Fréttablaðið - 12.12.2020, Síða 99

BÆKUR
Aprílsólarkuldi (Eitthvað
alveg sérstakt)
Elísabet Jökulsdóttir
Útgefandi: JPV
Fjöldi síðna: 143 bls
Titill nýjustu skáldsögu Elísabetar
Jökulsdóttur, Aprílsólarkuldi, er
nýyrði sem þó virðist alltaf hafa
verið til. Veðurfarslegt ástand sem
við þekkjum öll og getum væntan-
lega framkallað minningar af slíku
veðri samstundis. Og það lýsir þess-
ari bók líka vel: nýstárleg en samt
svo kunnugleg.
Sagan fjallar um Védísi, unga
einstæða móður, sem missir föður
sinn, verður ástfangin og missir
geðheilsuna – allt hvert á eftir
öðru. Við fylgjum Védísi eftir þar
sem andlát föður hennar kemur af
stað atburðarás sem hún hefur enga
stjórn á. Eins og komið hefur fram
í viðtölum við höfundinn á saga
Védísar sér fyrirmynd í lífi Elísabet-
ar sjálfrar og þekktum persónum
bregður fyrir frá liðnum tíma, en
sagan gerist í kringum 1978.
Tíminn í sögunni er ekki alveg
taktfastur, heldur flæðir fram og til
baka um nokkra mánuði. Við kynn-
umst Védísi í upphafi þar sem hún
hefur fengið fregnirnar um andlát
föður síns en allt til endaloka reynir
hún að bæla niður tilfinningar sínar
gagnvart sorginni og óvissunni sem
tekur yfir við missinn. Þegar líða
tekur á bókina tekur síðan geðveik-
in yfir. Við fáum innsýn í manískar
hugsanir Védísar á sterkan hátt og
fáum ekki nokkurn frið fyrir þeim
né fjarlægð. Þannig verður hugar-
ástandið alltumlykjandi og óger-
legt verður að slíta sig frá textanum.
Á svipaðan hátt verður ástin
í sambandi Védísar og Kjartans
afar magnþrungin, falleg í fyrstu
en f ljótt yfirþyrmandi og eitruð
og mörkin milli ástarinnar og geð-
sjúkdómsins verða óljós þar til að
við rönkum við okkur mitt í hring-
iðu sjúklegs hugarástands. Sorgin
vegna föðurmissisins húmir yfir og
hnippir í okkur við og við.
Myndmálið í Vetrarsólarkulda
snertir við manni án þess að vera
væmið, dregur fram hliðstæður
náttúru og borgarlandslagsins,
innra sálarlífs og umhverfisins.
Elísabet hefur einstakt lag á að segja
frá erfiðum aðstæðum og persónum
á hispurslausan og einlægan hátt.
Persónurnar í sögunni eru allar
manneskjulegar og Elísabet fjallar
um þær af væntumþykju, þrátt fyrir
að Védísi, aðalpersónunni, líði ekki
endilega þannig í aðstæðunum
sjálfum. Og það er þessi fjarlægð
tímans sem gefur sögunni þann
þroska sem hún býr yfir og gott ef
ekki er hægt að læra ýmislegt af
henni líka. Guðrún Baldvinsdóttir
NIÐURSTAÐA: Ljóðræn og manneskju-
leg saga sem lætur lítið yfir sér í fyrstu en
býr yfir mögnuðum galdri.
Í hringiðu hugsana,
tilfinninga og
geðsjúkdóms
Í i8 Gallery eru nú til sýnis 44 listaverk eftir 33 listamenn. Um er að ræða bæði ný verk og
eldri. Opið er 12-17 miðvikudag –
laugardags. Meðal listamanna sem
eiga verk á sýningunni eru Ásgerð-
ur Búadóttir, Birgir Andrésson,
Eggert Pétursson, Karin Sander,
Kristján Guðmundsson, Margrét
Blöndal, Ólafur Elíasson, Ragna
Róbertsdóttir, Ragnar Kjartansson
og Sigurður Guðmundsson. Það
er því sönn listaveisla í Tryggva-
götunni. Sýningin stendur til 23.
desember. – kb
Sjóndeildarhringur í i8
Fjöldi verka er á sýningu í i8 en
henni lýkur á Þorláksmessu.
Aðventukvöld Sunday Seven hópsins verður í kvöld, laugar-dagskvöldið 12. desember, og
hefst kl. 20.00. Sent er út frá Berlín,
Hannover, Helsinki, Reykjavík og úr
skógum Svíþjóðar. Gjörningadag-
skránni verður streymt á viðburðasíðu
Hópsins á Facebook og á artzine.is.
Fram koma: Ásdís Sif Gunnarsdótt-
ir, Ásta Fanney Sigurðardóttir, Darri
Lorenzen, Ingibjörg Magnadóttir,
Magnús Logi Kristinsson, Sigtryggur
Berg Sigmarsson, Snorri Ásmunds-
son, Styrmir Örn Guðmundsson + DJ
Malykh.
Aðventa Sunday Seven
Snorri Ásmundsson myndlistar-
maður verður á aðventukvöldi.
Edda Björgvins og Viðar frændi
hennar hafa tekið saman uppáhalds-
uppskriftir Lillu. Mætti bjóða þér
að bragða brúnsúpu með svölu-
hreiðrum, hvítkálsböggla, gerfihéra,
rúllusteik eða kartöflumarsípan?
GÖMLU GÓÐU
UPPSKRIFTIRNAR
Bókabúð Forlagsins | Fiskislóð 39 | Opið 10–19 alla daga til jóla | www.forlagid.is
LANDSINS MESTA ÚRVAL BÓKA
M E N N I N G ∙ F R É T T A B L A Ð I Ð 55L A U G A R D A G U R 1 2 . D E S E M B E R 2 0 2 0