Fréttablaðið - 05.12.2020, Side 6

VIÐSKIPTI Auglýsing frá fyrirtækinu
Hugbergi á atvinnuleitarvélinni
Alfreð hefur verið fjarlægð. Var hún
nefnd „sölu og kynningarverkefni“
og kom þar fram að söluvaran væri
„fjölmargar áhugaverðar alþjóð­
legar internetþjónustur“.
Þegar fólk sótti um kom í ljós að
um var að ræða áskriftir að Crowd1
sem BBC og f leiri hafa lýst sem
píramídasvindli og er einkum beint
að fólki í Afríku.
Crowd1 hefur verið bannað í
nokkrum Afríkuríkjum og sum ríki
hafa gefið út viðvaranir vegna starf­
seminnar.
Gunnar Jón Jónasson, eigandi
Hugbergs, þvertekur f yrir að
Crowd1 sé píramídasvindl. Hann
segir að Crowd1 gangi út á að safna
meðlimum, í dag séu þeir 21 milljón.
„Það sem menn selja er með­
limaaðgangur. Það eru netnámskeið
sem fylgja ef þú ert meðlimur,“ segir
Gunnar Jón.
Spurður hvaðan tekjur fyrirtæk­
isins komi segir hann þær koma í
gegnum samninga við netfyrirtæki.
„Sem dæmi er samningur við
bókunarsíðu, síðan beina meðlimir
sér að þessu bókunarfyrirtæki og
eiga viðskipti við það. Þá deilir þessi
bókunarsíða tekjunum sem mynd­
ast við viðskiptin. Þessir viðskipta­
vinir eru eyrnamerktir Crowd1.
Þannig myndast tekjurnar,“ segir
Gunnar Jón.
„Númer eitt, tvö og þrjú, þá eru
menn að kaupa sig inn í þennan
pakka og hafa þá aðgang að þessum
fyrirtækjum sem koma inn í skýið.
Þetta er í sjálfu sér mjög einfalt.“
Í umfjöllun BBC frá því í byrjun
nóvember kemur hins vegar fram
að Crowd1 hafi sjálft sett upp þessar
netsíður. Til dæmis veðmálasíðuna
AffilGo og leikjasíðuna Miggster.
Þar kemur einnig fram að texti
sem notaður sé í tímaritið Crowd
og netnámskeiðin, sem kallast My­
Grithub, sé afritaður nánast orð
fyrir orð upp úr eldri greinum og
bókum, til að mynda bókinni How
to be an Estate Investor sem hægt
sé að nálgast frítt á netinu. Einnig
er fjallað um fyrrnefnda bókunar­
síðu, Life Trends. Í rannsókn BBC
kom í ljós að á síðunni er ekki notast
við eigin kerfi, heldur kerfi Book­
ing. com og Expedia.
Borið hefur á því að Íslendingar
auglýsi Crowd1, til dæmis í Face­
book­ hópum. Algengara er að fólk
sendi skilaboð til fólks í nærum­
hverfinu og reyni að selja aðganga
og „menntunarpakka“ fyrir frá 99
til 2.499 evra, eða allt að 385 þúsund
króna.
Í rannsókn BBC kemur fram að
sá sem selur fær um tíu prósent af
eigin sölu, og hluta af sölulaunum
hins næsta og koll af kolli. Pening­
arnir streymi því upp píramídann
til toppanna.
Gunnar Jón veit ekki hversu
margir Íslendingar eru meðlimir í
Crowd1. „Ekki minnstu.“
Gunnar Jón vildi ekki svara hvers
vegna Crowd1 væri ekki tekið fram
í starfsauglýsingunni. „Menn fá þær
upplýsingar í framhaldinu.“
Crowd1 var stofnað árið 2018
og hefur strax fengið á sig mikla
gagnrýni. Enda einstaklingar þar
innanborðs sem hafa áður tengst
píramídasvindli, f lestir frá Svíþjóð
og Noregi.
Nefnir BBC til dæmis þrjá menn
sem hafi tengsl við OneCoin, eitt
stærsta píramídasvindl sögunnar.
Þar á meðal stofnandann Jonas Eric
Werner.
Auglýsingin er ekki lengur sýni­
leg á vef Alfreðs. Ingvi Þór Georgs­
son, framkvæmdastjóri Alfreðs,
ræðir ekki málefni einstakra við­
skiptavina en segir að almennt
þurfi fyrirtæki sem auglýsa að gang­
ast undir skilmála um að öll notkun
fyrirtækja takmarkist við almenna
og löglega starfsemi.
