikum með Magna, Hreim og
Stuðlabandinu á Lopapeysusvæð-
inu sem gestum bauðst að mæta
frítt á og var mæting góð.
Haldið var uppi svipuðum hætti
á laugardag. Dagskrá hófst snemma
um morguninn með golfmóti á
Garðavelli og sandkastalakeppni á
Langasandi. Klukkan 11 voru vaskir
sundmenn sem syntu til minningar
um Helga Hannesson frá Sements-
bryggju að Guðlaugu við Langa-
sand. Dagskrá var í gangi allan dag-
inn á Akratorgi og voru margir á
svæðinu sem böðuðu sig í sólinni,
hlýddu á tónlistaratriði og gæddu
sér á allskyns mat úr matarvögnum
á svæðinu. Götum að torginu var
lokað svo það myndaðist skemmti-
leg götulífsstemning í miðbænum.
Klukkan 22 á laugardagskvöldinu
hófst brekkusöngurinn sem hefur
verið að sækja í sig veðrið síðustu
ár og má ætla að nýtt met hafi verið
slegið í aðsókn en brekkan var þétt
setin þegar Ingó veðurguð spilaði
og söng fyrir gesti sem tóku vel
undir í hverju laginu á fætur öðru.
„Þetta er að verða stærri og stærri
viðburður. Við vorum til dæmis
í fyrsta skipti með svið fyrir tón-
listaratriðin á brekkusöngnum í ár.
Yfirleitt hafa verið um 3.000 manns
mætt í brekkuna en ég hugsa að í ár
hafi verið á milli fimm og sjö þús-
und manns mætt í brekkusönginn,
sem væri met, en það er alltaf erfitt
að áætla fjölda á svona viðburðum,“
segir bæjarstjórinn. Að brekkusöngi
loknum færði mannskapurinn sig
á Lopapeysuna við bryggjuna þar
sem gleðin stóð langt fram eftir
nóttu. Færri komust að en vildu
því uppselt var á viðburðinn. Var
ástandið orðið þannig að fólk aug-
lýsti eftir miðum á ballið og buðu í
þá á samfélagsmiðum langt umfram
upphaflegt verð.
Á sunnudag var Leikhópurinn
Lotta í Garðalundi og voru fjöl-
skyldur samankomnar í blíðunni
í Skógræktinni og áttu notalega
stund.
„Líklega er þetta aðsóknarmesta
hátíðin til þessa og gekk hún virki-
lega vel í alla staði. Við þökkum
auðvitað öllum þeim sem heim-
sóttu bæinn sem og bæjarbúum fyr-
ir að hafa tekið virkan þátt í hátíð-
inni,“ segir Sævar að endingu.
glh
Fjölmenni var á Írskum dögum um helgina
Þessi unga stúlka söng hátt með Sveppa og Villa sem skemmtu viðstöddum á setningarathöfninni við Stjórnsýsluhúsið við
Stillholt á fimmtudag. Ljósm. glh.
Lifandi tónlist var í boði bæði á föstudag og laugardag á Akratorgi.
Dalsbraut fékk viðurkenningu fyrir mest skreyttu götuna.
Skemmtileg götulífsstemning myndaðist í miðbænum við Akratorg á laugardeg-
inum.
Ásgerður Erla Kristinsdóttir var valin Rauðhærðasti Íslendingurinn 2019.
Þessir rokkarar skemmtu hópnum sem var samankominn á Akratorgi á
laugardeginum.
Hópurinn sem synti frá Sementsbryggju að Guðlaugu við Langasand til minningar Helga Hannessonar.
Ljósm. Sjóbaðsfélag Akraness.
Margir voru saman komnir til að horfa á Leikhópinn Lottu í Garðalundi á sunnudag. Ljósm. arg.