Morgunblaðið - 05.03.2020, Side 51

MINNINGAR 51
MORGUNBLAÐIÐ FIMMTUDAGUR 5. MARS 2020
Hún lét til sín taka í nær-
samfélaginu og tók virkan þátt
í margvíslegu félagsstarfi um
ævina.
Við munum minnast hennar
fyrir einbeitni, sannfæringu og
ævintýralöngun. Amma sagði
reglulega: „Ég mun reyna hvað
sem er.“
Hún var heiðurskona og
ótrúlegur gestgjafi sem bæði
vinir, vandamenn og annað
samferðafólk fengu oft að
njóta.
Hún veitti þeim aðstoð sem
voru veikir og minna máttu sín.
Hún bjó yfir miklu sjálfs-
trausti eins og víkingakonu
sæmir.
Við dáðumst að ömmu, lærð-
um af henni og kölluðum hana
hetju.
Við getum fundið huggun í
að vita að amma fær sterkt og
hlýlegt faðmlag þeirra sem bíða
hennar hinum megin. Bless,
amma mín, bless.
Ármann Örn.
Elsku langamma, takk fyrir
öll árin okkar saman.
Þú hefur mótað okkur, kennt
okkur og verið til staðar fyrir
okkur þegar við höfum þurft á
því að halda.
Ávallt varstu glöð og tilbúin
að leiðbeina okkur. Þú hefur
verið fyrirmynd fyrir okkur og
sýnt að þrautseigja og þrjóska
kemur manni langt enda var al-
veg sama hvað þú braust mörg
bein, alltaf hélstu áfram og
gekkst á ný. Þú mættir alltaf í
afmælin okkar, varst með okk-
ur á jólunum og varst sjálf dug-
leg að bjóða okkur í miklar
veislur.
Við erum óendanlega þakk-
látir fyrir að hafa átt þig sem
langömmu og vitum við að þú
verður alltaf með okkur í anda.
Þínir langömmusynir,
Sigurður (Siggi)
og Styrmir.
Ættarhöfðingjar safnast til
feðra sinna einn af öðrum og
við sem eftir sitjum hálfsmeyk
við að ná ekki að halda sama
standard og fyrri kynslóð í ætt-
rækni og rausnarskap. Borg-
hildur var einstaklega glæsileg
kona; hávaxin, bjartleit, bros-
mild og skemmtileg. Hún átti
fáa sína líka, margsamsettur
kvenkostur, akureyrsk skvísa,
amerískur töffari, skátahöfð-
ingi, Hringskona, húsfreyja,
ættmóðir, en umfram allt var
Borghildur bráðskemmtilegur
félagsskapur sem gaman var að
umgangast. Hún var spontant,
fyndin, félagslynd og hæfilega
gagnrýnin á sinn jarðbundna
hátt.
Borghildur og Hilmar voru
afar glæsilegt par, bæði með
eindæmum gestrisin og ekki
skemmdi fyrir hve greind,
víðförul og viðræðugóð þau
voru. Þau eru ófá sumarkvöldin
sem við áttum í Hestvík í
Grafningi í félagi við Hilmar,
Borghildi, Geissa og Siggu þar
sem vakað var frameftir, sögur
flugu og kannski laumað inn al-
mennilegum amrískum sjússi
þegar við átti.
Borghildur var ættrækin og
fylgdist vel með mönnum og
málefnum allt til hinsta dags.
Hún dró hvergi af sér í fé-
lagsstarfi og var hverju félagi
akkur að fá hana um borð.
Ég minnist Borghildar með
mikilli eftirsjá en einnig þakk-
læti fyrir góð kynni. Fjölskyld-
unni allri sendi ég innilegar
samúðarkveðjur.
Ragnhildur Zoéga.
✝ Halldóra Grét-arsdóttir fædd-
ist 2. júní 1957.
Hún lést á heimili
sínu í Keflavík 19.
febrúar 2020.
