Fréttablaðið - 16.10.2020, Síða 22

Í dag er hægt að fá
alls konar fallegar
umbúðir, svo sem kassa,
gjafapoka, krukkur og
krúsir, slaufur og borða
og því er ekkert mál að
búa til fallega og per-
sónulega gjöf.
Sigríður Inga
Sigurðardóttir
sigriduringa@frettabladid.is
Hvort sem er fyrir jólin eða bara núna er gaman að útbúa persónulegar gjafir
og gauka að vinnufélögunum. Það
þarf ekki mikið til að gleðja aðra
og það hefur sennilega aldrei verið
mikilvægara en einmitt nú.
Í dag er hægt að fá alls konar
fallegar umbúðir, svo sem kassa,
gjafapoka, krukkur og krúsir,
slaufur og borða og því er ekkert
mál að búa til fallega og persónu-
lega gjöf. Eitt af því sem skemmti-
legt er að gefa eru flórentínur,
en þær eru sérlega ljúffengar og
fallegar smákökur sem kitla
bragðlaukana. Þær eru til í ýmsum
útgáfum og hægt er að leika sér
með því að prófa mismunandi
uppskriftir. Hér er ein góð sem
ekki á að klikka.
Flórentínur með
möndlum
175 g mjúkt smjör
85 g sykur
½ tsk. vanilludropar
225 g hveiti
¼ tsk. kanill
225 g dökkt súkkulaði
Setjið smjör, sykur og vanillu-
dropa í skál og hrærið vel saman,
helst í hrærivél, þar til blandan
verður létt og ljós, Bætið þá hveiti
og kanil saman við. Hnoðið deigið
vel saman og mótið kúlu úr því.
Pakkið inn í plastfilmu og látið
kólna í ísskáp í um klukkustund.
Hitið ofninn í 180°C. Klæðið
bökunarplötu með bökunar-
pappír. Takið deigið úr kæli og
fletjið þunnt út. Deigið á að vera
álíka þykkt og hundraðkrónu-
peningur. Notið glas til að skera út
kökur og raðið þeim á bökunar-
plötuna. Setjið skraut ofan á hverja
köku fyrir sig. Bakið í ofni í 12-15
mínútur eða þar til kökurnar hafa
tekið á sig gylltan lit og skrautið
hefur bráðnað yfir þær. Látið kólna
í um 15 mínútur.
Takið því næst súkkulaðið og
látið það bráðna varlega yfir vatns-
baði. Það er líka hægt að bræða
það í örbylgjuofni. Dýfið botn-
inum í súkkulaði eða
penslið hann með súkkulaði og
skreytið með blönduðum kokteil-
berjum. Núna eru þessar dásam-
legu flórentínur tilbúnar. Njótið
vel!
Skraut með möndluflögum
75 g smjör
75 g ljós púðursykur
75 g síróp
½ tsk. salt
75 g hveiti
75 g kokkteilber, smátt skorin
115 g möndluflögur án hýðis
Setjið smjör, sykur, síróp og salt í
pott og bræðið saman við lágan
hita. Takið pottinn af hitanum og
bætið hveiti út í. Blandið því næst
kokteilberjum og möndluflögum
saman við. Þetta er látið kólna svo
blandan stífni örlítið.
Heimagert góðgæti gleður
Það er gaman að gleðja samstarfsfólk með góðgæti og lífga þannig upp á skammdegið. Enn
skemmtilegra er þegar það er heimagert. Flórentínur með möndlum eru alltaf góðar.
Flórentínur eru góðar kökur sem henta vel á veisluborðið. MYND/GETTY
Hótel 360° er falin perla sem opnaði dyr sínar fyrir íslenskum gestum í júní í
sumar og síðan hafa allar helgar
verið fullbókaðar af Íslendingum.
Hér er hægt að njóta slökunar í
heitum böðum á lúxushóteli og
sveitasælu skammt frá borginni,“
segir Ólafur Sigurðsson, hótel-
stjóri 360° Hótels sem var opnað
síðsumars 2018.
Fyrstu misserin þjónaði hótelið
eingöngu útlendingum, allt þar
til það hóf að bjóða Íslendingum
að koma til hóteldvalar í dásam-
legu umhverfi í sumarbyrjun. Á
hótelinu eru þrettán stór her-
bergi ásamt stórri heilsulind með
heitum úti- og inniböðum, köldum
böðum, sána og dásamlegu nudd-
og slökunarhergi. „Hótelið hefur
frá fyrsta degi fengið hæstu ein-
kunn hjá erlendum gestum, það
fær framúrskarandi umsagnir um
allan heim og TripAdvisor valdi
það besta hótel landsins, af 2.600
hótelum,“ upplýsir Ólafur.
Fram undan er nóg að gera á
360° Hóteli.
„Fyrstu helgina í nóvember
verður jóga- og vellíðunarhelgi, og
frá 14. nóvember og fram að jólum
verður boðið upp á hefðbundið
jólahlaðborð með gistingu á
laugardögum. Eftir nýárið taka svo
við árshátíðartilboð, villibráðar-
kvöld og fleira skemmtilegt,“ segir
Ólafur.
Hægt er að taka á móti allt að 26
gestum á hótelinu.
„Þriggja rétta kvöldverður er
framreiddur í veitingasal með
stórkostlegu útsýni, barinn er með
öllum tegundum drykkja og í miðju
hótelsins er undurfallegur salur
til að hittast og ræða málin yfir
drykk,“ segir Ólafur.
360° Hótel er í aðeins 70 kíló-
metra fjarlægð frá Reykjavík.
„Hótelið stendur í kyrrlátri sveit
á Suðurlandi, umlukið skógi sem þó
skyggir ekki á stórkostlegt útsýnið.
Öll herbergi eru með gólfsíðum
gluggum, stórum baðherbergjum
og bestu rúmum sem völ er á,“ segir
Ólafur og hlakka til að taka vel á
móti gestum sínum í vetur.
360° Hótel er að Mosató 3, austan
við Selfoss. Sími 562 2900 og net-
fang stay@360hotel.is. Allar nánari
upplýsingar á 360hotel.is
Jólamatur í sveitasælu
360° Hótel dregur nafn sitt af geysifögru útsýni yfir Suð-
urland. Þar býðst nú dýrðlegt jólahlaðborð með gistingu.
Jólakrásirnar eru ómótstæðilegar.
360° Hótel býður upp á lúxuslíf og dekur í jólamat, drykk og unaðslegri heilsulind. MYNDIR/ANNA FJÓLA
Hvíld og friður með glæst útsýni.
LÚXUS HÓTEL
JÓLAHLAÐBORÐ
HEITIR POTTAR
OG SAUNA
360hotel.is
Lorem ipsum
6 KYNNINGARBLAÐ 1 6 . O K TÓ B E R 2 0 2 0 F Ö S T U DAG U RJÓLAHLAÐBORÐ