Fréttablaðið - 01.12.2020, Blaðsíða 14

FÓTBOLTI Það gæti ráðist í kvöld
hvort íslenska kvennalandsliðið í
knattspyrnu tryggir sér þátttöku-
rétt í lokakeppni Evrópumótsins
sem fram fer á Englandi sumarið
2022. Örlög íslenska liðsins ráðast
bæði af úrslitum í leik liðsins gegn
Ungverjalandi í lokaumferð F-rið-
ils sem og úrslitum í öðrum riðlum
undankeppninnar.
Ísland hefur nú þegar tryggt sér
annað sæti í riðli sínum og þar af
leiðandi mun liðið fá tækifæri til
þess að komast í lokakeppnina
í gegnum umspil. Þá gæti sigur í
leiknum gegn Ungverjalandi í Búda-
pest í dag f leytt liðinu beint áfram
til Englands.
Dagný Brynjarsdóttir sem skor-
aði eitt marka Íslands í 4-1 sigri
liðsins gegn Ungverjum í fyrri leik
liðanna á Laugardalsvellinum í
ágúst árið 2019 segir að það gæti
orðið þolinmæðisverk að brjóta
ungverska liðið á bak aftur í þess-
um leik. Dagný glímir við meiðsli
og getur þar af leiðandi ekki leikið
með íslenska liðinu að þessu sinni.
„Ég hef mjög góða tilfinningu
fyrir þessum leik og ég held að
spennustigið hjá leikmönnum liðs-
ins sé mjög gott líka. Við verðum
hins vegar að muna að við vorum
í vandræðum með að finna glufur
á þéttum varnarleik þeirra í fyrri
leiknum á Laugardalsvellinum,“
segir Dagný um leik liðanna í dag í
samtali við Fréttablaðið.
„Ég býst við því að Jón Þór
[Hauksson] haldi sig áfram við það
að vera með Berglindi Björgu [Þor-
valdsdóttur] og Elínu Mettu [Jen-
sen] í framlínunni og spili leikkerf-
ið 4-4-2. Þegar taktur komst í leik
liðsins í seinni hálf leik þá fannst
mér það virka vel að spila það kerfi.
Við munum líklega herja á þær af
köntunum og markmiðið verður að
Agla María [Albertsdóttir] og Hall-
bera Guðný [Gísladóttir] annars
vegar og svo Gunnhildur Yrsa [Jóns-
dóttir] og Sveindís Jane [Jónsdóttir]
hins vegar tvöfaldi á köntunum og
dæli boltanum inn í teig,“ segir
sóknartengiliðurinn enn fremur.
„Þá er gott að hafa öf luga fram-
herja eins og Berglindi Björgu og
Elínu Mettu inni í vítateig Ungverja
til þess að klára sóknirnar. Við skor-
uðum þrjú af fjórum mörkum okkar
í fyrri leiknum eftir fyrirgjafir og ég
held að það verði leiðin sem verður
farin í sóknaraðgerðum liðsins að
þessu sinni. Leikmenn liðsins þurfa
að sýna þolinmæði í aðgerðum
sínum og passa sig að það komi
ekki pirringur þó að mörkin láti á
sér standa,“ segir hún aðspurð um
líklega leikmynd þessa leiks.
„Mér fannst aðalmunurinn á fyrri
og seinni hálfleik í leiknum gegn Sló-
vökum hvað íslenska liðið var sam-
stilltara í pressu sinni í þeim seinni.
Kannski var spennustigið ekki rétt
stillt í þeim fyrri en það sem gekk
ekki vel var lagað í hálfleik og ég er
viss um að það hafi verið farið vel
yfir þessi atriði á æfingunum milli
leikjanna.
Liðið sýndi svo þann karakter
og yfirvegun að örvænta ekki þrátt
fyrir að hafa lent undir í leiknum
við Slóvakíu. Það var meiri ró í spil-
inu þegar líða tók á leikinn og við
hefðum getað skorað fleiri mörk. Ég
hef ekki áhyggjur af því að spennu-
stigið verði of hátt hjá leikmönnum
liðsins, ég hef meiri áhyggjur af því
hvernig ég verði stillt heima í sófa,“
segir Dagný um hvað íslenska liðið
getur tekið með sér úr sigrinum í
síðasta leik í undankeppninni.
„Það má svo ekki gleyma því að
fjölmargir leikmenn liðsins eru ekki
í leikformi og það er ekkert óeðlilegt
að það hafi verið ryð í leikmönnum
fyrstu mínútur leiksins.
Það sást til dæmis á leikmönnum
eins og Öglu Maríu hvað henni óx
ásmegin eftir því sem líða tók á leik-
inn. Sama á við um fleiri leikmenn.
Nú eru leikmenn komnir með einn
leik undir beltið og það skiptir miklu
máli. Ég held að þær klári þennan
leik og vonandi dugar það til þess að
komast beint á EM,“ segir Dagný sem
er þriðji markahæsti leikmaðurinn
í sögu kvennalandsliðsins með 29
mörk í þeim 90 leikjum sem hún
hefur spilað. hjorvaro@frettabladid.is
Gæti siglt sætinu á EM í örugga höfn
Ísland mætir Ungverjalandi í lokaumferð F-riðils í undankeppni Evrópumóts kvenna í knattspyrnu í Búdapest klukkan 14.30 í dag.
Sigur gæti dugað til þess að tryggja íslenska liðinu öruggt sæti í lokakeppni mótsins sem haldið verður í Englandi sumarið 2022.  
Leikmenn íslenska liðsins fagna marki gegn Ungverjalandi í leik liðanna í ágúst í fyrra. FRÉTTABLAÐIÐ/ERNIR
Ég hef mjög góða
tilfinningu fyrir
þessum leik og ég held að
spennustigið hjá leikmönn-
um liðsins sé mjög gott líka.
Dagný Brynjarsdóttir
Traustur fyrirtækjarekstur og öflug nýsköpun
kallar á samstarfsaðila sem skilur þarfirnar.
Arion banki býður fyrirtækjum af öllum
stærðum og í öllum geirum alhliða
þjónustu með fagmennsku, innsæi
og þekkingu að leiðarljósi.
Hafðu samband á fyrirtaeki@arionbanki.is,
við þjónustuver í síma 444 7000 eða í
netspjalli á arionbanki.is.
Búum í haginn
fyrir atvinnulíf
framtíðarinnar
arionbanki.is
1 . D E S E M B E R 2 0 2 0 Þ R I Ð J U D A G U R12 S P O R T ∙ F R É T T A B L A Ð I Ð
SPORT