Foreldrar Hall-
dóru voru Svein-
björg Kristinsdótt-
ir, f. 1922, d. 1999,
og Grétar Gísla-
son, f. 1933, d.
1959. Fósturfaðir
Halldóru var Sigurbergur E.
Guðmundsson, f. 1923, d. 1997.
Hálfsystkini Halldóru eru Birg-
ir Sveinsson, f. 1940, d. 2018,
Guðleif Sveinsdóttir, f. 1944,
Sigríður Sveinsdóttir, f. 1944,
Sigurbjörg Sveinsdóttir, f.
1945, og Júlía Vincenti, f. 1949.
Albræður Halldóru eru Grétar
Grétarsson, f. 1956, og Gísli
Grétarsson, f. 1958.
Börn Halldóru eru 1) Auður
Ingibjörg Hafþórs-
dóttir, f. 1973, eig-
inmaður Óli Laur-
sen, f. 1964, börn
þeirra eru Birta
Ósk Laursen Óla-
dóttir, f. 1997, og
Hafþór Örn Laur-
sen Ólason, f. 2003.
2) Sveinbjörg Júlía
Símonardóttir, f.
1976, unnusti Jó-
hann Long Jó-
hannsson, f. 1965. 3) Jón Þór
Elfarsson, f. 1983, eiginkona
Sólveig Óskarsdóttir, f. 1987,
börn þeirra eru Elfar Þór Jóns-
son, f. 2013, og Bergey Júlía
Jónsdóttir, f. 2019. 4) Sigur-
bergur Elisson, f. 1992, unn-
usta Íris Ósk Guðlaugsdóttir f.
1992.
Útför Halldóru fer fram frá
Keflavíkurkirkju í dag, 5. mars
2020, klukkan 13.
Elsku Dóra.
Ég er ennþá hálfdofin og á erf-
itt með að trúa því að ég sé að
skrifa þetta.
Þegar ég kom inn í fjölskyld-
una tókstu á móti mér með kær-
leik og hlýju. Ég sá fljótt hvað
Sigurbergur var mikill mömmu-
strákur sem var ekki skrýtið þar
sem hann var litli dekurprinsinn
á heimilinu. Hann hefur líka sína
bestu eiginleika eftir þér, svo
kærleiksríkur og með opinn per-
sónuleika. Ég lærði fljótt að sama
hversu stutt heimsóknin eða sím-
talið var þá endaðir þú alltaf á því
að segja elska ykkur eða love
you. Þú varst mjög stríðin, hafðir
gaman af því að gera okkur vand-
ræðaleg og þegar þú fórst að
rukka barnabörn þá svitnuðum
við unga parið í lófunum. Þú
fylgdist alltaf með því hvað við
vorum að gera og ef við vorum að
fara eitthvert t.d. á hótel, til út-
landa eða ég í skólann á Akur-
eyri, þá skrifaðirðu það hjá þér
og hringdir áður en við fórum.
Eins þegar ég vann sem flug-
freyja þá vildiru helst fá útprent-
að flugplanið mitt til þess að vita
hvar ég væri og svo fylgdistu oft
með hvenær vélarnar voru að
lenda.
Þrátt fyrir þína heilsubresti þá
reyndirðu alltaf að rífa þig upp
með húmor og jákvæðni m.a. með
daglegum bröndurum sem þú
deildir á Facebook sem margir
eiga eftir að sakna.
Þú settir alltaf fjölskylduna í
fyrsta sæti, varst stolt af öllu sem
hún gerði og varst dugleg að
monta þig af fólkinu þínu á Face-
book.
Þú áttir svo falleg sambönd við
barnabörnin þín og finnst mér
sárt að ófædda stelpan okkar eigi
ekki eftir að upplifa það. Þú varst
svo þolinmóð og nenntir enda-
laust að dúllast með ömmubörn-
unum. Það átti ekki síður við
voffa ömmustrákinn, Bósa fannst
svo kósý í pössun hjá ömmu sinni
og lagðist oft í gólfið þegar við
ætluðum heim. Þú varst svo
ánægð þegar við tilkynntum þér í
haust að við ættum von á barni.
