Skessuhorn - 10.07.2019, Side 27

MIÐVIKUDAGUR 10. júLí 2019 27
Vísnahorn
Hveragerði var lengi
þekkt sem skáldabær
enda töluvert þar af
skáldum og hagyrðing-
um. Þessi andans íþrótt hefur líka einhverja
snjóboltatilhneygingu til að hlaða utan á sig.
Séra Gunnar Benediktsson var lengi prest-
ur þeirra Hvergerðinga og þegar það gerðist
sér hreppur, en þurfti enn að jarða sína látnu í
Kotstrandarkirkjugarði í Ölfusi, orti sérann:
Hér er kominn hreppur nýr,
hann er sagður kostarýr,
þegar lífs við brjótum brýr,
bæði segi og skrifa.
Í öllum hreppnum engin mold,
í að greftra látið hold.
Við neyðumst til að nuddast við að lifa.
En svo er aftur önnur sveit,
einstaklega kostafeit,
enga frjórri augað leit,
um að tala og skrifa.
Þar er þessi þykka mold,
þar má greftra látið hold,
þar eru menn sem þurfa ekki að lifa.
Það er náttúrlega spurning hvaða máli
það skiptir eftir dauðann í hvaða kirkjusókn
holdið fær að rotna. Má vafalaust deila um
það eins og margt fleira. Allavega orti Sturla
Friðriksson:
Búið að þjá bæði og þjaka mig
og þjáningin aldeilis svakalig
að karpa við segg
um keisarans skegg
og komast svo að því að hann er búinn að
raka sig.
Það gerist oft og ekki síst í aðdraganda
kosninga að mönnum finnst bráðnauðsynlegt
að halda ræður. Stundum (einstöku sinnum)
er það þarfleg athöfn en oft held ég megi
lýsa verkinu með vísu eftir Þormóð Pálsson
á Njálsstöðum:
Ógn var smátt um andans mátt
efnisþátt að teygja.
Galað hátt, en hugsað fátt,
hefði átt að þegja.
Sami maður yrkir einnig um áfengið:
Vonin gyllir æskuár,
ástin tryllir muna,
vínið stillir villtar þrár,
veitir fyllinguna.
Það mér skímu bezta bar
böls úr glímu flúinn,
öls í vímu aldrei var
andinn grímubúinn.
Hofdala jónas orti einnig um sama vökva
og samskipti sín við hann:
Dýrar veigar drakk af stút,
djarft var leikið stundum,
gekk á snið við sorg og sút,
sat á gleðifundum.
Allfrægri afmælisveislu sem haldin var fyrir
margt löngu lýsti jóhannes Benjamínsson
með þessum orðum:
Hress og kátur höfðinginn
hellti vel í glasið.
Fólk var borið út og inn
andvana og lasið.
Það er nú þetta að ganga svo um gleðinnar
dyr sem aðrar með hæfilegri aðgæslu. (Gáttir
allar áður gangi fram of skoðast skili, of
skyggnast skili). Haukur Gíslason hafði þetta
um málið að segja:
Þegar maður orðinn er
eitthvað meira en hálfur
þá er best að blanda sér
brennivínið sjálfur.
Ekkert veit ég um höfund næstu vísu en
hún er greinilega ort að morgni dags:
Flækist um með föla kinn
flúin burt er kæti.
Ertu þyrstur auminginn
eftir drykkjulæti?
Það hefur lengi viljað loða við þó gleðin
væri töluverð framan af kvöldi og eitthvað
frameftir þá fer hún minnkandi morguninn
eftir. Svo getur líka orðið eitthvað óljóst
hver stjórnar ferlinu Bakkus eða maðurinn.
Allavega orti Rósberg Snædal:
Það varðar oft miklu að geðið sé glatt,
að gleðjast er þrá alls er lifir.
En áfengisdrykkja, það segi ég satt,
er síst til að gleðja sig yfir.
Ekki hafa borist miklar sögur hingað
til lands af áfengisdrykkju þeirra feðga og
stjórnarherra í Norður Kóreu en vafalítið
dreypa þeir þó á innlendu afbragðsvíni við
hátíðleg tækifæri. Böðvar Guðmundsson orti
eitt sinn afmælisskeyti til hins ástsæla leiðtoga
(„Our Beloved Leader“) Norður-Kóreu, Kim
il Sung:
Kim er okkur kær il Sung,
Kóre- stýrir Norður- -u.
Aug- hann dregur -a í pung,
Amri- fór í stríð við -ku.
Og önnur afmælisvísa eftir Einar Svein
Frímann kennara á Norðfirði
Óska ég þess ljóst og leynt
að lán þitt aldrei þverri,
þó ekki sértu engill beint
eru ýmsir djöflar verri.
Á mínum sokkabandsárum voru
minningabækur algengar í skólum. ,,Mundu
mig ég man þig“ og þar fram eftir götunum.
Oft kom þar fyrir vísa sem ég hef síðan
komist að að er eignuð jóni Ásgeirssyni á
Þingeyrum:
Gleymdu aldrei gömlum vin,
þótt gefist aðrir nýir
þeir eru eins og skúraskin
skammvinnir og hlýir.
Allt er nú lífið okkur eitthvert sambland
af skúrum og skini. Kannske ágætt að svo sé
því ef ekkert væri verra væri heldur ekkert
betra. Sigurður frá Brún var lengi kunnur
ferðagarpur en lét að mestu af ferðalögum
á efri árum en skrifaði þá stundum pistla
um bæði þau og annað. Kannske hefur
honum fundist þessir pistlar sínir óþarflega
fagurlitaðir þegar hann orti:
Fyrirgefið mér fjöll mín góð
fjöllin köldu og gráu
hve mín öræfaleiða ljóð
lita ykkur með bláu.
Þeirra vegna sem búa í bæ
breiðum sveitum og sléttum
vef ég fjarlægðar bláa blæ
brekkur allar með klettum.
Fjalli koma þeir aldrei að.
Aðeins þeir bláu trúa
miða allt við sitt heimahlað
horfa augum sem ljúga.
Stöðugt eykst tæknin og vandséð hvort
gamlir menn ná að fylgjast með henni að
gagni. Ekkert víst að menn kunni að yrkja
nema handvirkt til dæmis. En auðvitað getur
tæknin verið tímasparandi eins og Loftur
Loftsson kvað:
Tæknin þróast meir og meir
- mikið sparar tímann -
að láta tölvu taka leir
og troða gegnum símann.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Þó ekki sértu engill beint - eru ýmsir djöflar verri
Sumarlesari vikunnar
Áfram heldur sumarlestur á Bóka-
safni Akraness. Að þessu sinni er
sumarlesari vikunnar Rúnar Berg.
Hvað heitir þú og hvað ertu
gamall?
Ég heit Rúnar Berg Vattar Hjart-
arson og ég er 6 ára.
Í hvaða skóla ertu?
Brekkó!
Hvaða bók varstu að lesa og
hvernig var hún?
Binna B. Bjarna og hún var bara
mjög skemmtileg út af því að hún
var með stórum stöfum sem mér
fannst notalegt að lesa.
Hvar er best að vera þegar þú ert
að lesa?
Inni í stofu því að þar eru bestu
sætin.
Hvernig bækur finnast þér
skemmtilegastar?
Prakkarabækur! Mér finnst líka
svona bækur með stórum stöfum
betri en hinar.
Áttu þér uppáhalds bók eða uppá-
halds rithöfund?
já! Handbók fyrir ofurhetjur.
Er þetta í fyrsta sinn sem þú tek-
ur þátt í sumarlestrinum?
já af því ég er í 1. bekk.
Hvað ætlar þú að gera í sumar?
Ég ætla kannski að fara til útlanda
með ömmu og afa.
Ef þú gætir fengið hvaða of-
urkrafta sem er hvaða krafta
myndir þú velja?
Ég myndi vilja vera ofursterkur
og geta stjórnað eldi!
Hvað myndir þú nota kraftana
í?
Ég myndi nota þá til að grilla syk-
urpúða því það er það eina sem ég
borða í útilegum!
S
K
E
S
S
U
H
O
R
N
2
01
9
Auglýsing á
deiliskipulagstillögu í
Narfastaðalandi

