Fréttablaðið - 12.12.2020, Qupperneq 4

Þuríður Harpa
Sigurðardóttir
formaður Öryrkjabandalagsins
ritaði undir bréf
Öryrkjabanda-
lagsins til Reykja-
víkurborgar þar
sem leitað var
eftir umbótum við
merkingar á göngu-
götum borgarinnar. Öryrkjar
eru undanskildir akstursbanni á
göngugötum, en lenda ítrekað í
aðkasti frá gangandi vegfarendum
fyrir að nýta sér rétt sinn.
Guðmundur Ingi
Þóroddsson
formaður Afstöðu, félags fanga
hyggst gefa kost á
sér á lista Sam-
fylkingarinnar
fyrir alþingis-
kosningarnar á
næsta ári. Hann
segist setja stefn-
una á eitt af efstu
sætunum í öðru hvoru
Reykjavíkurkjördæmanna.
Hann hefur lengi látið til sín taka
í réttindamálum fanga og greindi
frá því í ítarlegu viðtali við Frétta-
blaðið í ágúst að hann myndi
íhuga þing fram boð ef lög gjafinn
færi ekki að taka hressi lega við sér
í fangelsis málum.
Ólöf Garðarsdóttir
prófessor
er nýr forseti
hugvísindasviðs
Háskóla Íslands,
en hún var áður
prófessor í sagn-
fræði við deild
faggreinakennslu
við menntavísinda-
svið HÍ. Ólöf er fyrsta
konan til að gegna starfi forseta
hugvísindasviðs en hún var valin
úr hópi fimm umsækjenda. Hún
tekur við starfinu 1. janúar næst-
komandi.
HEILSA „Það hefur sýnt sig að jafnvel
sterkustu nemendur hafa átt fullt í
fangi með námið í þeim aðstæðum
sem nú eru uppi,“ segir Hildur
Björgvinsdóttir, framkvæmdastjóri
Sambands íslenskra framhalds-
skólanema, um hvernig hljóðið sé í
framhaldsskólanemendum.
Töluverð umræða hefur verið
eftir að nýjar tilslakanir voru
kynntar í vikunni um framhalds-
skólanema, enda falla þeir á milli
og mega lítið gera. Nýleg rannsókn
frá Rannsóknum og greiningu
sýndi að andleg heilsa væri verst
meðal þeirra og þá birtu leikmenn
í drengja-, stúlkna- og unglinga-
f lokki í körfubolta yfirlýsingu til
að vekja athygli á stöðu sinni.
„Það er gjörsamlega búið að loka
á allt líf okkar krakkanna í fram-
haldsskóla, við fáum ekki að mæta
á æfingar, ekki í skólann, ekkert
félagslíf, gjörsamlega búið að loka á
allt lífið okkar á þessu ári,“ segir þar
meðal annars og bent er á að upp-
lifun ungmenna sé að það sé ekki
verið að hlusta á þeirra raddir og
það sé meira verið að tala til þeirra
en að tala við þau.
Bjarni Jóhannsson, einn reynd-
asti knattspyrnuþjálfari landsins
og framhaldsskólakennari á afreks-
braut í Borgarholtsskóla, sagði í við-
tali á fótbolta.net að verið væri að
ganga ansi hart fram gegn 16 til 19
ára krökkum. „Við erum búin að
horfa upp á þessa krakka mega ekki
neitt. Þegar loksins rýmkast örlítið
um í íþróttahreyfingunni, þá er
þessi aldur í fangelsi,“ sagði Bjarni
og skoraði á íþróttahreyfinguna að
ræða þessi mál af sanngirni.
