Fréttablaðið - 12.12.2020, Síða 112

Steymisveitum hefur að vonum vaxið ásmegin á meðan kvikmyndahúsin standa tóm og örvæntingin er slík að kvikmyndaris-arnir hafa freistast til þess
að frumsýna stórmyndir rafrænt og
margir óttast að þar með hafi þeir
stigið út á háskalega braut og að ekki
verið snúið við.
Leikstjórinn Christopher Nolan,
sem á að baki langt og farsælt sam-
starf með Warner Brothers, hefur
til dæmis látið skömmum rigna yfir
kvikmyndaverið eftir ákvörðun um
að gefa á næsta ári út allar þeirra
kvikmyndir samtímis á HBO Max
streymisveitunni og í kvikmynda-
húsum.
Eins öfugsnúið og það kann að
hljóma virðast því streymisveiturnar
geta orðið síðasta vígi kvikmynda-
veranna og fjárfestakynning Disney
á fimmtudaginn bendir eindregið til
þess að þar ætli af þreyingarrisinn
sem ræður yfir Star Wars, Marvel og
Pixar að beita ægivaldi sínu af mikl-
um ofsa, jafnvel kappi umfram forsjá.
Gullgæsir gagga
Disney kynnti ótalmarga nýja sjón-
varpsþætti auk nokkurra kvik-
mynda sem til stendur að sýna á
streymisveitunni Disney+ og vega
þar þyngst afurðir gullgæsanna
Lucasfilm og Marvel sem munu
hvor um sig leggja til tíu þáttaraðir
á næstu árum.
Magnið er í raun slíkt að mörgun
áköfum aðdáendum ævintýra-
heima Stjörnustríðanna og mynda-
söguhetjanna sem kenndar eru við
Marvel þótti nóg um.
„Það fer eftir því hvernig maður
lítur á það,“ segir Stefán Petersson,
mastersnemi og yf irlýstur Star
Wars-nörd, og bendir á að margir
vilji meina að þarna ætli Disney sér
greinilega að blóðmjólka Stjörnu-
stríðið.
„En á sama tíma má horfa til þess
að Disney+ hefur verið í smá vand-
ræðum undanfarið vegna þess að
það er bara ekki nógu mikið áhorf
á ákveðið efni á Disney+ og í raun er
The Mandalorian, nýju Star Wars-
þættirnir, að halda þessu á f loti.“
Vissulega hefur skortur á nýju
efni háð Disney+ þótt þar streymi
allir lækir bakkafullir af eldra efni
frá Disney, Pixar, Marvel og Lucas-
film. Síðan vill svo til að þegar allir
voru um það bil að gefast upp á Star
Wars þá slær The Mandalorian,
löðrandi í anda gömlu Star Wars-
myndanna, svo hressilega í gegn að
nú á greinilega að tjalda öllu til.
Ég hef beðið þín, Obi-Wan
Þannig mun Jedi-riddarinn Ahsoka
fá sína eigin seríu og The Manda-
lorian hefur þegar verið notaður til
þess að kynna hana til leiks. Diego
Luna, sem lék uppreisnarmanninn
Cassian Andor í sjálfstæðu Star
Wars-myndinni Rogue One, mun
endurtaka rulluna í þáttum sem
bera nafn hetjunnar.
Síðan var boðað að langþráð
þáttaröð um þann mikla áhrifa-
vald og Jedi-meistara Obi-Wan
Kenobi væri innan seilingar. Ewan
McGregor heldur þar áfram að
leika væringjann sem hann túlkaði
ungan í síðari þríleik George Lucas
sem hverfðist um tilurð Svarthöfða.
Nýjar víddir
Lucasfilm ætlar þó ekki aðeins að
dæla gömlu víni á nýja belgi Dis-
ney+. The Bad Batch, verða teikn-
aðir þættir sem fjalla um hóp af
klónum sem feta nýjar slóðir að
Klónastríðunum loknum. Þá má
einnig nefna Star Wars: Visions,
teiknimyndaseríu í anime-stíl með
örsögum úr Star Wars-heiminum og
The Acolyte verða einhvers konar
spennuþættir sem gerast á gullöld
gamla lýðveldisins.
Þá munu gamlir kunningjar,
tromma upp. Sjálfur Lando Cal-
rissian fær að slá um sig í eigin þátt-
um, Lando, auk þess sem vélmennin
dáðu, R2-D2 og C-3PO, verða í aðal-
hlutverkum teiknimyndarinnar A
Droid Story.
„Ég er bara spenntur að sjá hvað
verður úr þessu. Það verður bara
að bíða og sjá,“ segir Stefán. „Þetta
getur virkað frekar yfirþyrmandi
að fá svona ógeðslega mikið magn af
efni. Mér brá ótrúlega mikið þegar
ég sá kynninguna því ég var ekkert
að búast við svona miklu efni.“
toti@frettabladid.is
odduraevar@frettabladid.is
Afgreiðslutímar á www.kronan.is
Öll verð eru birt með fyrirvara um prentvillur og/eða myndabrengl.
Allar
verslanir
opna kl.
9:00
Nú er tími til að njóta …
2298 kr.kg
Nóatúns Hamborgarhryggur
3998 kr.kg
Nóatúns Tvíreykt hangikjöt læri
Gómsætur
veislumatur!
549 kr.stk.
Nóatúns rjómasósa
Disney beitir Mættinum með látum
Disney+ sýndi fjárfestum og heiminum öllum klærnar í vikunni og miðað við púðrið sem verður sett í streymið
má ætla að víglínan hafi færst varanlega í kófinu og slagurinn verði fyrst og fremst um áhorfendur heima í stofu.
Hausaveiðarinn frá Mandaloríu og græna krúttið Grogu draga þungan Stjörnustríðsvagninn með tíu tengivögnum
inn á Disney+ á næstu árum og þar munu engin vettlingatök duga eigi nýju þættirnir að standast Mando snúning.
Marvel mun meðal annars tefla
Loka fram í þáttum á plúsnum.
Lengi er von á
einum og Obi-
Wan er loksins
væntanlegur.
Disney mun njóta krafta Indiana
Jones í fimmtu myndinni um hann.
Stefáni var
nokkuð brugðið
þegar hann sá
magnið sem
Disney boðar.
1 2 . D E S E M B E R 2 0 2 0 L A U G A R D A G U R68 L Í F I Ð ∙ F R É T T A B L A Ð I Ð