Harmonikublaðið - 01.12.2016, Blaðsíða 8

Rauði Krossinn á Isafirði hefur staðið fyrir dansleikjum á sunnudögum
einu sinni í mánuði fyrir eldri borgara á norðursvæði Vestfjarða. Rauði
krossinn hefur fengið félaga í Harmonikufélagi Vestfjarða til að spila
frá kl: 14:00 - 16:00. Boðið er upp á kaffi, gos og meðlæti í danshléi.
Laugardaginn 5. nóvember voru haldnir tónleikar í Edinborgarhúsinu
undir yfirskriftinni Uppáhaldslögin hans Villa. Tónleikarnir voru haldnir
að frumkvæði Matthíasar Hemstock trommuleikara og Jóns
Eldri borgarar œfa sporin
Sigurpálssonar safnvarðar. Með Villa léku þeir Eyþór Gunnarsson á
píanó, Eðvarð Lárusson á gítar, Andri Olafsson á bassa og Matthías
Hemstock á trommur. Húsfyllir var og komust færri að en vildu.
Tónlistarmönnunum var vel fagnað í lokin og urðu þeir að leika
aukalög áður en gestir yfirgáfu húsið hæstánægðir.
Sunnudaginn 13. nóvember sl. var haldinn dansleikur í
Edinborgarhúsinu, Þar spiluðu Baldur Geirmundsson og Magnús
Reynir. Dansleikurinn var vel sóttur.
Myndir og texti Kaja Páls.
Magnús Reynir og Baldur Geirmunds í Ijúfum leik
Isfirðingar í léttum valsi
M
Sigurður Eymundsson
f. 5. febrúar 1943 - d. 27. júní 2016
Rétt um Jónsmessuna síðasta sumar, þegar
sól var hæst á lofti kvöddum við
harmonikuunnendur góðan og traustan
félaga og vin. Fyrstu kynni mín af Sigurði
voru þegar hann tók sæti í stjórn Sambands
íslenskra harmonikuunnenda og tókst með
okkur góð vinátta og gott samstarf. Hann
var kjörinn gjaldkeri sambandsins og
gegndi hann því starfi með nákvæmni og
samviskusemi í nokkur ár. Sigurður var
úrræðagóður og það var gott að geta leitað
til hans með ýmis málefni er vörðuðu
sambandið.
Sigurður starfaði í mörg ár með
Harmonikufélagi Héraðsbúa og sat í stjórn
þess í mörg ár. Eftir að hann fluttist til
Reykjavíkur gekk hann í raðir Félags
harmonikuunnenda í Reykjavík og tók
hann virkan þátt í starfi félagsins og var
góður fengur fyrir hljómsveit félagsins.
Hann var góður harmonikuleikari og
einkar vandvirkur í sinni spilamennsku á
hljóðfærið.
Eg vil fyrir hönd Sambands íslenskra
harmonikuunnenda þakka Sigurði fyrir
góð kynni og samstarf og um leið senda
eftirlifandi eiginkonu og fjölskyldu okkar
innilegustu samúðarkveðjur.
F.h. S.f.H.U.
Gunnar Kvaran, formaður