Þú fylgdist spennt með tímum í
mæðravernd og vildir eiga afrit
af sónarmyndum. Það var mikil
gleði á aðfangadag þegar við
héldum að lítill fótboltaprins væri
á leiðinni og varstu fljót að byrja
prjóna teppi. Þú hlóst líka mest
þegar það kom í ljós í 20 vikna
sónar að það væri í raun lítil
stelpa væntanleg. Þá fannstu
nýtt sett sem þú vildir prjóna og
keyptir ljósbleikt garn. Litla
prinsessan okkar sem átti að eiga
tvær ömmu Dórur en fær í stað-
inn þrjá fallega engla, afa Óla, afa
Ella og ömmu Dóru sem eiga eft-
ir að fylgja henni út lífið. Við
munum sjá til þess að hún viti allt
um það hvað amma Dóra var best
og fyndnust.
Ég er svo ánægð að síðustu
áramót hafi þú, Sigurbergur og
Bósi haft það huggulegt saman á
meðan ég var að vinna. Það var
ykkar stund sem var ykkur dýr-
mæt. Ég er þakklát fyrir að hafa
þekkt þig og held vel utan um all-
ar minningarnar.
Elsku Dóra þú snertir alla sem
kynntust þér, áttir fullt af vinum
og vinkonum og allir sem þekktu
þig tala svo fallega um þig. Það er
mikill tómleiki í hjörtum okkar
en við reynum að fylla upp í hann
með kærleik, hlýju og húmor sem
einkenndu þinn karakter. Ég
vona að þér líði vel þar sem þú
ert, helst í sól og hita þar sem þú
unaðir þér best.
Ég elska þig.
Þín vinkona og tengdadóttir,
Íris Ósk Guðlaugsdóttir.
Halldóra
Grétarsdóttir
Vefur þar sem er sameinað efni sem snýr að andlátum og útförum.
Þar eru birtar andláts-, útfarar- og þakkartilkynningar sem eru aðgengilegar
öllum en auk þess geta áskrifendur lesið minningargreinar á vefnum.
Á vefnum er að finna upplýsingar um þjónustuaðila sem aðstoða
þegar andlát ber að höndum og aðrar gagnlegar upplýsingar
ætlaðar aðstandendum við fráfall ástvina.
www.mbl.is/andlát
Minningargreinar
Hægt er að lesa minningargreinar,
skrifa minningargrein ogæviágrip.
Þjónustuskrá
Listi yfir aðila og fyrirtæki sem
aðstoða þegar andlát ber að höndum.
Gagnlegar upplýsingar
Upplýsingar og gátlisti fyrir
aðstandendum við fráfall ástvina
Minningarvefur á mbl.is
Minningar og andlát
Morgunblaðið birtir minningargreinar endurgjaldslaust alla
útgáfudaga.
Lengd | Minningargreinar sem birtast í Morgunblaðinu séu ekki
lengri en 3.000 slög. Ekki er unnt að senda lengri grein. Lengri grein-
ar eru eingöngu birtar á vefnum. Hægt er að senda örstutta kveðju,
HINSTU KVEÐJU, 5-15 línur. Ekki er unnt að tengja viðhengi við
síðuna.
Formáli | Minningargreinum fylgir formáli sem nánustu aðstand-
endur senda inn. Þar koma fram upplýsingar um hvar og hvenær sá
sem fjallað er um fæddist, hvar og hvenær hann lést og loks hvaðan og
klukkan hvað útförin fer fram. Þar mega einnig koma fram upplýs-
ingar um foreldra, systkini, maka og börn. Ætlast er til að þetta komi
aðeins fram í formálanum, sem er feitletraður, en ekki í minning-
argreinunum.
Minningargreinar