Hann segist taka því fagnandi
að íþróttastarf sé hafið að nýju en
að taka hefði átt stærra skref. „Við
áttum bara að taka þetta alla leið.“
Hildur segir að sambandið hafi
kallað eftir aukinni stoðþjónustu
inn í skólana, sérstaklega sálfræði-
þjónustu. „Það er gríðarlega mikil-
vægt að nemendur hafi aðgang að
sálfræðingi innan síns skóla svo
þeir þurfi ekki að fara í biðröðina
á heilsugæslunni, sem er nú þegar
nokkuð löng.“
Hún bendir á að það sé hagur
samfélagsins að sem fæstir hætti
skólagöngu og vonar það besta
þegar önnin klárast og hægt verður
að taka saman staðfestar tölur. Hver
nemandi skipti máli. „Það er mikið
atvinnuleysi núna svo þau sem
hætta ganga ekki endilega beint inn
í vinnu eins og oft áður, sem aftur
getur valdið enn meiri félagslegri
einangrun en orðið er. Nú bíðum
við bara eftir vorönninni og vonum
svo sannarlega að nemendur fái að
mæta í skólann, það er að segja þeir
sem geta, en taka verður fullt tillit
til þeirra sem af einhverri ástæðu
treysta sér ekki til að mæta, til
dæmis vegna undirliggjandi sjúk-
dóma sinna eða nákominna ætt-
ingja.
Það er gríðarlega mikið í húfi og
mikilvægt að læra af reynslunni
sem hefur skapast síðustu tvær
annir.“ benediktboas@frettabladid.is
Það er mikið
atvinnuleysi núna
svo þau sem hætta ganga
ekki endilega beint inn í
vinnu eins og oft áður, sem
aftur getur valdið enn meiri
félagslegri einangrun en
orðið er.
Hildur
Björgvinsdóttir
Jafnvel sterkustu nemendur
eiga nú fullt í fangi með námið
Andleg vellíðan nemenda mælist verst í framhaldsskólum. Körfuboltakrakkar sendu frá sér yfirlýsingu
þar sem þeir segja að búið sé að loka á allt líf þeirra og einn reyndasti þjálfari landsins segir krakkana í
framhaldsskóla vera í fangelsi. Samband íslenskra framhaldsskólanemenda hefur áhyggjur af stöðunni.
Framhaldsskólanemar hafa misst hvað mest í COVID. Einn reyndasti þjálfari landsins segir hópinn 16-19 ára vera í
fangelsi. Í yfirlýsingu frá körfuboltakrökkum sagði að COVID hefði tekið allt þeirra líf frá þeim. FRÉTTABLAÐIÐ/GETTY
40
prósent alls fjár sem
talið var fram til
skatts á Íslandi í fyrra
voru í eigu ríkustu
fimm prósenta fram-
teljenda. Ríkustu
fimm prósent ís-
lenskra framteljenda
áttu rúm 40 prósent.
200
milljónir eru áætlaðar bætur
til þeirra bænda sem hafa
þurft að skera niður fé vegna
riðuveiki í haust.
92
prósent Íslendinga telja öruggt að
þau fari í bólusetningu.
244
undirskriftir bárust
sjávar útvegsráðherra frá
grásleppu sjómönnum til
stuðnings við kvótasetningu.
22
milljarða samdráttur varð á
kortaveltu veitingageirans frá
mars til október á milli ára.
TÖLUR VIKUNNAR 6.12.2020 TIL 12.12.2020
Þrjú í fréttum
Akstursbann,
Afstaða og
hugvísindi
BJÓÐUM UPP Á
35” - 40” BREYTINGARPAKKA
FRÁ BREYTINGARVERKSTÆÐI ÍSBAND
EIGUM FLESTAR GERÐIR TIL
AFHENDINGAR STRAX
ÍSBAND UMBOÐSAÐILI RAM Á ÍSLANDI
RAM 3500
BÍLL Á MYND RAM 3500 LARAMIE SPORT MEGACAB MEÐ 35” BREYTINGU
VERÐ FRÁ 7.547.906 KR. ÁN VSK.
9.359.403 KR. M/VSK.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
LONGHORN ÚTGÁFA NÚ FÁANLEG
1 2 . D E S E M B E R 2 0 2 0 L A U G A R D A G U R4 F R É T T I R ∙ F R É T T A B L A Ð I Ð