Fréttablaðið - 03.09.2020, Blaðsíða 36

Í NÚTÍMASAMFÉLAGI
ER INNRI RÓ MARK­
AÐS SETT SVO ÓTRÚLEGA MIKIÐ,
KANNSKI EKKI ÓLÍKT ÞVÍ
ÞEGAR FÓLK KEYPTI SYNDA­
AFLAUSNABRÉF Á MIÐÖLDUM,
VIÐ KAUPUM ÖPP Í SÍMANN OG
SJÁLFSHJÁLPARBÆKUR.
SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is
FÓLK/SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@
frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Tónskáldið Friðrik Mar-grétar-Guðmundsson frumsýnir nú á sunnu-daginn verkið Ekkert er sorglegra en mann-eskjan, sem hann vann
í samstarfi við Adolf Smára Unnars-
son. Friðrik hefur fengist við ýmsar
tónsmíðar fyrir leikhús, dansverk,
gjörninga og myndlist auk þess að
semja hljóðfæratónlist, kórtónlist
og hljóðverk. Verk hans hafa ver-
ið f lutt víðs vegar um Evrópu og
Ísland, meðal annars af Ensemble
Recherche í Freiburg og Dómkórn-
um í Reykjavík.
Ekkert er sorglegra en mann-
eskjan er fyrsta ópera Friðriks í
fullri lengd en í febrúar gaf hann út
verkið Skipholt, sem var út skrift-
ar verk hans úr Listaháskólan um.
Á síðustu árum hefur Friðrik átt í
samstarfi við hljómsveitina Hatara
og hefur komið fram með henni á
tónleikum og á plötunni Neyslu-
trans.
„Ekkert er sorglegra en manneskj-
an er samtímaópera um leitina að
hamingjunni. Adolf samdi textann
og leikstýrir verkinu. Við fengum
hugmyndina eftir að við unnum
saman að lokaverkinu hans Adolfs
úr LHÍ, þar sem ég samdi tónlistina.
Það var leikverk, en í nokkrum atrið-
um sungu leikararnir saman sálma
og það fannst okkur mest spennandi
partur sýningarinnar,“ segir Friðrik.
Spennandi miðill
Í kjölfarið ákváðu þeir að næsta
verk skyldi vera ópera með klass-
ískum söngvurum í stað leikara.
„Við töluðum við söngvarana
mjög snemma. Þetta eru allt krakk-
ar á okkar aldri sem ég hef unnið
með í ýmsum verkefnum. Þau eru
öll með reynslu í klassískum óperu-
söng, en voru mjög til í að gera eitt-
hvað nýtt og spennandi við þennan
miðil,“ segir hann.
Óperan er gamalt og rótgróið
form sem vekur strax upp mjög
skýrar, fyrirframgefnar hugmynd-
ir um hvað sé að fara að gerast, að
sögn Friðriks.
„Þess vegna er gaman að snúa
upp á væntingar fólks. Óperan er
af mörgum talin hátindur fegurðar
innan vestrænnar menningar og
á sama tíma ekki mjög pólitískt
form. Það er spennandi að nýta
formið til að varpa fram okkar sýn
á þessar stærstu og elstu spurningar
mannsins „Hvað er hamingjan?“ og
„Hvernig verð ég hamingjusamur?“
án þess að koma með áfellisdóm á
spurninguna eða lausn á vandamál-
inu,“ segir Friðrik.
Innri ró er markaðssett
Ferlið er búið að spanna um það bil
ár, en fyrstu hugmyndir kviknuðu í
september í fyrra.
„Adolf Smári byrjaði á að semja
einhverja texta en fókuspunktur-
inn til að byrja með voru myndirn-
ar sem settar eru upp á sviðinu. Þar
sem verkið er póst-dramatískt, það
er að segja fylgir ekki söguþræði,
erum við mest að vinna með tákn-
myndir og ólínulega framvindu.
Við sjáum fjórar fígúrur ráfa um
marmaragólf með ferðatöskur,
hjá þeim á sviðinu er bekkur og
stór kassi sem er sveipaður dúk
sem á stendur „opnar bráðum“.
Svo brjótast þau stöku sinnum út í
söng, annaðhvort saman eða í sitt
hvoru lagi.“
Textarnir eru bæði frumsamdir
en líka teknir úr sjálfshjálparbók-
um, jógaæfingum og miðaldabók-
menntum.
„Í nútímasamfélagi er innri ró
markaðssett svo ótrúlega mikið,
kannski ekki ólíkt því þegar fólk
keypti syndaaf lausnabréf á mið-
öldum, við kaupum öpp í símann og
sjálfshjálparbækur. Nema leitinni
að hamingjunni er í dag beint inn á
við,“ segir Friðrik.
Gott samstarf
Tónlistin segir hann að vísi á sama
tíma í tónbókmenntirnar en aðal-
uppspretta innblástursins sé í
kirkjutónlist.
„Svo reyni ég að skjóta henni
saman við það sem ég túlka sem
hliðrænu kirkjutónlistar í samtím-
anum, nýaldar- og ambíent-tónlist.
Mér fannst líka áhugavert að reyna
að taka svolítið epíkina úr óper-
unni, það eru mjög fá augnablik í
sýningunni þar sem söngvarar fá að
tjá tilfinningar sínar og tónlistin er
lágstemmd og hægfljótandi, það er
smá leikur í því að snúa upp á vænt-
ingar hlustandans,“ segir hann.
Friðrik segir þá Adolf hafa kastað
sín á milli hugmyndum í byrjun.
„Hann sýndi mér einhverjar
pælingar og texta sem hann var að
vinna með og ég samdi við það tón-
list og sýndi honum og hann vann
svo meiri texta út frá því og þann-
ig mótaðist þetta hægt og hægt. Ég
þurfti að semja tónlist sem auðvelt
væri að endurtaka eða taka út frek-
ar frjálslega, það endaði auðvitað
með því að þetta var eiginlega mest
samið í rosa stressi á lokametrun-
um. En þetta kom allt saman á end-
anum, enda erum við að vinna með
frábærum söngvurum og hljóð-
færaleikurum.“
Ekkert er sorglegra en mann-
eskjan er frumsýnt í Tjarnarbíói á
sunnudaginn. Miða á verkið er hægt
að nálgast á tix.is.
steingerdur@frettabladid.is
Það er gaman að snúa
upp á væntingar fólks
Friðrik Margrétar-Guðmundsson frumsýnir verkið Ekkert er
sorglegra en manneskjan í Tjarnarbíói nú á sunnudaginn. Verkið
samdi Friðrik í samstarfi við félaga sinn Adolf Smára Unnarsson.
Ekkert er sorglegra en manneskjan, er fyrsta ópera Friðriks í fullri lengd. FRÉTTABLAÐIÐ/ANTON BRINK
FRÉTTIR, FÓLK &
MENNING á Hringbraut
og hringbraut.is
Fylgstu með!
Dagskráin
á Hringbraut
Þátturinn Fasteignir og heimili á
Hringbraut alla mánudaga kl. 20.30.
Fjölbreyttur þáttur um fasteignir,
heimili, húsbúnað, matargerð, húsráð, lífstíl
– allt sem við kemur heimilum og
fasteignum og umhverfi þeirra. Sjöfn
Þórðar fær til sín fagfólk og áhugaverða
viðmælendur til að fræða áhorfendur
um fjölbreytt viðfangsefni fasteigna og
heimila.
Fasteignir
og heimili
Þátturinn er í boði
Íslandsbanka
3 . S E P T E M B E R 2 0 2 0 F I M M T U D A G U R28 L Í F I Ð ∙ F R É T T A B L A Ð I Ð