Morgunblaðið - 13.05.2020, Blaðsíða 11

FRÉTTIR 11Erlent
MORGUNBLAÐIÐ MIÐVIKUDAGUR 13. MAÍ 2020
Verið velkomin
Við póstsendum um allt land
Sími 568 5170
Álfheimum 74, 104 Rvk, sími 568 5170
Snyrtivörumerkin okkar eru:
Mad e i n I c e l a n d
Nýjar glæsilegar
VORVÖRUR
Jakkar • Vesti • Túnikur • Kjólar • Bolir
Peysur • Buxur • Töskur • Silkislæður
Stefán Gunnar Sveinsson
sgs@mbl.is
Dr. Anthony Fauci, sem leitt hefur
sóttvarnateymi Bandaríkjaforseta í
kórónuveirufaraldrinum, varaði í
gær öldungadeild Bandaríkjaþings
við afleiðingum þess að horfið yrði of
snemma frá þeim aðgerðum sem
gripið hefur verið til til þess að
stemma stigu við útbreiðslu veirunn-
ar.
Fauci bar vitni á fjarfundi í heil-
brigðis-, efnahags-, atvinnumála- og
lífeyrisnefnd öldungadeildarinnar í
gær og sagði þar að ef þeim skrefum
sem Hvíta húsið hefði þegar sett
fram um að „opna Bandaríkin á ný“
yrði ekki fylgt vandlega byði það
heim hættunni á fjölda nýrra hóp-
smita.
„Það mun ekki bara þýða óþarfa
hörmungar og dauðsföll heldur mun
það einnig setja bakslag í tilraunir
okkar til þess að komast aftur til eðli-
legs ástands,“ sagði Fauci í upphafs-
orðum sínum til nefndarinnar.
Robert Redfield, yfirmaður
bandarísku sóttvarnastofnunarinn-
ar, CDC, og Stephen Hahn, yfir-
maður bandaríska matvælaeftirlits-
ins, báru einnig vitni fyrir nefndinni,
en þeir tveir auk Faucis voru allir í
einangrun eftir að tvö tilfelli kórónu-
veirunnar komu upp í Hvíta húsinu í
síðustu viku.
Fundi þingnefndarinnar var ætlað
að skoða nánar þau áform sem uppi
eru um að létta af sóttvarnaaðgerð-
um Bandaríkjanna, en afstaða til
þess virðist skiptast nokkuð eftir
flokkslínum. Þannig hafa ríkisstjórar
í nokkrum ríkjum þar sem repúblik-
anar eru í meirihluta þegar hafið að
létta á aðgerðum ríkjanna, með þeim
rökum að efnahagur Bandaríkjanna
þoli ekki núverandi ástand til
lengdar.
Musk opnar verksmiðjuna á ný
Í öðrum ríkjum, svo sem Kaliforn-
íu, hefur verið farið hægar í sakirnar,
en mismunandi áherslur eftir stjórn-
sýslustigum hafa einnig orðið til þess
að flækja mál. Þannig tilkynnti Elon
Musk, eigandi Teslu, í fyrradag að
sér væri nóg boðið og lét bifreiða-
verksmiðju sína í Alameda hefja
framleiðslu á ný, þrátt fyrir að
sveitarstjórnin þar hefði neitað fyrir-
tækinu um leyfi tímabundið þar til
það hefði lagt fram sóttvarnaáætlun
sína og fengið hana samþykkta.
Þangað til yrði Tesla boðið að viðhafa
einungis „lágmarksstarfsemi“.
Musk sagðist hins vegar hafa sam-
þykki Kaliforníuríkis fyrir þeim að-
búnaði sem væri í verksmiðjunni.
Hélt hann því fram að ákvörðun heil-
brigðiseftirlits sveitarstjórnarinnar
væri í trássi við lög, á sama tíma og
hún gerði það að verkum að Tesla
væri eini bandaríski bílframleiðand-
inn sem ekki hefði fengið að hefja
fulla starfsemi á ný. Donald Trump
Bandaríkjaforseti og Steve Mnuchin
fjármálaráðherra hafa báðir lýst yfir
stuðningi við Musk.
Rúmlega 1,3 milljónir tilfella kór-
ónuveirunnar hafa verið skrásettar í
Bandaríkjunum til þessa, sem er hið
mesta í heimi. Þá hafa rúmlega
80.000 manns látist af völdum hennar
vestanhafs. Faraldurinn virðist vera
í rénun í þeim ríkjum sem verst hafa
orðið úti til þessa, til dæmis Wash-
ington og New York, en óttast er að í
ríkjum innar í landinu eigi faraldur-
inn enn eftir að ná hápunkti.
Næstflest tilfelli hjá Rússum
Tilfellum hefur fjölgað mjög í
Rússlandi síðustu daga og voru
232.243 skrásett tilfelli þar í landi í
gær, um 5.000 fleiri en á Spáni. Er
Rússland þar með orðið það land sem
glímir við næstflest tilfelli í heimin-
um á eftir Bandaríkjunum.
Dímítrí Peskov, talsmaður Vla-
dimírs Pútíns Rússlandsforseta, til-
kynnti í gær að hann væri á meðal
þeirra sem greinst hefðu jákvæðir
fyrir kórónuveirunni og hann væri
nú undir eftirliti lækna.
Rússneskir embættismenn segja
hinn stóraukna fjölda tilfella vera af-
leiðingu víðtækra skimana fyrir veir-
unni, en rúmlega 5,8 milljónir prófa
hafa verið framkvæmdar í Rússlandi.
