Skessuhorn - 21.08.2019, Blaðsíða 6

MIÐVIKUDAGUR 21. áGúSt 20196
Leiðrétta vatns-
gjald frá 2016
RVK: Veitur hafa leiðrétt
vatnsgjöld ársins 2016 í kjölfar
úrskurðar sem féll í vor. Leið-
réttingin nær til vatnsveitn-
anna í Reykjavík, á Akranesi, í
Grundarfirði og Stykkishólmi.
Í flestum tilvikum gengur leið-
réttingin til lækkunar á vatns-
gjöldum með gjalddaga nú í
september. Í vor komst sam-
göngu- og sveitarstjórnar-
ráðuneytið að þeirri niður-
stöðu að vatnsgjald á tiltekna
íbúð í Reykjavík vegna ársins
2016, sem kært var til ráðu-
neytisins, hafi verið of hátt.
„Þótt Veitum þyki úrskurður-
inn óljós um sumt var ákveð-
ið að una niðurstöðunni og
voru vatnsgjöldin því endur-
reiknuð með tilliti til hennar.
Það leiddi til þess að gjaldið
hefur verið leiðrétt hjá öllum
viðskiptavinum áðurnefndra
vatnsveitna,“ segir í tilkynn-
ingu. Leiðréttingin nú nemur
440 milljónum króna í heild-
ina og vaxtagreiðslur 61 millj-
ón króna.
Heitir nú
Brim hf.
RVK: á hluthafafundi í
HB Granda hf. síðastliðinn
fimmtudag var borin upp til-
laga um að breyta nafni félags-
ins í Brim. Var tillagan sam-
þykkt með 91% atkvæða. Þar
með falla úr almennri mál-
notkun nöfn beggja fyrirtækj-
anna sem mynda þetta stærsta
sjávarútvegsfyrirtæki landsins,
það er Grandi í Reykjavík og
Haraldur Böðvarsson & Co á
Akranesi.
-mm
Hyggjast kort-
leggja matarsóun
LANDIÐ: Umhverfisstofnun
hefur afráðið að hrinda af stað ít-
arlegri rannsókn á umfangi mat-
arsóunar á Íslandi. Í þessari viku
verður byrjað að hringja út til
ríflega eitt þúsund heimila sem
lenda í slembiúrtaki og heimil-
isfólk beðið að taka þátt í rann-
sókninni. Þátttakendur verða
beðnir að vigta mat og matar-
úrgang sem fer til spillis á heim-
ilinu í eina viku og skrá inn í
gagnagátt sem vistuð er á heima-
síðu Umhverfisstofnunar. Síðar
verður hringt í fyrirtæki, einn-
ig samkvæmt slembivali. Gallup
sér um úthringingarnar. -mm
Ekið á
barn á hjóli
BORGARNES: Umferðaró-
happ varð í Borgarnesi um miðj-
an dag á þriðjudaginn í síðustu
viku þegar ekið var á barn á hjóli.
Bæði barni og ökumanni bif-
reiðarinnar var töluvert brugð-
ið en barnið meiddist ekki við
óhappið. -kgk

Ekið of hratt og
án réttinda
VESTURLAND: töluvert var
um hraðakstur í umdæmi Lög-
reglunnar á Vesturlandi í vikunni
sem leið, en hraðakstur hefur
verið nokkuð áberandi í vor og
sumar. Nokkuð var um að ekið
væri án ökuréttinda í vikunni og
dæmi um að réttindi væru út-
runnin. Lögregla vill minna á að
fólk þarf að fylgjast með því að
endurnýja ökuskírteini sín tím-
anlega.
-kgk
Búfé í
umferðinni
VESTURLAND: Ekið var á
lömb á þriðjudaginn í síðustu
viku nálægt Fellsenda í Dölum,
en lögregla segir að nokkur slík
mál hafi komið upp í vikunni.
tíu hross sáust á hlaupum þvert
yfir Vesturlandsveg í Borgar-
firðinum á miðvikudaginn í síð-
ustu viku. Að sögn lögreglu var
haft samband við hrossaeftir-
litsmann, en eigandi hrossanna
mætti síðan á staðinn og gekk í
málið. -kgk
Sitthvað úr
liðinni viku
VESTURLAND: Dansk-
ir dagar voru haldnir hátíðleg-
ir í Stykkishólmi um liðna helgi.
Að sögn lögreglu fóru þeir vel
fram, gestir hátíðarinnar til fyr-
irmyndar og engar uppákomur
sem komu inn á borð lögreglu.
tilkynnt var um trampólin að
fjúka við Brekkubraut á Akra-
nesi síðastliðinn laugardag. Far-
ið var á staðinn og trampólínið
fest niður og settar hellur ofan á
það til að fergja það. Nú á mánu-
dagsmorgun var lögregla síðan
við leit að bifreið sem tekin var
ófrjálsri hendi á Akranesi. Málið
er til rannsóknar. -kgk
Gæsaveiði var heimil frá og með
gærdeginum, 20. ágúst en tímabilið
stendur til 15. mars næstkomand.
Gildir það bæði um veiðar á grágæs
og heiðargæs. Margir skotveiði-
menn hafa beðið gæsaveiðitímabils-
ins með eftirvæntingu og dæmi um
að menn hafi haldið til veiða þegar
klukkan sló miðnætti og verið við
veiðar aðfararnótt gærdagsins.
Að jafnaði stunda milli þrjú- og
fjögurþúsund manns gæsaveiðar á
haustin, að því er fram kemur á vef
RúV. Þar er haft eftir áka ármanni
Jónssyni, formanni Skotveiði-
félags Íslands, að allt að 40-45 þús-
und grágæsir séu veiddar á hverju
hausti, en á bilinu 10 til 15 þúsund
heiðargæsir.
kgk
Tómas Ingi, Hermann og
Styrmir Þór eru slungnar
gæsaskyttur. Hér eru þeir
með prýðilega veiði á síðasta
tímabili. Myndin er úr safni
Skessuhorns.
Gæsaveiðitímabilið er hafið
Síðdegis í gær var Slökkvilið Akra-
ness og Hvalfjarðarsveitar kall-
að út vegna elds í fjölbýlishúsi við
Kirkjubraut 12 á Akranesi. Eldur
hafði kviknað út frá gaskút við grill
á lokuðum svölum á þriðju hæð í
byggingunni. Sökum þess að sval-
irnar eru yfirbyggðar barst reykur
inn í íbúðina svo reykræsta þurfti
hana. Slökkvistarf gekk greiðlega
fyrir sig. Að sögn slökkviliðsmanns
á vettvangi er talið að skemmdir af
völdum reyks hafi verið minnihátt-
ar.
kgk
Eldur í fjölbýlishúsi