Fjölrit RALA - 20.05.1997, Blaðsíða 35

25
Kalrannsóknir 1996
■ Vetrarbygg
■IVetrarhveiti
■Vetrarrúgur
Rauösmári
■■Vallarfoxgras
S1 Beringspuntur
Uppsöfnun efnasambanda eftir 5 daga svellun hjá vetrarkorni, 11 daga hjá rauðsmára og 25
daga svellun hjá grösum.
Nú eru hafnar rannsóknir á því hvernig kolvetni íplöntum brotna niður í þessi öndunarefni.
Frostþol trjáplantna (185-9312)
Kal á trjáplöntum á MöðruvöIIum.
Kalskemmdir voru litlar á trjáplöntum nú í sumar og voru þær ekki metnar. Plantað var út
miklu af þeim efniviði sem lifði af frostþolsprófanir á sitkagreni, og er hugmyndin að fylgjast
með því í framtíðinni. Gerð er grein fyrir þeirri frostþolsprófun hér síðar.
Frostþolsprófanir á birki og sitkagreni, forverkefni.
Verkefni þetta er samvinnuverkefni Skógræktar ríkisins og Rannsóknastofnunar landbúnað-
arins. Var það gert upp á árinu og lokaskýrsla send Rannís. Greint var frá fyrstu niðurstöðum í
síðustu jarðræktarskýrslu og má þar sjá lýsingu á vinnuaðferðum. Markmiðin voru þessi:
1. Að afla upplýsinga um það hvenær ársins trjáplöntur eru í því lífeðlisfræðilega ástandi,
sem gefur besta svörun og aðgreiningu arfgerða í forstþolsprófunum, svo og hvaða
hitastig hentar best til frystingar.
2. Að athuga hvort einstakir plöntuhlutar (sprotar) svari frostþoisprófunum eins og heilar
plöntur (bakkaplöntur með rætur).
3. Að kanna hvort aldur plantna skipti máli í sambandi við frostþol birkis.
4. Að þjálfa vinnubrögð og kanna möguleika á frekara samstarfi Skógræktar ríkisins og
Rannsóknastofnunar landbúnaðarins varðandi frostþolsprófanir á trjákenndum gróðri.
Efniviðurinn var tvö kvæmi af sitkagreni (Homer og Cordova) og tvö af birki (Þórðarstaðir,
Fagrahlíð). Borin var saman frysting á bakkaplöntum og sprotum. A sprotunum voru
skemmdir metnar með (1) leiðnimælingu, (2) mati á skemmdum á sprotum eftir þokuúðun og
(3) mati á skemmdum í brumi eftir þokuúðun.
Heildarniðurstöður eru þessar:
Markmið 1 (árstími - aðgreining arfgerða): Sitkagrenið virðist vera að harðna allan
septembermánuð og góð aðgreining ætti að fást með frystingu í þeim mánuði. Ef aðeins er
sóst eftir harðgerðustu kvæmunum eða einstaklingunum er eðlilegt að gera slíka
frostþolsprófun í fyrri hluta september. Til að skilja frá þá allra slökustu ætti frysting að fara
fram í lok septembermánaðar. Eitthvað svipað mætti hugsa sér með birkið en vera e.t.v.