Gríma - 15.09.1931, Qupperneq 12

10 FRÁ SÉRA STEFÁNI PRÓFASTI í LAUFÁSI
leyti, árið 1717, giftist Jórunn biskupsdóttir Hann-
esi Lárussyni Scheving, sýslumanni Eyfirðinga. Tók
hann þá Stefán fyrir skrifara sinn. Hannes sýslu-
maður var mikilmenni og mjög vel látinn, en lifði
skamma stund; hann dó á Munkaþverá 1. maí 1726.
Síðan bjó Jórunn á Múnkaþverá í tvö ár og fáein ár
eftir það á Espihóli, en allt af var Stefán fyrirvinna
hjá henni. Þá segja munnmælin, að Jórunn hafi orð-
ið þunguð af hans völdum. Skrifaði hún þá föður
sínum og tjáði honum allt satt og rétt um hagi sína
og bað hann jafnframt að stuðla að því, að hún
mætti giftast Stefáni. Það drógst fyrir biskupi að
svara bréfinu; segja menn að honum hafi ekki líkað
ráðahagurinn fyrir mannvirðingar sakir og þegar
meinbugir voru á fallnir. Jórunni leiddist þá eftir
svari föður síns, lét söðla hest sinn og reið vestur
að Hólum til fundar við hann; var þá liðið langt á
meðgöngutíma hennar. Þegar Jórunn fann föður
sinn, samdist svo með þeim, að hann samþykkti
ráðahaginn; árið eftir útvegaði hann þeim Stefáni
uppreisn og giftust þau síðan. Var Stefán vígður til
Múnkaþverár árið 1730. — Mælt er að Hannes
sýslumaður hafi sagt það fyrir, að Stefán, skrifari
sinn, mundi eiga Jórunni að sér látnum.
Árið 1738 fékk séra Stefán Laufás, og var þar til
dauðadags, 1754. Sex árin síðustu var hann prófast-
ur í Þingeyjarsýslu. Það var einhverntíma á pró-
fastsárum hans þar, að hann messaði sunnudag einn
um vetur og varð dvöl nokkur, áður en tekið var til
messugerðar, en prófastur var inni í kór að ræða
þar við ýmsa málsmetandi menn. Þá á hann að hafa
mælt fram vísu þessa, er hann minntist fyrri æfi
sinnar: