Morgunblaðið - 31.03.2020, Page 6

6
MORGUNBLAÐIÐ ÞRIÐJUDAGUR 31. MARS 2020
Smiðjuvegur 10, 200 Kópavogur - Sími 588 60 70
hitataekni.is
Sjálfvirk, raka-og hitastýring, fer sjálfkrafa í gang þegar
ljós eru kveikt eða við hreyfingu í rými.
Klimat K7 er fjölnota vifta, þróuð
og framleidd í Svíþjóð.
– sjö viftur í einni
Ein sú hljóðlátasta á markaðinum (17-25 dB)
Kristján H. Johannessen
khj@mbl.is
„Undanfarnar vikur hafa verið
mjög erfiðar en nú er allt kapp lagt
á að reyna að þjónusta nemendur
eins og hægt er í mjög breyttu og
nýju umhverfi,“ segir Þorsteinn
Sæberg, formaður Skólastjóra-
félags Íslands, í samtali við Morg-
unblaðið.
Samkomubann tók gildi á Íslandi
16. mars síðastliðinn vegna mikillar
útbreiðslu kórónuveiru. Á sama
tíma var framhaldsskólum og há-
skólum lokað og tekin upp fjar-
kennsla. Leik- og grunnskólum er
enn haldið opnum þótt þar sé starf-
ið takmarkað og í verulega breyttri
mynd.
Þorsteinn segir skólastjórnendur
grunnskóla hafa rætt hvort betra
væri að loka þeim skólum einnig.
Það sé þó lögð höfuðáhersla á að
fara eftir tilmælum sóttvarnalæknis
og yfirvalda í faraldrinum.
„Markmið grunnskóla númer eitt
er að standa sig í að halda úti því
skipulagi sem farið er fram á við
okkur þó aðupp hafi komið að-
stæður þar sem verulega hefur orð-
ið að bregða út af, til dæmis með
lokunum skóla vegna útbreiðslu á
smiti,“ segir hann og bendir á að
staða skóla og kennslufyrirkomulag
sé mjög misjafnt. „Það er í raun
allt í gangi,“ bendir hann á.
Þá segir Þorsteinn stjórnendur
skóla leggja mikla áherslu á velferð
og tengsl við nemendur. „Þegar
skólastarf er orðið mjög takmarkað
og nemendur eru ýmist heima eða í
staðbundnu námi, þá skiptir þetta
atriði, það er að halda tengslunum
sterkum, mjög miklu máli.“
Ekki mætt frá samkomubanni
Þorgerður Laufey Diðriksdóttir,
formaður Félags grunnskólakenn-
ara, segir mikinn hug vera í sínum
félagsmönnum. Staðan sé þó afar
snúin og óvissan mikil.
„Þó að kennarastarfið sé fjöl-
breytt og engir tveir dagar eins þá
er skipulag skólastarfs mjög niður-
njörvað og ákveðið með löngum
fyrirvara. Fyrir grunnskólakennara
er þessi áskorun því rosaleg og
óvissan um framhaldið afar lýjandi.
En ég held að kennarar séu að
bregðast við með öllum sínum ráð-
um,“ segir hún.
Þorgerður Laufey segir sum
börn ekki hafa mætt í skólann frá
því að samkomubann tók gildi,
einkum börn innflytjenda. Er þetta
áhyggjuefni, að hennar mati.
„Foreldrar erlendra barna hafa í
stórum stíl tekið börn sín úr skól-
unum. Oft á tíðum er þessi hópur
að fylgjast með fréttum frá sínu
heimalandi og þar er brugðist öðru-
vísi við en hér,“ segir hún.
Sigurður Sigurjónsson er for-
maður Félags stjórnenda leikskóla.
Hann segir stöðuna almennt góða
og að stjórnendur og starfsfólk
leikskóla geri sér vel grein fyrir
erfiðri stöðu skólakerfisins. Sumir
séu þó hræddir um eigin heilsu.
