Fréttablaðið - 16.10.2020, Side 2

Veður
Hægviðri og víða léttskýjað með
morgninum, en þykknar upp fyrir
norðan síðdegis, norðan 3-8 m/s
og lítilsháttar rigning eða slydda
þar um kvöldið. Hiti 2 til 8 stig.
SJÁ SÍÐU 14
Aðsókn í ávexti og grænmeti
Hópur fólks beið í langri röð til kaupa ferskt og framandi grænmeti og ávexti á pop-up markaði Austurlands food coop á Skúlagötu í gær. Vel var
gætt að sóttvörnum og tveggja metra reglunni. Á markaðnum voru meðal annars á boðstólum gómsæt hrekkjavökugrasker af ýmsum stærðum og
gerðum, gulir ostrusveppir, vínber og nammi rófur. Markaðurinn mun verða haldinn næstu fimmtudaga frá klukkan 16 til 18. FRÉTTABLAÐIÐ/STEFÁN
Tónlist „Ég var oft í Góða hirðinum
að f letta gömlum vínylplötum.
Þegar ég var þrettán var ég að kaupa
eitthvert alls konar bull á 300 krón-
ur og hlusta – oft á rispaðar plötur,“
segir söngkonan Bríet Ísis Elfar en
hún gaf út plötuna Kveðja, Bríet
fyrir skömmu og rignir yfir hana
fyrirspurnum um hvenær platan
komi út á vínylformi.
„Það er eitthvað fallegt við þessa
athöfn að setja plötu á fóninn og
hlusta,“ segir Bríet. Aldrei hafi neitt
annað komið til greina en að gefa
plötuna út á vínyl. Hún hafi alist
upp við þá athöfn að setja plötu á
fóninn og hlusta.
Áhugi landsmanna á vínylplötum
hefur verið töluverður undanfarin
misseri og varla sú plata gefin út
lengur nema hún komi á vínyl.
Snæbjörn Ragnarsson, einn af
umsjónarmönnum hlaðvarpsins
Bestu plötunnar, segir að það að
hlusta á plötu á vínyl sé allt annað
en að hlusta á stafrænt á Spotify.
Hann segir það séu nokkrar týpur
sem hlusti á vínyl.
„Það er annars vegar sá sem held-
ur að hann sé merkilegri af því hann
hlustar á vínyl. Svo er það hins vegar
fólkið með ranghugmyndirnar sem
segja að hljóðið sé hvergi betra –
sem er vísindalega sannað að er
kjaftæði. Allur toppur og botn nær
ekkert í vínylformið og þetta hlýja
sánd þýðir einfaldlega að toppurinn
er ekki með,“ segir Snæbjörn. Síðan
sé það fólk eins og hann sjálfur
– sem sé blanda af nördisma og því
að hafa alist upp með vínylnum.
„Það er athöfn að setja vínylplötu
á fóninn. Byrja á lagi númer eitt og
enda á lagi númer tíu,“ útskýrir
Snæbjörn.
Bríet segir að platan sé staðfest-
ing á því að listaverkið hennar sé
komið út og geti gefið meiri innsýn
í listamanninn. „Að halda á vínyl
er eitthvað aðeins persónulegra.
Að heyra snarkið og sitja og hlusta
er annað en að hlusta á Spotify og
gleyma tónlistinni á bak við. Vínyll
er keyptur af ástæðu,“ segir hún.
Snæbjörn bendir á að enginn
verði ríkur á að gefa út á vínyl. „Það
er enginn að gefa út vínylupplag af
því eftirspurnin er svo yfirþyrm-
andi,“ segir hann. Það breyti því þó
ekki að fólk hafi áhuga. „Fyrir okkur
sem hlustum og gefum út tónlist þá
verður maður að hafa eitthvað í
höndunum. Tölvuskjárinn og hedd-
fónarnir koma ekki í staðinn fyrir
það.“ benediktboas@frettabladid.is
Kaupir rispaðan vínyl
hjá Góða hirðinum
Söngkonan Bríet segir ekki annað hafa komið til greina en að gefa nýja plötu
sína út á vínýl og að margir spyrji hvenær hún komi út. Snæbjörn Ragnarsson,
umsjónarmaður hlaðvarpsins Besta platan, segir ákveðnar týpur hlusta á vínyl.
