Morgunblaðið - 31.03.2020, Síða 17
9,9%
fretta-
bladid.is
14,0%
Fréttablaðið
8,8%
visir.is
9,7%
ruv.is
6,1%
RÚV:
útvarp/
sjónvarp
2,8%
Bylgjan/
Stöð 2
4,2%
DV
6,4%
dv.is
38,0%
38,0% allra frétta frá tíu stærstu fréttamiðlum landsins koma
frá fréttastofu Morgunblaðsins og mbl.is. Þessi elsta fréttastofa
landsins er mönnuð reynslumiklu fagfólki sem hefur aðeins eitt
markmið — að miðla vönduðum fréttum og fjölbreyttu efni til
lesenda á hverjum degi.
Ekki missa af því sem skiptir máli.
Komdu
í áskrift
strax
í dag
Sím
i 569 1100
m bl.is/a s kri
ft
Við skrifum fleiri fréttir
Heimild: Creditinfo - Fjölmiðlavaktin 2020
18,8%
Morgun-
blaðið
19,2%
mbl.is
Umræðan
MORGUNBLAÐIÐ ÞRIÐJUDAGUR 31. MARS 2020
Undirritaður gerir miklar at-
hugasemdir við úthlutun úr fram-
kvæmdasjóði ferðamannastaða í
verkefnið „Bátahöfnin við Hafn-
arhólma – bygging þjónustuhúss“.
Í umsókn með verkefninu, sem
hófst árið 2017, kemur eftirfarandi
fram: Borgarfjarðarhreppur –
Bátahöfnin við Hafnarhólma –
bygging þjónustuhúss kr.
20.000.000, styrkur til að hefja
byggingu húss sem mun rúma að-
stöðu fyrir þjónustu fyrir ferða-
menn. Salerni og sturtuaðstaða opin almenningi
verða í húsinu og á þaki þess verður útsýnispallur
en mikið fuglalíf er á svæðinu.
Heildarfjárhæð sem farið hefur í umrætt hús
er 80 milljónir króna samkvæmt mínum upplýs-
ingum.
Innviðauppbygging til að bæta aðstöðu til
fuglaskoðunar þar sem lögð er áhersla á aðgengi
fyrir alla mun að einhverju leyti
koma í veg fyrir ágang ferðamanna á
viðkvæmt svæði í hólmanum og auka
öryggi þeirra sem hafa gengið um
bratta hamrana.
Það var því alveg skýrt frá byrjun
að um er að ræða hús sem á að vera
aðgengilegt öllum. Í því eigi að vera
lyfta þannig að hægt sé að komast
upp á þak og njóta þaðan útsýnis yfir
fallegt fuglaskoðunarsvæði.
Nú þremur árum seinna stendur
húsið fullrisið en lyftulaust! Þegar
eftir því var gengið við sveitarfélagið
Borgarfjarðarhrepp kom fram að því
hefði verið nokkur vandi á höndum.
Húsið hefði kostað meira en upphaflega var gert
ráð fyrir og þær fjárveitingar sem voru komnar
hefðu ekki dugað til. Því hefði verið brugðið á það
neyðarúrræði að sleppa lyftu í húsið að sinni. Það
er þó alveg ljóst að mörg ár geta liðið þar til lyfta
verður sett í húsið.
Ég krefst svara við eftirfarandi spurningum:
1. Voru engin skilyrði sett af hálfu Borgarfjarð-
arhrepps varðandi að húsið yrði að vera aðgengi-
legt, frá fyrsta degi, eins og kveðið er á um í
mannvirkjalögum af hálfu framkvæmdasjóðsins?
2. Getur sveitarfélagið Borgarfjarðarhreppur
tekið ákvörðun um það einhliða að sleppa lyftu í
þjónustuhúsinu þrátt fyrir kynningu í umsóknum
og áherslu á aðgengi fyrir alla?
3. Hvernig getur það samræmst gildum Eflu
verkfræðistofu – „Vinnum saman að framúrskar-
andi lausnum“ – að samþykkja að Þjónustuhúsinu
sé skilað án lyftu?
4. Samþykkja allir aðilar að
lög séu brotin?
