Skessuhorn - 24.07.2019, Síða 13

MIÐVIKUDAGUR 24. júLí 2019 13
Knattspyrnufélag íA fékk góða
gesti síðastliðinn fimmtudag, þeg-
ar hópur ungra og efnilegra knatt-
spyrnupilta frá þorpinu Got Agulu
í Kenía kom í heimsókn. Kenísku
strákarnir eru á aldrinum 11 til 14
ára og komu 14 saman til landsins,
auk fararstjóra, en liðið tekur þátt í
ReyCup mótinu sem hefst í dag og
stendur yfir fram á sunnudag.
Strákarnir æfðu með 4. flok-
ki karla hjá íA og fóru með þeim
í Guðlaugu og jaðarsbakkalaug
og nutu dagsins á Akranesi. Eft-
ir það tók við dagskrá á vegum
Rauða krossins á Akranesi áður en
strákarnir skelltu sér á leik Kára
gegn Þrótti V. í Akraneshöllinni.
Piltarnir búa við þröngan kost
í heimalandi sínu og komu aðeins
með tvær ferðatöskur til landsins.
Sett var af stað söfnun fyrir félagið
og brugðust Skagamenn heldur
betur vel við kallinu. Munu pilt-
arnir halda heim á leið með hvor-
ki fleiri né færri en 28 ferðatöskur,
fullar af íþróttafötum, fótboltaskóm
og fatnaði.
Forsaga heimsóknarinnar er sú
að undanfarinn áratug hafa hjónin
Paul Ramses Odour og Rosmary
Atieno, sem búsett eru hér á landi,
haldið úti verkefni sem miðar að því
að koma á fót leik- og grunnskóla
í keníska þorpinu. Tókst þeim að
safna peningum til að hefja starf-
semi leikskóla þar ytra árið 2012 og
grunnskólinn tók til starfa í ágúst
2015. Næst á dagskrá er að koma á
fót framhaldsskóla.
Ekkert skipulagt íþróttastarf er í
Got Agulu en áhugi fyrir knattspyr-
nu er mikill. Undanfarið hefur því
verið unnið að stofnun íþróttafélags
í þorpinu. Nokkur íslensk íþrótta-
félög hafa stutt við verkefnið un-
danfarin ár með því að senda bún-
inga og annan útbúnað. Reglulegar
knattspyrnuæfingar hófust fljótlega
og fyrir tveimur árum kom upp sú
hugmynd að sækja um þátttöku-
rétt í ReyCup í Reykjavík, en því
var frestað um ár. En að þessu sin-
ni verður draumur piltanna um að
keppa í móti á íslandi að veruleika á
ReyCup sem stendur sem fyrr segir
frá deginum í dag til sunnudags.
kgk
Sumarlesari vikunnar
Áfram heldur sumarlesturinn á
Bókasafni Akraness. Að þessu
sinni er Daníel gestur okkar.
Hvað heitir þú og hvað ertu
gamall?
Ég heiti Daníel Guðjónsson og
verð 10 ára í ágúst.
Í hvaða skóla ertu?
Grundaskóla.
Hvaða bók varstu að lesa og
hvernig var hún?
Ég var að lesa Andrés blöð og
mér fannst þau skemmtileg og
spennandi, sérstaklega af því það
eru margar sögur.
Hvar er best að vera þegar þú
ert að lesa?
Bara lokaður uppi í herberginu
mínu.
Hvernig bækur finnast þér
skemmtilegastar?
Spennandi bækur, sérstaklega þar
sem sögunum er skipt í nokkr-
ar stuttar bækur ekki eina langa
(framhaldsbækur).
Áttu þér uppáhalds bók eða
uppáhalds rithöfund?
Neii gæti ekki sagt það… jú!
Ævar Þór.
Er þetta í fyrsta sinn sem þú
tekur þátt í sumarlestrinum?
Nei þetta er í annað eða þriðja
skiptið.
Hvað ætlar þú að gera í sumar?
Lesa, lesa og lesa.