Vinylplötur eiga miklum vinsældum að fagna nú um stundir. MYND/GETTY
Snæbjörn Ragnarsson vínylunnandi.
Að halda á vínyl er
eitthvað aðeins
persónulegra. Að heyra
snarkið og sitja og hlusta er
annað en að hlusta á Spotify
og gleyma tónlistinni á bak
við. Vínyll er
keyptur af
ástæðu.
BríetMeð því að auglýsa í
Atvinnublaðinu nær
þitt fyrirtæki til 89%
lesenda dagblaða*
á höfuðborgarsvæðinu.
COVID -19 Þorgrímur Þráinsson,
sem smitaður er af COVID-19,
keyrði tvo leikmenn íslenska
landsliðsins í myndatöku fyrir
leikinn gegn Rúmenum í síðustu
viku þrátt fyrir að reglur UEFA
leggi til aðskilnað milli starfs-
manna og leikmanna.
Víðir Reynisson yfirlögreglu-
þjónn segir að allra sóttvarna
hafi verið gætt í bílferðinni. Leik-
mennirnir hafi ekki þurft að fara í
sóttkví.
„Þetta var utan þess tíma sem
smit Þorgríms var rakið en leik-
mennirnir fengu þarna heimild til
að fara í myndatöku á heilbrigðis-
stofnun,“ segir Víðir.
Líkt og Fréttablaðið greindi frá
í gær virtu starfsmenn KSÍ hvorki
nálægðarmörk né grímuskyldu
í leiknum gegn Rúmenum. Þá
viðurkenndi Víðir að það hefðu
verið mistök hjá sér að leyfa lands-
liðsþjálfurum að fara úr sóttkví á
landsleik Íslands og Belgíu. Hann
tók fulla ábyrgð á málinu í gær.
Athygli vakti að Arnar Þór Við-
arsson stóð á hliðarlínunni gegn
Belgum. Hann kom frá Lúxem-
borg um morguninn. Hann keyrði
þaðan til Belgíu, áður en hann fór
til Luton og f laug með Easy Jet til
landsins.
Aðspurður hvort vera Arnars á
hliðarlínunni samræmdist sótt-
varnareglum segir Víðir að svo sé,
Arnar hafi verið í vinnusóttkví.
„Það þýðir að hann fór í test í Kefla-
vík, svo fór hann beint á leikinn og
svo í sóttkví eftir leik.“ – bb, bdj
Sérreglur en
hlýddu ekki
Leikmennirnir
fengu þarna heim-
ild til að fara í
myndatöku.
Viðir Reynisson
yfirlögreglu-
þjónn
K JARAMÁL Verkfall sem hefjast
átti í álveri Rio Tinto í Straumsvík
(ISAL) í dag hefur verið frestað um
viku. Þetta kom fram í tilkynningu
frá verkalýðsfélaginu Hlíf í gær.
„Í dag var gengið frá samkomu-
lagi við ISAL um að fresta verkfalls-
aðgerðum sem hefjast áttu á morg-
un, föstudag, um eina viku,“ segir í
tilkynningunni.
„Þetta er gert til að gefa samninga-
nefndum meiri tíma til að ná saman
um nýjan kjarasamning.“ Náist
samningar ekki fyrir þann tíma hefj-
ast verkfallsaðgerðir þann 23. októ-
ber í samræmi við fyrri boðun. – kdi
Verkfalli Hlífar
frestað um viku
Verkfall hjá ISAL átti að byrja í dag.
1 6 . O K T Ó B E R 2 0 2 0 F Ö S T U D A G U R2 F R É T T I R ∙ F R É T T A B L A Ð I Ð