Fréttablaðið - 01.12.2020, Blaðsíða 13

Eiguleg bók eftir Guðrúnu Hannele
Henttinen með nýjum útfærslum á
fallegum og sígildum vettlingamynstrum.
ÞJÓÐLEGIR VETTLINGAR
Bókabúð Forlagsins | Fiskislóð 39 | Opið 10–19 alla daga til jóla | www.forlagid.is
LANDSINS MESTA ÚRVAL BÓKA
Rannsóknir sýna að skipulagt íþróttastarf hefur jákvæð áhrif á líðan barna og mikið
forvarnargildi. Börnum sem eru
virk í skipulögðu íþróttastarfi líður
betur, vinna betur í hóp og eru ólík-
legri til að neyta vímuefna. Niður-
stöður úr Ánægjuvoginni 2020 sýna
að tæp 90% barna eru ánægð með
þjálfarann sinn og íþróttafélagið
sitt og finnst gaman á æfingu.
Íþróttastarf barna á Íslandi þykir
svo vel heppnað að tekið hefur verið
eftir.
Börn fengu ekki að stunda skipu-
lagt íþróttastarf í sjö vikur á vor-
önn og sex vikur á haustönn vegna
faraldursins. Æfingabann barna og
ungmenna eldri en 15 ára stendur
enn yfir og er ófyrirséð hversu
lengi það mun standa. Fyrir utan
öll jákvæðu áhrifin sem skipulagt
íþróttastarf hefur á börn, þá eru
heilbrigt líferni og hreyfing talin
draga úr áhættuþáttum COVID-19.
Íþróttafélögin hafa mörg staðið
sig mjög vel með fjaræfingum og
hvatningu til iðkenda. Það kemur
þó aldrei í staðinn fyrir samskiptin
og handleiðsluna sem fylgir skipu-
lögðu íþróttastarfi. Þegar er farið að
bera á brottfalli og það þarf ekki að
fjölyrða um hversu slæmar afleið-
ingar það mun hafa fyrir framtíð-
ina. Sérstaklega fyrir þau börn sem
eru að stíga sín fyrstu skref í íþrótt-
um og þau sem eru á viðkvæmasta
aldrinum með tilliti til brottfalls.
Faraldurinn er ekki að hverfa úr
okkar daglega lífi á næstunni. Það er
því mikilvægt að geta brugðist hratt
við þegar upp koma tímabil þar sem
takmarka þarf íþróttaiðkun barna.
Ástæðan fyrir æfingabanni barna
í október var að ekki mætti blanda
saman börnum milli skóla. Það þarf
að finna leiðir svo skólar og íþrótta-
félög geti unnið saman til að halda
þessu mikilvæga starfi gangandi.
Lausnin þarf ekki að vera sú sama
fyrir hvert íþróttafélag eða skóla,
en það þarf að opna á þetta samtal
og samstarf. Íþróttastarf barna er
nefnilega eitt mikilvægasta lýð-
heilsumálið.
Spriklandi
frísk börn
Katrín
Atladóttir
borgarfulltrúi
Sjálfstæðis-
flokksins í
Reykjavík
Mikilvægt er að greina á milli vástjórnunar (krísustjórn-unar) og efnahags- eða
heilbrigðisaðgerða á venjulegum
tímum. Lykilorð eru sveigjanleiki
en ekki fyrirsjáanleiki og snarar
ákvarðanir til að mæta/breyta
þróun yfirvofandi hættu en ekki
langtímaáætlanir. Um leið verður
að gæta þess að fara vandlega eftir
lögum þeim sem snúa að vánni. Í
okkar tilviki nú eru það sett sótt-
varnalög og þau leyfa eðlilega fram-
kvæmdavaldinu að vera í brúnni frá
degi til dags, ekki löggjafanum.
Alþingi er í brúnni þegar þarf að
endurskoða og breyta lögunum.
Alþingi gegnir einnig því hlutverki
að ræða varnarskrefin sem þegar
eru samþykkt og safna reynslu til
þess að breyta lögunum. Það er ekki
farsælt að ætla löggjafanum að sam-
þykkja nánast sérhverja tillögu að
sóttvarnaaðgerð og alla hlykkina
á leiðinni, örar breytingar á við-
brögðum í takt við ófyrirsjáanlegan
eða lítt spáanlegan feril veiru í sam-
félaginu. Slíkt myndi til dæmis setja
Alþingi heilt yfir í þá röngu stöðu að
hafa eftirlit með eigin sóttvarna-
ákvörðunum – fyrir utan þá snúnu
stöðu að setja bráðnauðsynleg við-
brögð í pólitíska, iðulega langvinna
umræðu og til afgreiðslu (atkvæða-
greiðslu). Ekkert af þessu væri í sam-
ræmi við meginreglur vástjórnunar.
Þar skiptir sem réttust tímasetning
höfuðmáli.
Hingað til hefur ríkisstjórnin
haldið í rétta stefnu, stundað árang-
ursríka vástjórnun og mildað áhrif
faraldursins eftir getu samfélagsins
og ríkissjóðs (og sveitarfélögin að
sínu leyti). Gagnrýni og sjálfsmat
hafa oftar en ekki hrifið og leitt til
breytinga og öll milljarðahund-
ruðin gert mikið gagn, nú síðast
viðbrögð sem nema allt að 70 ma. kr.
kostnaði. Of seint segja sumir. Vel
ásættanlega í tíma, tel ég, og miða
þá við þann forgang aðstoðarleiða,
sem varð að viðhafa, álag á ríkissjóð
og stöðu efnahagsmála. Þessi veg-
ferð öll staðfestir gagnsemi stjórn-
arsamvinnunnar, trausta forystu
formannanna þriggja og yfirvegun
og frumkvæði VG. Svo má þakka/
hrósa samfélaginu fyrir þolinmæði,
fylgni við sóttvarnaaðgerðir og
mikla samstöðu í heild. Við eigum
það skilið. Með því að halda áfram
eftir helstu leiðum vástjórnunar, og
með tilkomu góðra bóluefna, náum
við væntanlega marki á næsta ári.
Kúrsinn fram á við
Ari Trausti
Guðmundsson
þingmaður
Vinstri grænna
Gagnrýni og sjálfsmat hafa
oftar en ekki hrifið og leitt
til breytinga.
Fyrir utan öll jákvæðu áhrif-
in sem skipulagt íþróttastarf
hefur á börn, þá eru heil-
brigt líferni og hreyfing talin
draga úr áhættuþáttum
COVID-19.
S K O Ð U N ∙ F R É T T A B L A Ð I Ð 11Þ R I Ð J U D A G U R 1 . D E S E M B E R 2 0 2 0