Skessuhorn - 10.07.2019, Blaðsíða 22

MIÐVIKUDAGUR 10. júLí 201922
Þeir Halldór Breiðfjörð og Dani-
el Victor Herwigsson eru félagar
í Knattspyrnudómarafélagi Akra-
ness, KDA, og eiga það sameigin-
legt öðrum félögum í KDA að hafa
mikla ástríðu fyrir dómgæslu á fót-
boltaleikjum. Halldór Breiðfjörð
var dómari í mörg ár fyrir Knatt-
spyrnusamband íslands en lagði
síðan dómaratakkaskóna á hilluna
á síðasta ári. Engu að síður þá gat
hann ekki hugsað sér að stíga al-
farið frá dómgæslu svo hann kem-
ur nú að leikjum sem eftirlitsdóm-
ari ásamt því að vera í dómaranefnd
KSí. Daniel Victor er hins vegar
nýgenginn í félagið, eða í nóvem-
ber á síðasta ári. Daniel Victor er
frá Borgarnesi og steig sín fyrstu
skref í dómgæslunni þar sumar-
ið 2016. Eftir að hafa frétt af dóm-
arafélaginu á Akranesi varð hann
snöggur að setja sig í samband við
Halldór. Áður en Daniel vissi af var
dómaraáhugamálið orðið að ástríðu
og er hann nú einnig orðinn dóm-
ari hjá KSí. Blaðamaður setti sig í
samband við þá félaga í vikunni sem
leið þar sem þeir gáfu sér tíma til
að segja frá því öfluga og mikilvæga
starfi í þágu knattspyrnuíþróttar á
íslandi, sem á sér stað hjá Knatt-
spyrnudómarafélagi Akraness.
Öflugt dómarafélag
Hjá Knattspyrnudómarafélagi
Akraness eru 21 virkir meðlimir,
þar af eru 19 dómarar og tveir eft-
irlitsdómarar. „Við erum að skaffa
KSí flestu dómarana af öllum lið-
um á landinu,“ segir Halldór stolt-
ur. „Næsta lið á eftir er stórveldi á
Stór-Hafnarfjarðarsvæðinu en þar
eru töluvert færri dómarar en hjá
okkur,“ bætir hann við. KDA fékk
dómaraverðlaun KSí fyrir árið
2018 á síðasta ársþingi sambands-
ins. Þar tók Halldór við viðurkenn-
ingarskildi fyrir hönd félagsins frá
formanni KSí, Guðna Bergssyni,
og segir í frétt á heimasíðu sam-
bandsins: „Samstarfið hefur ver-
ið ákaflega farsælt og átt mikinn
þátt í því að styrkja hið öfluga starf
sem unnið er í knattspyrnumálum
á Akranesi.“
Félagið hefur fengið þessa við-
urkenningu þrisvar sinnum, árið
2015, 2016 og svo núna síðast fyrir
árið 2018. „Við erum að framleiða
dómara. Ég vil meina að við séum
besta dómarafélag á landinu og ég
vil að við höldum áfram að vera
bestir og halda þessum titli,“ segir
Halldór ákveðinn og leynir sér ekki
ástríðan hans fyrir viðfangsefninu.
íslenskur fótbolti er gríðarlega vin-
sæl íþrótt miðað við aðrar hér á
landi og líklega er stærsta hlutfall
íþróttaáhorfenda sem sækir fót-
boltaleiki yfir árið, hvort sem það
eru félagsleikir eða landsleikir. „Við
erum heppin með það á íslandi að
það hefur aldrei verið mannaskort-
ur í fótboltanum eins og í körf-
unni og handboltanum. Félögin
eru virkilega lánsöm hvað það eru
margir dómarar á íslandi, og það
flestir frá íA.“
Erfiðleikastig leikja
Eins og fyrr kemur fram þá hef-
ur Halldór fært sig um set úr því
að flauta leiki á grasvellinum yfir
í að vera eftirlitsdómari á leikjum,
sem er mikilvægt og nauðsynlegt
starf að sinna. „Eftirlitsdómarinn
er í rauninni fulltrúi KSí á vellin-
um og er hlutverk hans að gefa KSí
skýrslu um framkvæmd leiks sem
og skrifa skýrslu um störf dómara
á vellinum til leiðbeiningar, í raun
til að gera góðan dómara enn betri.
Reglan er sú að hver dómari byrj-
ar með ákveðna einkunn sem þýðir,
góður samkvæmt væntingum. Eina
leiðin til þess að hækka í einkunn
er þegar erfiðleikastigið á leiknum
er erfiðleikagráða tvö eða þrjú, þá
erum við að tala um mjög erfið at-
vik,“ útskýrir Halldór.
