Hugur og hönd - 01.06.1967, Blaðsíða 8

KJÓLAR MEÐ BÖNDUM.
Kjólaefni.
Vend: Einskefta
Uppistaða: Hvítt tvinnað loðband
Ivaf: Hvítt eingirni
Skeið: 45/10, 1 þr. hafaldi 1 þr. tönn
Breidd í skeið: 90 cm
Þráðafjöldi: 405
Veftur: 7 fyrirdrög á cm
Böndin eru fótofin.
Efnið í minnsta kjólnum er ofið í sömu uppistöðu og
svuntur í Hugur og hönd 1966.
ívaf: Hvítt eingirni, mynsturbekkur þrír grænir
jurtalitir.
3URTAL1TUN
vegna legu lands okkar, með hreinu og tæru lofts-
lagi norðursins, og áhrifamiklum geislum hins
langa sólargangs sumarsins, nýtur gróðurinn sín
vel í fjalldölum og sólbrekkum, þannig að blóm-
skrúðið allt og gróður verður dýpra og sterkara
í litum sínum, en í suðlægari löndum. Til dæmis sést
ekki fagurgrænna gras en það, sem hér vex.
Þessvegna gefur íslenzki gróðurinn sérlega sterk-
an og blæfagran lit til jurtalitunar.
Hið frábæra efni, úrvalstogið, úr okkar ágætu
íslenzku ull tekur sérlega vel þessum litum, sem
verða djúpir og skærir í því. En vel þarf að vanda
til alls frá fyrstu gerð t. d. með þvotti á ull og bandi,
bæði hvað þvottaefni snertir og allan framgangs-
máta í þvotti. Þá getur þessi íslenzki togþráður,
sem er listiðnaður út af fyrir sig, orðið gljáfagur
eins og heilsilki, sterkur og traustur, og því hið
dýrmætasta efni í allan vandaðan listvefnað.
Ég vil leitast við að gefa nokkur ráð viðvíkjandi
jurtalitun.
Plöntusöfnun. Plöntunum þarf að safna í vor-
gróandanum, og framan af sumri í þurru veðri.
Þurrka þær í grisju-pokum, helzt í hjöllum eða þar
sem loftræsting er ör, en ekki í sterkri sól. Þá þorna
plönturnar og skrælna án þess að fölna eða tapa
lit sínum.
Alún-suða á bandi. Fyrir flesta liti, alla gula og rauða,
verður að sjóða bandið eina klukkustund í álúni fyrir
litun, til þess að festa litinn í bandið. Álún er ekki notað
með Indigo lit, litunarmosa, né sumum gráum litablönd-
um.
Visst magn af álúni, 40 g á móti 100 g hespu af þræði
eða bandi er leyst upp í sjóðandi vatni, blandað upp í ca.
3 lítra af 30° heitu vatni, bleytt bandhespan er svo látin
ofan í og hituð hægt upp í suðu, síðan soðin í klukkustund
og hreyft í svo álúnið jafnist um hespuna. Hespan er
látin kólna í álúnsvatninu og liggja í því til næsta dags,
þá er hún skoluð og tilbúin til litunar.
Þurrkuðu jurtirnar, sem lita skal úr, eru vigtaðar í því
magni og hlutföllum, sem óskað er, til þess að fá rétt lita-
stig (Valör), látnar í bleyti til næsta dags og þá soðnar í
1-2 tíma í bleytingarvatninu. Jurtirnar eru síðan síaðar
frá og bleytingarvatninu blandað í vatnið, sem lita skal úr.
Álúnsoðna bandið látið út í og soðið í eina klukkustund.
Litunarílát. Indigo blátt skal lita í emaleruðum pottum
eða fötum, með gömlu aðferðinni voru notuð tréker.
Litunarmosa er bezt að lita í járnpotti, til annarra lita og
álúnsuðu má nota aluminium potta.
8 HUGUR OG HÖND