Ef þú mættir velja ofurkrafta til
að hafa í einn dag hvað myndir
þú velja?
Ofurhraða.
Hvað myndir þú gera við þá
krafta?
Nota þá til að geta lesið bækur
hraðar og fleiri á einum degi.
Brot af þeim fatnaði og
íþróttabúnaði sem piltarnir
taka með sér heim til Kenía.
Ljósm. ÍA.
Kenískir knattspyrnudrengir sóttu Akranes heim
Strákarnir stilltu sér að sjálfsögðu upp í liðsmynd á Akranesvelli.
Hópurinn á Langasandi.
Strákarnir njóta sín í Guðlaugu. Ljósm. ÍA.
Nes fasteignasala ehf. hefur opn-
að skrifstofu að Borgarbraut 57 í
Borgarnesi. Það er Þórarinn Hall-
dór Óðinsson, löggiltur fasteigna-
sali, sem stendur fyrir rekstrin-
um en jafnframt mun faðir hans,
Óðinn Sigþórsson frá Einarsnesi,
hafa starfsaðstöðu á skrifstofunni.
„Við opnuðum formlega síðasta
föstudag. Hann pabbi er svo hjá-
trúarfullur að það kom ekki í mál
að opna skrifstofuna á mánudegi
því þá yrði þetta allt saman bara
til mæðu,“ segir Þórarinn, fast-
eignasali og viðskiptalögfræðing-
ur, í samtali við blaðamann Skessu-
horns sem kíkti til þeirra feðga á
nýju skrifstofunni í gær. Þórarinn
er löggiltur fasteignasali og hef-
ur undanfarin tvö ár verið að sækja
sér fasteignasöluréttindi ásamt því
að stunda nám í viðskiptalögfræði
við Háskólann á Bifröst, en hann
útskrifaðist með B.S. gráðu í við-
skiptalögfræði síðasta vetur og er
kominn vel af stað í mastersnám-
inu. „Ég starfaði hjá Fasteignamið-
stöðinni samhliða náminu á síðasta
ári og öðlaðist góða reynslu þar.
En með því að opna fasteignasölu
hérna í Borgarnesi þá viljum við
auka þjónustustigið við íbúa í Borg-
arbyggð og landshlutanum öllum
en við horfum til Vesturlands eins
og það leggur sig og viljum þjón-
usta alla Vestlendinga. Við stefnum
að því að hafa skrifstofuna opna á
hefðbundnum vinnutíma, það er
frá níu til fimm á daginn, virka daga
vikunnar. Með þessu fyrirkomulagi
getum við tekið á móti fólki og veitt
góða þjónustu.“
Þórarinn mun sinna fasteignasöl-
unni en faðir hans mun starfa sem
ráðgjafi en hann hefur mikla reynslu
af ráðgjöf vegna landsréttinda,
veiðimála og þjóðlendumála svo fátt
eitt sé nefnt en saman eru þeir sterkt
teymi, að sögn Þórarins. „Við erum
byrjaðir að taka eignir að okkur.
En eins og gerist í svona rekstri þá
tekur allt sinn tíma og þetta þarf að
hafa sinn gang. Við erum núna fyrst
og fremst að láta fólk vita af okkur
hérna á svæðinu. Við munum leggja
mikla áherslu á fagleg vinnubrögð.
Það er nauðsynlegt að það sé gott
traust á milli viðskiptavina og fast-
eignasala, enda er oft mikið í húfi
hjá fólki sem er að selja fasteign-
ir sínar og ber okkur sem störfum
við fasteignasölu skylda til að gæta
fyllstu ábyrgðar í störfum okkar,“
segir Þórarinn að endingu.
Hægt er að hafa samband við Nes
fasteignasölu í síma 497-0040 eða á
netfangið thorarinn@fastnes.is.
glh
Feðgarnir Þórarinn Halldór og Óðinn á nýju skrifstofu sinni í Borgarnesi.
Nes fasteignasala hefur verið
opnuð í Borgarnesi