Fréttablaðið - 30.05.2020, Blaðsíða 20

Lögin sem sveitin tók upp í samkomubanninu eru sannir, íslenskir sumar-smellir, Fram í heiðanna ró og Sólarsamba. „Já, við erum þarna með
hið gamla og góða íslenska söng-
lag Fram í heiðanna ró og svo er
það þessi sumargleðisprengja eftir
Magga Kjartans, Sólarsamba. Bæði
lögin voru hugmynd Guðmundar
Óskars, bassaleikara tríósins, og
segir Sigríður að sér hafi litist vel á
lagavalið enda um klassískt sönglag
að ræða og svo hafi Sólarsamban
verið í sérlegu uppáhaldi hjá henni
sjálfri frá því að hún var lítil stúlka.
Lagið var framlag tónlistar-
mannsins Magnúsar Kjartanssonar
til Söngvakeppni sjónvarpsins árið
1988 og flutti hann það eftirminni-
lega ásamt þá ungri dóttur sinni,
Margréti Gauju, og segist Sigríður
muna vel eftir þeim flutningi. „Mig
dreymdi um að vera þessi stúlka,“
segir hún. „Það gerist ekki sumar-
legra en þetta lag.“
Tríóið skipar, ásamt Sigríði og
Guðmundi, Sigurður Guðmunds-
son söngvari og hljómborðsleikari.
„Þegar það var kunngjört að við
gætum farið út á land í sumar, eins
og við höfum gert undanfarin ár,
urðum við svo glöð og fórum beint
í að taka upp þessi lög til að keyra
upp stemninguna fyrir sumarið.“
Hringferð um landið
Sigríður segist sjá fram á að tríóið
nái öllum hringnum í kringum
landið þetta sumarið, en þau hafi
alltaf verið dugleg að halda tón-
leika á landsbyggðinni yfir sumar-
tímann. Sveitin þurfi þó ekki hljóm-
sveitarrútu, enda sé stærð hennar
sérlega heppileg til slíkra ferðalaga.
„Við erum nú bara þrjú í sveitinni
og með lítið kerfi svo við þurfum
ekki heila rútu. Steinþór Helgi Arn-
steinsson er svo alltaf með, okkur til
aðstoðar, svo við erum oftast fjögur
á ferð og pökkum okkur bara saman
í ágætis bíl.“
Ætlunin er að vera á ferðinni frá
miðjum júlí og segir Sigríður mikla
tilhlökkun að fara af stað og spila
Gott að finna aftur
fyrir áheyrendum
Tríóið Góss undirbýr hringferð um landið og spilar í Garðabænum
í kvöld. Sigríður Thorlacius söngkona sveitarinnar segir mikla
eftirvæntingu vera fyrir því að spila saman eftir langt hlé.
Tríóið GÓSS skipa þau Sigríður Thorlacius, Sigurður Guðmundsson og Guðmundur Óskar. MYND/AÐSEND
fyrir fólk enda orðið fulllangt síðan
sveitin kom saman. „Það er æðis-
legt að vera aftur með tónleika
fyrir fólk. Ég hef sjálf verið að syngja
aðeins undanfarið og maður finnur
að það er allt önnur tilfinning en
hitt, að syngja fyrir framan tölvu-
skjá án þess að sjá áheyrendur, þó
það sé líka fallegt. Ég finn að maður
var farinn að sakna þess að finna
fyrir áheyrendunum, að sjá svip-
brigði fólks og finna fyrir nærveru
þess.“
Óvissan reyndi á
Samkomubannið reyndi auðvitað
ekki síst á listamenn, sem þurftu
f lestir að aflýsa fjölmörgum verk-
efnum og er Sigríður þar engin
undantekning.
„Ég var bara að reyna að halda
í gleðina og stemninguna, ég var
dugleg að fara í göngutúrana og
það var visst fólk sem ég hitti og
Björk
Eiðsdóttir
bjork@frettabladid.is
var í samskiptum við. Annars var
ég bara að hvíla mig, hugsa og lesa
og ná ákveðnum rótum. Á margan
hátt fannst mér þetta tímabil rosa-
lega gott, en á margan hátt líka alveg
sjúklega erfitt.“
Sigríður segir óvissuna hafa tekið
á þegar líða fór á samkomubannið.
„Mér fannst erfiðast að vita bara að
það væri búið að loka og geta ekki
séð hvort það yrði einhvern tíma
aftur eitthvað. Þetta var svo mikil
óvissa fyrir minn bransa þó það séu
örugglega fleiri sem tengja við þessa
tilfinningu. Í upphafi var maður í
Pollýönnu-leiknum, bara að njóta
þess að elda góðan mat og baka
brauð og hafa það notalegt, en svo
þegar þetta var búið að standa yfir
í svolítinn tíma var maður farinn að
ókyrrast og hugsa hvað yrði. Þetta
var líka að mörgu leyti hollt. Vinna
mín er auðvitað ekki alltaf eins,
dag frá degi hafði maður kannski
aðeins betri tæki og tól til að takast
á við þetta en margur annar. Við
erum vön að stundum sé ekki neitt
og svo stundum brjálað að gera.“
Eins og að hitta gamla vini
Eins og fyrr segir ætlar tríóið að
troða upp á hinum nýja veitinga-
stað Sjálandi í Garðabænum í
kvöld, sem hluti af tónleikaröðinni
Söngbók Sjálands, sem stendur yfir
nú um hvítasunnuhelgina.
„Við erum þakklát og spennt enda
höfum við ekkert spilað saman þrjú
frá því samkomubannið var sett á.
Við höfum bara hist í litla stúdíóinu
hans Sigga og tekið upp þessi lög
svo það verður sérlega gaman að
fá að spila fyrir áheyrendur. Ég hef
sjálf komið fram fyrir minni hópa
undanfarið og maður finnur fyrir
miklu þakklæti, fólk er kannski
búið að átta sig á því hversu vænt
því þykir um lifandi tónlist.“
Sjálf er Sigríður spennt fyrir
sumrinu og ferðalögunum fram
undan en hún segir sveitina mikið
hafa spilað á sömu stöðunum á
landsbyggðinni undanfarin ár. „Við
höfum farið svolítið á sömu staðina
undanfarin sumur og sama fólkið
hefur komið aftur og aftur. Á milli
okkar hefur þannig myndast visst
traust og tilfinningin er svolítið
eins og að hitta gamla vini eða fjöl-
skyldu,“ segir hún að lokum.
Afgreiðslutímar á www.kronan.is
Opið alla
helgina! Sjá nánar
á kronan.is
Hvítasunnudagur, OPIÐ 10-19 í völdum verslunum
Annan í hvítasunnu, OPIÐ 10-19
í öllum verslunum*
*Opið 9-16 á Hvolsvelli og 12-16 á Reyðarfirði
3 0 . M A Í 2 0 2 0 L A U G A R D A G U R20 H E L G I N ∙ F R É T T A B L A Ð I Ð
HELGIN