Erfiðleikastig leikja fer ekki eftir
því hvort um úrslitaleik sé að ræða
eða eitthvað slíkt. Erfiðleikastig
getur markast af veðráttu, átökum
leikmanna í leik og allskyns þannig
tilfellum. „Það fer eftir því hvernig
leikurinn spilast hverju sinni. Yfir-
leitt eru meiri líkur á að ýmis krefj-
andi tilfelli komi upp fyrir dómara
í neðri deildum frekar en í úrvals-
deildinni. Maður hefur nú dæmt
nokkra leiki þar og það er skemmti-
legt. Á móti kemur að þeir dómar-
ar sem eru að byrja í dómgæslunni
fara fyrst í gegnum neðri deildirn-
ar áður en þeir koma í þær efstu og
eru reynslunni ríkari fyrir vikið.“
Tuðið er ekki endalaust
Eflaust eru margir lesendur sem
velta fyrir sér hvort það sé nokk-
uð skemmtilegt að vera dómari
yfir höfuð vegna þess fyrir hversu
miklu áreiti þeir verða frá leik-
mönnum og þjálfurum ásamt skila-
boðum frá áhorfendum, sem geta
oft á tíðum verið ansi gróf og pers-
ónuleg. Að sögn Halldórs og Dani-
els er þetta almennur misskiln-
ingur og segja þeir tuðið alls ekki
eins mikið og fólk heldur. „Það er
alls ekki stanslaust verið að tuða í
manni. Þetta er svo mikið annað en
það,“ segir Daniel og Halldór tek-
ur undir. „Þetta var kannski erfitt
í fyrstu þegar maður var að byrja
en maður var fljótur að láta þetta
ekki hafa áhrif á sig. Þetta kemur
inn og fer út jafn snöggt og varð
fljótt að bakgrunnshljóði,“ bæt-
ir Halldór við. Oft getur líka ver-
ið stutt í húmorinn og þá er hollt
að geta hlegið að sjálfum sér. „Ég
man eftir einni skemmtilegri at-
hugasemd frá áhorfanda. Það var
þegar ég var aðstoðardómari fyrir
einhverjum árum, þá var kallað úr
stúkunni bakvið mig: „Línuvörður!
Reyndu að gera þetta almennilega,
það er ekki eins og hárið þitt sé fyr-
ir.“ Ég gat ekki annað en hlegið,
snéri mér við og setti þumalinn upp
til samþykktar,“ segir Halldór hlæj-
andi og strýkur skallann í leiðinni.
„Ég hafði það að vísu sem reglu að
hvetja fjölskylduna mína eindreg-
ið til að fara ekki á leiki sem ég var
að dæma því það koma tilfelli sem
það er sagt eitthvað niðrandi sem á
alls ekki rétt á sér í stúkunni og ég
vil ekki að fjölskyldumeðlimir heyri
það,“ bætir Halldór við. „í lang-
flestum tilvikum er þetta þannig að
leikmenn og þjálfarar geta gólað og
gargað á mann og við sem dómarar
getum verið ósammála um margt á
meðan leik stendur, en þegar leik-
urinn er búinn, þá í langflestum til-
fellum er leikurinn búinn. Það er til
dæmis erfitt að dæma víti án þess að
einhver mótmæli, þetta er hluti af
leiknum,“ segir Daniel.
