Bændablaðið - 06.10.2016, Qupperneq 38

38 Bændablaðið | Fimmtudagur 6. október 2016
Sláturtíð á KEX Hosteli:
Krásir úr lambakjöti og innmat
Um síðustu helgi efndi KEX Hostel
til götumatarhátíðar undir yfir-
skriftinni Sláturtíð á KEX, þar
sem krásir voru eldaðar úr lamba-
kjöti og innmat.
Fjöldi manns sótti hátíðina sem
stóð yfir bæði á laugar- og sunnudegi.
Kunnuglegt og framandi
Bæði kunnuglegir réttir og fram-
andi voru í boði á laugardeginum,
gjarnan í búningi sem Íslendingar
eiga ekki að venjast. Þar mátti finna
steikta rúllupylsu á súrdeigsbrauði,
lambakebab í vefju með sýrðu hvít-
káli, sterkri sriracha-sósu og jógúrti,
bris'n'chips, bris með frönskum í
kramarhúsi, frelsisborgara KEX með
lambakjöti, nýru og hjörtu í enskri
„Cornish pasty“-böku og slátur í
pylsubrauði með rófu.
Sláturgerð Hússtjórnarskólans
Á sunnudag var svo sýnikennsla í
sláturgerð sem Margrét Sigfúsdóttir,
skólameistari Hússtjórnarskólans,
stýrði af fagmennsku. Hún fór yfir
það hvernig maður hreinsar vambir,
brytjar mör, saumar keppi og hrærir
í blóðmör og lifrarpylsu. /smh
Lambakebab í vefju með sýrðu hvítkáli, sterkri sriracha-sósu og jógúrti.
Margrét Sigfúsdóttir, skólameistari Hússtjórnarskólans, stýrði af fagmennsku sýnikennslu í sláturgerð.Fjölmenni var á viðburðinum um helgina.
Steikt rúllupylsa á súrdeigsbrauði.