Morgunblaðið - 13.02.2020, Blaðsíða 35

FRÉTTIR 35Erlent
MORGUNBLAÐIÐ FIMMTUDAGUR 13. FEBRÚAR 2020
Dolorin
Hita- og verkjastillandi paracetamól
Á HAGSTÆÐUVERÐI!
Reykjavíkurvegur 62 | Sími 527 0640 | 220 Hafnarfjörður | www.wh.is
Lesiðvandlegaupplýsingarnaráumbúðumogfylgiseðli
fyrir notkun lyfsins.
Leitið til lækniseða lyfjafræðingsséþörfá frekari
upplýsingumumáhættuogaukaverkanir.
Sjá nánari upplýsingar um lyfið á www.serlyfjaskra.is
Nýjar umbúðir
Dolorin500mg
paracetamól töflur -
20stkog30stk
Draghálsi 14 -16 · Sími 4 12 12 00 · www.isleifur.is
Þú finnur
gæðin!
Skoðaðu úrvalið
í netverslun
isleifur.is
Atli Steinn Guðmundsson
atlisteinn@mbl.is
Leyniþjónusta Noregs segir Kínverj-
um hafa tekist að komast yfir norskar
hátækniupplýsingar í fleiri en einu til-
felli síðustu ár. Eins spáir hún því að
Kínverjar verði áður en langt um líður
hernaðarlegt stórveldi á norður-
slóðum og í öðru návígi við strendur
Noregs.
Þetta kom fram í máli Morten
Haga Lunde, yfirmanns leyniþjónust-
unnar, sem kynnti í upphafi vikunnar
efni skýrslunnar FOKUS 2020, þar
sem leyniþjónustan tekur saman
helstu áhersluefni í öryggismálum
ríkisins og norska ríkisútvarpið NRK
segir frá.
Rússland og Kína eru að mati leyni-
þjónustunnar þau ríki sem Noregi
stendur helst ógn af og kynnti Lunde
til sögunnar rússneska flugskeytið
Kinzhal, eða rýtinginn, sem talið er að
geti hæft hernaðarlega mikilvæg
skotmörk í Noregi, einkum flug-
herstöðvar landsins, um 40 mínútum
eftir að orrustuþota búin slíku skeyti
hefur sig til flugs á Kólaskaganum í
Rússlandi.
Meint innbrot í gervitungl
Einnig sagði hann rússneska
Norðurflotann sækja í sig veðrið, en
Rússar gera nú tilraunir með tvo nýja
kafbáta af gerðinni Dolgorukij, fyrstu
nýju framleiðslulínu rússneskra hern-
aðarkafbáta eftir lok kalda stríðsins.
Lunde sagði ítök Kínverja á norð-
urslóðum einkum byggjast á leyni-
þjónustustarfsemi og aðgengi að
gögnum og rifjaði upp atvik þar sem
grunur lék á að Kínverjum hefði tek-
ist að brjóta sér leið inn í gagnabanka
bandaríska gervitunglsins Landsat 7
gegnum tölvukerfi stjórnstöðvarinnar
Svalsat á Svalbarða árin 2007 og 2008,
en Landsat 7 gegndi meðal annars
hlutverki við innrás Bandaríkja-
manna í Írak vorið 2003. Svalsat hélt
því fram að innbrotið hefði ekki
heppnast.
Nefnd á vegum Bandaríkjaþings
fjallaði um atvikið og sagði í loka-
skýrslu sinni til þingsins árið 2011 að
flest tölvuinnbrot væri örðugt að
rekja, en fyrirskipanir kínverska
hersins um að ráðast fyrst gegn
stjórnstöðvum gervitungla, kæmi til
styrjaldar, þættu benda til að inn-
brotið eða innbrotstilraunina mætti
rekja þangað.
Áhættumat PST
Norska geimrannsóknastöðin
Andøya Space Center í Nordland er
talin freista erlendra ríkja sér-
staklega vegna þeirra gagna sem þar
eru vistuð og hefur norska öryggis-
lögreglan PST í nýju áhættumati sínu
fyrir árið 2020 sérstaklega bent þar á
Kínverja, Rússa og Írana sem fingra-
langa rafræna gesti.