Bera virðingu
fyrir leiknum
Enginn veit hvernig fótboltaleikur
fer fyrr en spilast og er þetta hug-
arfar sem dómararnir fara með inn
í hvern einasta leik. „Það er gríðar-
lega mikilvægt að fara í hvern ein-
asta leik eins. Alveg sama hvort það
sé 4. flokkur eða Pepsi Max deild
eða hvað það heitir. Fyrirfram gæti
verið að leikurinn ætti að vera auð-
veldur, það er þá annað liðið sterk-
ara á pappírnum en svo breytist
eitthvað í leiknum sem er ófyrirsjá-
anlegt. Þess vegna er nauðsynlegt
að búa til rútínu fyrir alla leiki og
hafa hana eins. Til dæmis þá var ég
alltaf með fund fyrir hvern leik þó
svo ég væri kannski búinn að starfa
með sömu mönnunum í 300 leikj-
um. Sama hvað, þá fór ég alltaf yfir
samstarfið og hlutverk hvers og
eins í hverjum leik fyrir sig,“ segir
Halldór. „Þetta er bara eins og þeg-
ar þjálfarinn fer yfir leikskipulagið
með leikmönnum sínum, þá gerum
við dómarateymið það sama. Við
berum virðingu fyrir öllum leikjum
sama í hvaða deild eða flokki þeir
eru spilaðir. Hjá yngri flokkum sem
dæmi, þá eru þetta mjög stórir leik-
ir hjá þeim og að sjálfsögðu dæm-
um við þá leiki eins og þeir væru
dæmdir í efstu deild,“ bætir Daniel
við. „Það er bara svo gaman að vera
hluti af leiknum.“
Stöðugt í sjálfsskoðun
Dómarar eru stöðugt í sjálfsskoðun
og þurfa ávalt að vera á tánum því
hvað sem er getur dúkkað upp þeg-
ar leikur er spilaður. Dómari þarf
að geta tekið ákvörðun á sekúndu-
broti og oftar en ekki geta þetta
verið krefjandi ákvarðanir og um-
deildar. „Auðvitað gerum við mis-
tök eins og allir, en sjaldnast eru
þau stór. Við getum ekki breytt því
sem hefur gerst en við getum alltaf
lært af mistökunum. Sjálfsgagnrýni
í þessu fagi er nauðsynleg og all-
ir félagar KDA hafa metnað til að
gera betur hverju sinni,“ segir Hall-
dór sem býr yfir margra ára reynslu
við dómgæslu en aðstoðar núna
ungu strákana í félaginu og er þeim
til halds og trausts. „Ég hef oft sér-
staklega beðið Halldór að koma á
leiki sem ég er að dæma og fengið
hann til að fylgjast með mér svo ég
geti lært að gera betur. Hann hef-
ur það mikla reynslu og þekkingu
til að hjálpa mér,“ segir Daniel og
bætir við að stuðningurinn sem
kemur frá félögum KDA sé ómet-
anlegur.
Góður félagsskapur
Það er þéttur hópurinn sem er fé-
lagi í Knattspyrnudómarafélagi
Akraness en félagið heldur upp á 50
ára afmæli á næsta ári og er stefnt
á að gera eitthvað stórt. „Við erum
með háleit markmið þegar við verð-
um 50 ára á næsta ári, en ég vil ekki
gefa neitt upp að svo stöddu,“ seg-
ir Halldór og brosir. „Þetta er elsta
dómarafélag á íslandi og við vilj-
um fagna því almennilega.“ Dani-
el gekk í félagið í nóvember á síð-
asta ári og hefur ekki litið til baka
síðan. „Þetta er svo gaman. Félags-
skapurinn er skemmtilegur og við
erum allir félagar og góðir vinir í
KDA. Það er sérstaklega gaman að
fara út á land og dæma saman, það
er einhver stemning í því. Þannig
er maður líka stöðugt að kynnast
nýju fólki,“ segir Daniel.
„Ég tel að flestir gera þetta ekki
vegna peninganna, heldur útaf
áhuganum. Maður myndi ekki
endast lengi ef maður hefði ekki
gaman af þessu. Að vísu þegar ég
byrjaði að dæma þá var það svo ég
fengi frítt á leiki, svo var þetta bara
svo skemmtilegt,“ segir Halldór og
hlær.
Vilja fleiri stelpur
Knattspyrnudómarafélag Akra-
ness vill sérstaklega benda stelpum
sem hafa áhuga á dómgæslu að hafa
samband við félagið. KDA og önn-
ur dómarafélög á landinu ásamt KSí
eru markvisst að reyna að hækka
hlutfall stelpna í dómarastéttinni
því það eru því miður svo fáar sem
dæma í dag. „Því miður hefur ekki
náðst að fá stelpur inn í þetta. Við
viljum endilega fá fleiri stelpur og
hvetjum þær til að hafa samband ef
áhugi er fyrir hendi,“ segir Hall-
dór vongóður. Bríet Bragadótt-
ir, milliríkjadómari, er ein af fáum
kvendómurum á landinu og hefur
dæmt fótbolta í níu ár. Hún talar
opinskátt um að vilja sjá fleiri kon-
ur dæma hér á landi. „Stelpur sem
hafa áhuga á að dæma fótboltaleiki
geta haft samband við okkur á Fa-
cebook síðu okkar. Við viljum alltaf
fleiri félaga og þá sérstaklega fleiri
stelpur,“ segir Halldór að endingu.
glh
Knattspyrnudómarafélag Akraness útvegar KSÍ flesta dómara af öllum félögum
Félagið fékk dómaraviðurkenningu KSÍ fyrir góð störf
Daniel við dómarastörf á Skallagríms-
velli í Borgarnesi. Ljósm. Aðsend.
Daniel Victor Herwigsson og Halldór Breiðfjörð hafa mikla ástríðu fyrir
dómgæslu.
Félagar KDA á bakvið viðurkenningarskjöldinn frá KSÍ fyrir vel unnin dómarastörf árið 2018. Ljósm. Aðsend.