Fréttablaðið - 23.05.2020, Síða 82

Stuðningsmenn Newcastle bíða spenntir eftir frekari fréttum af kaupum krón-prinsins af Sádi-Arabíu, Mohammeds bin Salman bin Abdulaziz al-Saud, á
félaginu, þegar lítið annað er í frétt-
um af enska boltanum. Hinn 34 ára
gamli bin Salman hefur haft auga-
stað á því að kaupa félag í ensku
úrvalsdeildinni í dágóðan tíma og
hefur verið orðaður við bæði New-
castle og Manchester United. Hann
mun eflaust gjörbreyta landslaginu
á stuttum tíma hjá Skjórunum eftir
mögur ár undanfarinn áratug,
þegar yfirtakan gengur í gegn.
Krónprinsinn er ekki á flæðiskeri
staddur þegar kemur að peningum,
enda einn af ríkustu mönnum
heims og gæti því styrkt félagið
verulega án þess að finna fyrir því,
svo lengi sem félagið heldur sig
innan regluverks UEFA um fjárhags-
lega háttvísi. Alls eru 44 dagar liðnir
síðan enska úrvalsdeildin fékk gögn
send frá núverandi eigendum félags-
ins og fjárfestingahópi bin Salmans
og er aðeins tímaspursmál hvenær
kaupin verða staðfest.
Í dag eru þrettán ár síðan auð-
kýfingurinn Mike Ashley eignaðist
í fyrsta sinn hlut í Newcastle, þegar
hann keypti 41,6 prósenta hlut Sir
Johns Hall. Samkvæmt reglum þurfti
Ashley að bjóða öðrum hluthöfum
félagsins að kaupa þeirra hlut á sama
verði og samþykkti Freddy Shep-
herd, formaður félagsins að selja
sinn hlut mánuði síðar. Með því var
Ashley búinn að eignast 77 prósenta
hlut í félaginu og í júlí varð hann eini
eigandi félagsins.
Fyrsta ár Newcastle með Ashley í
brúnni gekk nokkuð áfallalaust fyrir
sig. Ashley var duglegur að mæta
á leiki með stuðningsmönnum og
náðust myndir af honum að skola
niður bjór á leikjum með stuðnings-
mönnum félagsins. Þá þótti afar vin-
sælt þegar Ashley fékk Kevin Keegan
til að taka við liðinu á ný í ársbyrjun
2008, eftir að hafa rekið Sam Allar-
dyce.
Adam var ekki lengi í Paradís, því
um haustið 2008 fóru  að heyrast
raddir um ósætti á milli Keegans
og Ashleys. Keegan var ósáttur við
afskipti Ashleys og Dennis Wise
sem yfirmanns knattspyrnumála
og sagði upp. Stuðningsmenn New-
castle voru afar ósáttir og kölluðu
eftir því að Ashley myndi yfirgefa
félagið frekar en Keegan, sem hafði
gert frábæra hluti með félagið í fyrri
stjóratíð sinni.
Það reyndist aðeins setja tóninn
fyrir tímabilið, þegar fimm stjórar
stýrðu Newcastle á einhverjum
tímapunkti og Newcastle féll úr
efstu deild í fyrsta sinn í tuttugu ár.
Newcastle fór rakleiðis aftur upp
í efstu deild og náði fimmta sæti í
ensku úrvalsdeildinni undir stjórn
Alans Pardew um vorið 2012. Þar
hafði Newcastle betur en félög á
borð við Chelsea og Liverpool og
var Pardew verðlaunaður með átta
ára samningi um haustið, sem ætti
að vera að renna sitt skeið á næstu
mánuðum. Það reyndist undan-
tekning því næstu ár var Newcastle
að berjast fyrir lífi sínu þar til félag-
ið féll á ný árið 2016.
Aftur komst Newcastle upp í
fyrstu tilraun og tókst Rafa Benitez
að festa liðið í sessi í ensku deildinni
á ný, áður en hann hætti síðasta
sumar, mörgum stuðningsmönnum
Newcastle til mikils ama. Við tók
Steve Bruce, sem hefur gert góða
hluti þrátt fyrir orðróm um kaup
á félaginu, sem gæti þýtt endalok
hans hjá því. Það er ekkert nýtt að
þjálfarar Newcastle hafi þurft, líkt
og Bruce undanfarna mánuði, að
vinna við þær kringumstæður að
auðkýfingar séu að kaupa félagið
og gætu skipt þeim út. Ákvörðun
Ashleys, að reka Keegan, vakti
slíka reiði að stuðningsmenn New-
castle fóru strax að kalla eftir því að
Ashley myndi selja félagið og sendi
Ashley frá sér tilkynningu, rúmu ári
eftir að hafa eignast félagið, að félag-
ið væri til sölu. Ashley hefur dansað
á línunni milli þess að koma fram
og segjast vera að selja klúbbinn,
hitt fjárfesta í von um að losna við
klúbbinn, en þess á milli hefur hann
daðrað við hugmyndina um að eiga
klúbbinn áfram líkt og þegar hann
tilkynnti árið 2009, ári eftir að hafa
sagt félagið til sölu, að hann væri
hættur við að selja.
Árið 2014 sagðist Ashley skyndi-
lega ekki vera tilbúinn til að selja
félagið fyrr en Newcastle myndi
vinna að hið minnsta einn bikar.
Ári síðar var nýr tónn sleginn, síð-
asta haust sagðist Ashley vonast til
að eiga Newcastle að eilífu, mán-
uðum eftir að hafa verið í viðræðum
við annan fjárfestingahóp frá Mið-
Austurlöndum.
Þegar Newcastle var upp á sitt
besta var félagið reglulegur gestur
í Meistaradeild Evrópu, ásamt því
að heyja baráttu við lið Manchester
United, undir stjórn Sir Alex Fergu-
son, um enska meistaratitilinn. Það
vantaði oft aðeins herslumuninn að
Newcastle næði að landa titlinum
og eru komin 65 ár síðan Newcastle
vann síðast stóran titil. Með komu
nýs eiganda með djúpa vasa, gæti
landslagið breyst næstu ár í Norður-
Englandi.
Skjórarnir
geta loksins
hafið sig til
flugs á ný 
Þrettán ára eignarhaldi Mikes Ashley er að
ljúka hjá Newcastle, tólf árum eftir að hann
sagðist vera að selja félagið. Ashley var
fljótur að fá stuðningsmennina upp á móti
sér og átti enga leið inn í hjörtu þeirra á ný.
Ashley var duglegur að sækja útileiki og kíkja á knæpurnar með stuðningsmönnunum stuttu eftir að hann keypti félagið, en með árunum fór þeim heimsóknum fækkandi. FRÉTTABLAÐIÐ/EPA
Þegar Keegan var rekinn fengu stuðningsmennirnir nóg. FRÉTTABLAÐIÐ/EPA
Kristinn Páll Teitsson
kristinnpall@frettabladid.is
MIKE ASHLEY, FRÁFAR-
ANDI EIGANDI NEWCASTLE
ER VERÐMETINN Á 2,3
MILLJARÐA PUNDA, EFTIR
AÐ HAFA STOFNAÐ SPORTS
DIRECT Á SÍNUM TÍMA.
2 3 . M A Í 2 0 2 0 L A U G A R D A G U R30 H E L G I N ∙ F R É T T A B L A Ð I Ð