Til stjórnar framkvæmdasjóðs ferða-
mannastaða, Eflu og Borgarfjarðarhrepps
Eftir Berg Þorra
Benjamínsson » Það var því alveg skýrt frá
byrjun að um er að ræða hús
sem á að vera aðgengilegt öllum.
Í því eigi að vera lyfta.
Bergur Þorri
Benjamínsson
Höfundur er formaður
Sjálfsbjargar lsh.
bergur@sbh.is
Á tímum farsótta, sóttkvía
og tímabundinna erfiðleika
er oft gott að reyna að róa
hugann og sjá stóru mynd-
ina. Núna gengur vírus yfir
heimsbyggðina og allt kapp
lagt á að hægja á útbreiðslu
hans. Á meðan er samfélagi
flestra ríkja haldið í eins
konar gíslingu með tilheyr-
andi skaðlegum áhrifum á
hagkerfið. Þetta mun auðvit-
að ganga yfir en engu að síður er athygl-
isvert að sjá þau úrræði sem gripið er til
svo gjaldþrotahrinan verði ekki óstöðv-
andi, eins og vírusinn að einhverju leyti
er.
Í ríkjum eins og Danmörku, Íslandi og
víðar hafa yfirvöld blásið til mótvæg-
isaðgerða til að koma til móts við suma af
þeim sem finna fyrir efnahagslegum áföll-
um á meðan fyrirtækjum er haldið lok-
uðum og fólki heima. Að stórum hluta
snúast slíkar aðgerðir um að
slaka á skattheimtunni. Slíkt á að
hafa örvandi áhrif og bæta efna-
hag fólks og fyrirtækja. Undir
það má auðvitað taka en ef
skattalækkanir á veiru-tímum
hafa örvandi áhrif af hverju mátti
þá ekki framkvæma þær á heil-
brigðari tímum?
Þetta minnir á orð fráfarandi
fjármálaráðherra í vinstristjórn
sem var vitnað í á kreppuárinu
2011 á eftirfarandi hátt: „Stein-
grímur J. Sig-
fússon fjár-
málaráðherra
segir að átakið
Allir vinna, sem
veitir endur-
greiðslu á virð-
isaukaskatti
vegna bygg-
ingaframkvæmda, hafi tekist
einstaklega vel. Þessi skattaí-
vilnun skilar líklega meiru í
ríkissjóð en ella.“
Núna boðar flokkssystir
hans, forsætisráðherra, svip-
aða hagfræði.
Allt er þetta gott og bless-
að og sýnir okkur að allir eru
í raun sammála um að mikil
skattheimta er letjandi fyrir
hagkerfið og dregur þrótt úr
atvinnulífinu. Á góð-
æristímum er þessu innsæi
samt sópað undir teppið. Þá
skal vera eitthvað fyrir alla og skattar
skrúfaðir upp í rjáfur til að fjármagna
bruðlið.
Kannski veirutímar kenni okkur eitt-
hvað um forgangsröðun: Að
úr því ríkisvaldið vill standa
í rekstri á heilbrigðiskerfi
(beint eða óbeint) þá sé
mikilvægt að það sé í for-
gangi. Að milljarðar sem
renna í gæluverkefni græn-
ingja og femínista og fleiri
slíkra séu loksins afhjúp-
aðir sem sóun á verðmæt-
um sem hefðu geta runnið í
eitthvað mikilvægara.
Um leið væri hægt að
slaka varanlega skattheimt-
unni og örva hagkerfið alla daga ársins og
búa það undir ýmis áföll sem óumflýj-
anlega ganga yfir bæði ríki og heims-
byggð.
Ef sú veira sem heitir aðdáun á gælu-
verkefnum hins opinbera nær að bugast
um svipað leyti og hin kínverska veira þá
verður kannski langtímaávinningurinn
stærri en fórnarkostnaður úrræðanna.
Allir vinna, 2. hluti
Eftir Geir Ágústsson
»Kannski kínverska veir-
an geti minnt okkur á
hagfræði fjármálaráðherra
í kjölfar fjármálahrunsins.
Geir Ágústsson
Höfundur er verkfræðingur.
geirag@gmail.com