„Komi í ljós að ekki sé farið eftir
þessu verður það skoðað nánar,“
segir Ingvi.
kristinnhaukur@frettabladid.is
Ekki er vitað hversu
margir Íslendingar hafa
keypt aðgang að Crowd1 en
borið hefur á auglýsingum
Íslendinga í Facebook-hóp-
um.
10
milljörðum króna verður
varið á næstu þremur árum
til að nútímavæða þjónustu
Reykjavíkurborgar.69
prósent íbúa fimm sveitar-
félaga á Suðurlandi styðja
sameiningu þeirra.
11,3
milljarðar króna er halli Reykja-
víkurborgar á næsta ári.
40
prósent Íslendinga
telja hryðjuverka-
ógn aukast hér-
lendis með auknum
fjölda innflytjenda
frá múslimalöndum. 518
voru á biðlista eftir innlögn
á Vog þann 9. nóvember
síðastliðinn.
TÖLUR VIKUNNAR 29.11.2020 TIL 5.12.2020
Ólafur Helgi Kjartansson
fyrrverandi lögreglustjóri á
Suðurnesjum
hefur auk tveggja
starfsmanna
embættisins
verið kallaður
til yfirheyrslu
í tengslum við
rannsókn héraðs­
saksóknara. Miklar deilur voru
innan embættisins í sumar, þar
á undan hafði verið mikið um
samskiptaörðugleika. Ólafur lét
af störfum sem lögreglustjóri á
Suðurnesjum í ágúst síðastliðnum
og tók hann við starfi sérfræðings í
dómsmálaráðuneytinu.
Sig ríður Á. Ander sen
fyrrverandi dóms mála ráð herra
sagði niður stöðu
yfir deildar Mann­
réttinda dóm stóls
Evrópu í Lands­
réttar málinu
vera pólitískt
at gegn sér. Allir
sautján dómarar
dómstólsins komust að þeirri
niðurstöðu í vikunni að íslenska
ríkið hefði brotið gegn ákvæði
Mannréttindasáttmálans þegar
dómarar sem ekki voru skipaðir
í samræmi við lög dæmdu mál í
Landsrétti. Sigríður var þá dóms­
málaráðherra.
Ásmundur Einar Daðason
félags- og barnamálaráðherra
kynnti í tveimur
frumvörpum
fyrirhugaðar
breytingar á
barnaverndar­
kerfi sem eiga að
tryggja samþætt­
ingu þjónustu í þágu
farsældar barna. Þar er lagt til að
stofnaðar verði tvær nýjar stofn­
anir þar sem rík á hersla verður á
þjónustu við börn og fjöl skyldur
þeirra. Unnið verður eftir sam­
ræmdum mæli kvarða sem hjálpar
við að tryggja sam fellda þjónustu
sem hæfir börnum.
Þrjú í fréttum
Frumvörp, öt
og yfirheyrslur
Crowd1 að hreiðra um sig hér
Borið hefur á því að Íslendingar reyni að selja aðgang að Crowd1 sem BBC og fleiri lýsa sem píramída­
svindli. Eigandi Hugbergs sf. sem leitaði að sölufólki þvertekur þó fyrir að Crowd1 sé píramídasvindl.
Crowd1 hefur mest verið beint að Afríkubúum og er starfsemin bönnuð í nokkrum ríkjum. SKJÁSKOT/YOUTUBE
ÞJÓNUSTUVERKSTÆÐI, VARA- OG AUKAHLUTAVERSLUN
Pallbílahús frá ARE á alla USA pallbíla
Varahlutaverslun ÍSBAND býður upp á gott úrval vara- og aukahluta og
íhluta til breytinga. Allir helstu varahlutir í okkar vörumerkjum eru til á
lager. Sérpöntum varahluti í aðra USA bíla.
Úrval af felgum fyrir
Jeep® og RAM
Upphækkunarsett
í Wrangler
Upphækkunarsett
í RAM
Falcon demparar
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA KL. 07:45 - 18:00
ALMENNT BÍLAVERKSTÆÐI OG
SMURÞJÓNUSTA FYRIR ALLA BÍLA
ALLIR VINNA - ENDURGREIÐSLA VSK.
FIAT HÚSBÍLAR - ÁBYRGÐAR OG
ÞJÓNUSTUVERKSTÆÐI
BREYTINGAR Á JEEP®, RAM
OG ÖÐRUM USA PALLBÍLUM
ALLIR BÍLAR SÓTTHREINSAÐIR
STUTTUR BIÐTÍMI SÍMI 590 2323
UMBOÐSAÐILI
5 . D E S E M B E R 2 0 2 0 L A U G A R D A G U R4 F R É T T I R ∙ F R É T T A B L A Ð I Ð