„Það má ekki gleyma því að
þessi stétt er ekki sú yngsta. Sumir
eru hræddir um sjálfa sig og sína
fjölskyldu. Kennarar eru innan um
nemendur og foreldra sem koma
með börn sín í skólana,“ segir
hann, en Morgunblaðið hefur áður
greint frá áhyggjum leikskólastjóra
sem segja smithættu fylgja komum
foreldra inn á leikskólana.
Guðjón Hreinn Hauksson, for-
maður Félags framhaldsskólakenn-
ara, segir kennara nú reyna að
sinna vinnu sinni að heiman. „Þetta
ástand hittir fólk þó á ýmsa vegu
og nemendur og kennarar eiga
misauðvelt með þetta. Sums staðar
gengur þetta vel en annars staðar
eru nemendur að hverfa.“
Morgunblaðið/Hari
Menntun Kennarar reyna nú að halda úti fjarkennslu en óttast er að hópur nemenda missi tengsl sín við skólann.
Reynt að þjónusta nem-
endur í breyttu umhverfi
 Innflytjendur taka börn sín úr skólum vegna veirunnar
Sigurður Bogi Sævarsson
sbs@mbl.is
Samdráttur í sölu á bensíni og dísel-
olíu frá því samkomubann var sett á
er á bilinu 10-12%, að sögn Eggerts
Þór Kristóferssonar forstjóra Festis
sem meðal annars rekur N1. Þegar
samkomubann tók gildi, sem meðal
annars stöðvaði hefðbundið starf í
framhalds- og háskólum, hafi strax
hægst mikið á umferð og þar með
sölu og svo enn frekar þegar ferða-
þjónustan í landinu því sem næst
lagðist niður.
Nokkrar vikur enn
„Umferð á götunum hér í borginni
hefur dregist mikið saman og út á
landi sjást varla bílaleigubílar eða
rútur,“ segir Eggert. „Þá er sjávar-
útvegurinn í lágdeyðu vegna minni
sölu á afurðum erlendis, sem aftur
leiðir til þess að færri flutningabílar
með fisk eru á ferðinni og sala á eld-
neyti á báta og skip hefur dregist
saman. Hér helst allt í hendur og
þetta ástand verður viðvarandi
nokkrar vikur enn. Þar koma áhrif af
stöðu mála í Bretlandi og Bandaríkj-
unum, mikilvægustu viðskiptalönd-
um Íslendinga, sterk fram.“
Áhrifa kórónuveirunnar gætir
sums staðar enn ekki jafn sterkt úti
á landi og á höfuðborgarsvæðinu. Í
því samhengi bendir Eggert á að
sölu- og stöðvanet N1 úti á landi sé
sterkt og sala þar hafi dregist minna
saman en í borginni. Það mildi áhrif-
in í rekstri fyrirtækisins.
Hjá Olís hefur sala á eldsneyti
dregist mikið saman á allra síðustu
vikum og segir Jón Ólafur Halldórs-
son forstjóri fyrirtæksins það vera
sem spegilmynd af umferðartölum
Vegagerðarinnar. Þannig hefur um-
ferðin á hringveginum að undan-
förnu dregist saman um að jafnaði
fjórðung frá meðaltali og í meira en
40% þar sem mest er. Á höfuðborg-
arsvæðinu sé samdrátturinn um 15%
Algengt útsöluverð á bensíni á
sjálfsafgreiðslustöðvum þeim sem
olíufélögin starfrækja á suðurhluta
höfuðborgarsvæðins var í gær 194
kr. en gjarnan tæplega 222 kr. á
þjónustustöðvum í Reykjavík. Félag
íslenskra bifreiðaeigenda bendir
hins vegar á að verð eldsneytis á Ís-
landi hafi lækkað mun minna en á er-
lendum mörkuðum. Mikið framboð
af eldsneyti sé nú á heimsmarkaði á
sama tíma og eftirspurn gefi eftir
vegna lokunar landa í faraldri kór-
ónuveirunnar.