Sveitarstjórn Hvalfjarðarsveitar samþykkti á fundi sínum þann 28. maí 2019
að auglýsa deiliskipulagstillögu fyrir Narfastaðaland 4. no.2A í Hvalfjarðarsveit
sbr. 1.mgr. 41.gr. skipulagslaga nr. 123/2010.

Um er að ræða nýtt deiliskipulag fyrir garðyrkjubýli, þ.e íbúðarhús, geymslu og
gróðurhús. Stærð landsins er 28.3 ha en deiliskipulagið nær yfir hluta þess,
þ.e. 6.036 m².

Deiliskipulagstillagan liggur fammi á skrifstofu Hvalfjarðarsveitar og einnig á heimasíðu
sveitarfélagsins www.hvalfjardarsveit.is.

Kynningarfundur verður á skrifstofu Hvalfjarðarsveitar
föstudaginn 12.júlí á milli 10:00 – 12:00

Athugasemdum skal skilað til skrifstofu Hvalfjarðarsveitar, að Innrimel 3, 301 Akranesi,
eða netfangið skipulag@hvalfjardarsveit.is merkt ”Narfastaðaland”. fyrir 26. ágúst 2019.

Skipulags- og umhverfisfulltrúi Hvalfjarðarsveitar
Bogi Kristinsson Magnusen