Odd Roger Enoksen, yfirmaður
rannsóknastöðvarinnar, hefur stað-
fest að gerðar hafi verið tilraunir til að
brjótast inn í tölvukerfi þar.
Leyniþjónustustjórinn sagði einnig
að þótt fá gervitungla Kínverja væru
eingöngu til hernaðarlegra nota héldu
þeir úti tunglum sem nota mætti til að
vakta svæði norðan heimskautsbaugs
og í fyrra hefðu Kínverjar farið fram
úr Bandaríkjamönnum hvað fjölda
nýrra gervitungla á sporbraut snertir.
Ásælist neðansjávartækni
Sérstaka ástæðu telja PST og
leyniþjónustan til að gjalda varhug
við njósnum á sviði neðansjávartækni
sem nýta mætti í hernaðarlegum til-
gangi, svo sem á vettvangi fjarstýrðra
neðansjávarfarkosta þar sem Nor-
egur er á sumum sviðum leiðandi í
tækniþróun vegna áralangrar notk-
unar og þróunar slíkrar tækni við ol-
íuvinnslu í Norðursjónum.
Rússar og Kínverjar helsta ógnin
 Gagnaþjófnaður og neðansjávartækni áhættuþættir samkvæmt skýrslu norsku leyniþjónustunnar
Ljósmynd/NASA Earth Observatory
Geimskot Eldflaug skotið á loft frá geimrannsóknastöðinni á Andøya. Stöðin er á válista PST vegna netárása.
Nýsmitum kórónuveirunnar í Hu-
bei-héraði í Kína fækkaði í gær, ann-
an daginn í röð, sem kveikir vonir um
að tekið sé að hægja á útbreiðslu
veirunnar. Annars staðar í Kína hef-
ur dregið úr nýsmiti síðustu vikuna.
AFP-fréttastofan greindi frá 97
dauðsföllum þar í landi í gær.
Hámark um miðjan mánuð?
Zhong Nanshan, vísindamaður við
Lýðheilsustofnun Kína, ræddi við
heilbrigðisstarfsfólk í borginni Wuh-
an í Hubei-héraði gegnum fjarfunda-
búnað í gær og greindi frá því að ný-
smitum færi fækkandi. „Hvenær
verðum við komin yfir versta hjall-
ann? Ég veit það ekki, en ég held að
þetta nái hámarki um miðjan febr-
úar eða síðari hluta mánaðarins,“
sagði Zhong vongóður.
Brendan Murphy, landlæknir í
Ástralíu, vildi ekki gefa út spádóma í
samtali við ástralska ríkisútvarpið
ABC í gær. „Ég held að við ættum
bara að fylgjast mjög náið með gögn-
unum næstu vikurnar, áður en við
förum að spá einhverju,“ sagði
Murphy.
Tækifæri til að reiða til höggs
Tedros Adhanom Ghebreyesus,
yfirmaður Alþjóðaheilbrigðismála-
stofnunarinnar WHO, sagði á síðari
degi ráðstefnu stofnunarinnar í Genf
í gær, að nú væri tækifærið til að
reiða til höggs og berjast við veiruna
á öllum vígstöðvum.
Nýsmitum fækkar annan
daginn í röð í Hubei
 Eygja von um að hægi á útbreiðslu kórónuveirunnar
AFP
Rannsóknir Sérfræðingar rann-
saka sýni í Shenyang í Kína.
Flokkur Emm-
anuel Macron
Frakklands-
forseta, La Ré-
publique en
Marche, þykir
eiga í vök að
verjast nú þegar
rúmur mánuður
er í sveitarstjórn-
arkosningar í
Frakklandi. Alls
hafa 14 þingmenn yfirgefið flokk-
inn, þar af þrír í síðustu viku, auk
þess sem skoðanakannanir sýna að
Macron nýtur aðeins stuðnings
tæplega þriðjungs þjóðar sinnar.
Frédérique Tuffnell, ein þeirra
sem sögðu sig úr flokknum í síðustu
viku, sagði umdeildar breytingar á
lífeyriskerfi landsins auk skeyt-
ingarleysis ríkisstjórnarinnar í um-
hverfismálum höfuðástæður þeirr-
ar ákvörðunar sinnar að yfirgefa
flokkinn.
FRAKKLAND
Flokkur Macron
valtur í sessi
Emmanuel
Macron