Fylgst með heimsmarkaði
Eggert Þór Kristófersson hjá N1
vekur athygli á því að frá miðjum
janúar síðastliðnum til líðandi stund-
ar hafi eldneytisverð hjá fyrirtækinu
lækkað um nærri 17%. Á sama tíma
gefi gengi íslensku krónunnar eftir,
sem sé sterkur áhrifaþáttur í allri
verðþróun og vinni gegn meiri lækk-
unum. Það nefnir Jón Ólafur hjá Olís
einnig, segir grannt fylgst með stöðu
mála á heimsmarkaði og verð hér
verði lækkað myndist eitthvert svig-
rúm til slíks.
Mikill samdráttur í sölu eldsneytis
 Minni umferð endurspeglast í sölutölum olíufélaganna  Ferðaþjónusta hefur nær lagst af og sjávar-
útvegur í lágdeyðu  Minni sala olíu á báta og skip  Veiking krónu vinnur gegn verðlækkunum
Morgunblaðið/Sigurður Bogi
Eldsneyti Fyllt á bensíntankinn hjá N1 í Mosfellsbæ í hádeginu í gær.
Umferðin á höfuðborgarsvæðinu hef-
ur haldið áfram að dragast saman á
seinustu dögum og vikum marsmán-
aðar. Nýjar tölur Vegagerðarinnar
sem birtar voru í gær, sýna að um-
ferðin hefur minnkað um 21% í mars
frá því sem var í sama mánuði í fyrra
og jafngildir það 0,7 prósenta sam-
drætti dag hvern.
„Samdrátturinn heldur því áfram
að aukast eftir því sem samkomubann
er hert og það lengist í því. Samdrátt-
urinn í samfélaginu í heild endur-
speglast í umferðinni,“ segir í umfjöll-
un Vegagerðarinnar. Umferðartölur
um þrjú lykilmælisnið á höfuðborg-
arsvæðinu, sem sýna samanlagðan
fjölda bíla, eftir síðustu viku liggja
fyrir og bera með sér að umferðin
hefur dregist saman jafnt og þétt eft-
ir að samkomubann var sett á.
Umferðin dregst langmest
saman á Hafnarfjarðarvegi
Fallið í umferð ökutækja er mikið
eftir að veirufaraldurinn tók að breið-
ast út á seinustu tveimur vikum mars-
mánaðar. Tölur um uppsafnaða um-
ferð yfir þessi þrjú lykilmælisnið frá
1. til 29. mars sýna að tæplega milljón
færri bílar fóru þar um í mánuðinum
en í marsmánuði í fyrra eða um 3,9
milljónir bíla í mánuðinum sem er að
líða en rúmlega 4,9 milljónir ferða
voru í marsmánuði á seinasta ári.
Umferðin hefur dregist langmest
saman um Hafnarfjarðarveg. Á hin-
um tveimur mælisniðunum, á
Reykjanesbraut og Vesturlandsvegi,
er samdrátturinn svipaður. ,,Það er ef
til vill rannsóknarefni hvers vegna
umferð á Hafnarfjarðarveginum
dregst miklu meira saman en á hinum
tveimur sniðunum. Vegagerðin hefur
í augnablikinu ekki haldbæra skýr-
ingu á þessum mikla mun á sam-
drætti á Hafnarfjarðarvegi annars-
vegar og hinum tveimur sniðunum
hins vegar,“ segir í umfjöllun Vega-
gerðarinnar.
Umferð minnk-
aði mikið í mars
 Tæplega milljón færri bílferðir í mars
Morgunblaðið/Kristinn Magnússon
Gatnamót Bílaumferðin dróst
saman um 21% í marsmánuði.
Skannaðu kóðann
til að lesa
KÓRÓNUVEIRUFARALDUR