Hugur og hönd - 01.06.1967, Blaðsíða 6

algengust, I, II og IV band, en hitt var
líka til, að þau væru fleiri, III ogVband.
Band IV er nokkuð frábrugðið öðr-
um, sem hér eru sýnd, að því leyti, að
dökku og ljósu litirnir eru ekki hækkað-
ir og lækkaðir til skiptis með einskeftu-
skilunum, heldur skiptast á. í fótskili
eru ljósu þræðirnir hækkaðir í miðju,
en dökku til hliðar, með höföldum alveg
gagnstætt. Á þessu byggist það, að hægt
er að láta tíglana myndast á víxl. í
rauninni er þetta þrefalt munstrið í
handi I. Þó að þau séu teiknuð hér og
ofin þannig, að það sem er dökkt í I er
Ijóst í IV og öfugt, má auðveldlega með
sömu munsturhöföldum vefa, hvort
bandið sem er þannig, að litir skipta
um sæti, þ. e. a. s. fá tíglana ljósa eða
dökka, 1. mynd IV og IVa.
Til eru gömul bönd, sem eru munstr-
uð beggja megin. Munstrið er hið sama
báðum megin, en litir gagnstæðir. Þegar
þessi bönd hafa verið ofin, hefur þurft
bæði að hækka og lækka vissa, sam-
stæða uppistöðuþræði fyrir sama fyrir-
drag. Hvernig þetta var gert, er ekki
vitað, en beinast liggur þó við að álíta,
að lækkunin hafi verið talin út við
bandið, en hækkunin gerð með munstur-
höföldum eins og þegar sama munstur
er ofið með réttu og röngu.
ÖIl fótofin bönd munu áður hafa
verið notuð á svipaðan hátt, sem axla-
bönd, svuntubönd, sokkabönd, o. fl.,
augnofin bönd þó sennilega fremur,
þegar meira var við haft. Nú mun allur
fótvefnaður löngu lagður niður hér-
lendis og að mestu gleymdur, og er
sannarlega skaði að. Aðalorsökin er
sennilega sú, að hætt var að nota þess;
gömlu bönd sem slík, er annað innflutt
kom í staðinn. Vissulega væri ánægju-
legt, ef hægt reyndist að endurvekja
þessa ágætu vinnuaðferð og hefja á ný
til aukinnar virðingar innan íslenzks
heimilisiðnaðar. Reyndar er engin á-
stæða til að ætla annað, en það sé hægt.
Auk þess að vera skemmtilega einföld
og auðlærð, er hægt að búa til með
henni ótrúlega fjölbreytileg bönd. Á
notagildið þarf varla að minnast, bönd
má nota á óteljandi vegu.
Hér kemur svo dálítill listi yfir nöfn
á fótofnum böndum tekinn úr vefnaðar-
bók Halldóru Bj arnadóttur: Stóru
krossabönd, litlu krossabönd, rósabönd,
ásabönd, tennt bönd, augnofin bönd
og tíglabönd.
Að lokum má geta þess til gamans, að
til þess að vefa augnofin bönd í vef-
stól þyrfti 6 til 8 hafaldasköft og
skammel. S. H.
6 HUGUR OG HÖND