Þá hefur dánartíðni af völdum veir-
unnar haldist lág, en einungis 2.116
dauðsföll hafa verið skráð í Rúss-
landi til þessa. Rússar hafa verið sak-
aðir um að fela hina raunverulegu
dánartíðni, en stjórnvöld þar segjast
einfaldlega hafa lært af framgangi
veirunnar í Vestur-Evrópu og náð
þannig að koma í veg fyrir að alvar-
legustu tilfellin drægju fólk til dauða.
Pútín ávarpaði rússnesku þjóðina í
fyrradag og kynnti þar áætlanir sín-
ar um að létta á sóttvarnaaðgerðum
Rússlands frá og með gærdeginum.
Sagði Pútín það vera í þágu allra ef
hagkerfið gæti náð fyrri styrk sínum
sem fyrst, en fyrirtækjum í bygging-
ariðnaði, landbúnaði og orkufram-
leiðslu verður fyrstum leyft að opna á
ný í aðgerðum rússneskra stjórn-
valda.
Útgöngubann verður þó áfram í
gildi í höfuðborginni Moskvu fram til
loka maímánaðar, en borgin hefur
orðið langverst úti í faraldrinum í
Rússlandi. Fá íbúar einungis leyfi til
að yfirgefa heimili sín til að sækja sér
matvæli eða til að fara til vinnu sinn-
ar, og þá hefur öllum verið gert að
ganga um með grímu og hanska í
búðum og í almenningssamgöngum.
Varar við að opna of snemma
 Fauci segir öldungadeildinni að það muni kosta „óþarfa hörmungar og dauðsföll“
ef áætluninni er ekki fylgt  Talsmaður Pútíns greinist með kórónuveiruna
AFP
Fjarfundur Demókratinn Tim Kaine frá Virginíu og repúblíkaninn Richard Burr frá Norður-Karólínu heilsuðust
með olnbogunum í gær, en þeir sátu fjarfund heilbrigðisnefndar öldungadeildarinnar með dr. Anthony Fauci.
Lögreglan í Bretlandi tilkynnti í gær
að hún hefði tekið til rannsóknar
mál lestarstarfsmannsins Belly Muj-
inga, sem lést af völdum kórónuveir-
unnar eftir að maður hrækti á hana
og hóstaði, en hann sagðist vera
smitaður af kórónuveirunni.
Atvikið átti sér stað 22. mars á
Viktoríu-lestarstöðinni í Lundúnum,
þar sem Mujinga seldi lestarmiða, en
hún var með undirliggjandi
öndunarfærasjúkdóm. Þegar Muj-
inga veiktist í byrjun apríl var hún
flutt á sjúkrahús og sett á öndunar-
vél. Þar lést hún 5. apríl síðastliðinn.
Málið hefur vakið mikla reiði í Bret-
landi og sagði talsmaður breska for-
sætisráðuneytisins Mujinga hafa
orðið fyrir „viðurstyggilegri“ árás.
Lést eftir „viður-
styggilega“ árás
AFP
Viktoríu-lestarstöðin í Lundúnum.
BRETLAND
Búlgarskir forn-
leifafræðingar
lýstu því yfir í
gær að þeir
hefðu aldurs-
greint bein sem
fundust árið
2015 í helli í
norðurhluta
landsins, og er
talið að þau séu
um það bil 45.000
ára gömul. Um er að ræða tönn og
nokkur brot úr beinum.
Nikolay Sirakov, prófessor í
fornleifafræði, sagði að fundurinn
sýndi að Homo sapiens hefði haslað
sér völl í Evrópu mun fyrr en áður
var talið, en þar lifði hann samhliða
Neanderdalsmanninum í um fimm
til tíu þúsund ár. Talið er að upp-
götvunin geti varpað ljósi á þann
tíma sem tegundirnar tvær lifðu
hlið við hlið.
Elstu mannaleifar
í Evrópu fundnar?
BÚLGARÍA
Svona eiga Nean-
derdalsmenn að
hafa litið út.
Ashraf Ghani, forseti Afganistans,
skipaði í gær hersveitum landsins,
að hefja á nýjan leik aðgerðir gegn
talíbönum og öðrum hryðjuverka-
hópum í landinu eftir að fjörutíu
manns hið minnsta féllu og um 80
særðust í tveimur árásum í landinu.
Að minnsta kosti fjórtán manns
féllu þegar vígamenn hófu skothríð á
fæðingardeild við sjúkrahús í höfuð-
borginni Kabúl, og voru nýfædd
börn og ljósmæður á meðal þeirra
sem létust.
Þá féllu að minnsta kosti þrjátíu
manns þegar sjálfsvígssprengju-
maður réðist á jarðarför í þorpi í
Nangahar-héraði í austurhluta
landsins, en hinn látni var fyrrver-
andi lögreglustjóri í þorpinu.
Sýndu „sanna illsku“
Í sjónvarpsávarpi sínu til afg-
önsku þjóðarinnar sagði Ghani að
aftur þyrfti að grípa til vopna gegn
óvininum, en herir landsins hafa
undanfarna mánuði einungis verið í
varnarstöðu. Átti sú ákvörðun að
liðka fyrir friðarviðræðum milli afg-
anskra stjórnvalda og talíbana, en
þær hafa strandað á deilum um
lausn á talíbönum sem afgönsk
stjórnvöld hafa í haldi.
Josep Borrell, utanríkismálastjóri
Evrópusambandsins, var á meðal
þeirra sem fordæmdu árásirnar í
gær. Sagði hann það sýna „sanna
illsku“ að beina spjótum sínum að
mæðrum og nýfæddum börnum
annars vegar og hins vegar að fjöl-
skyldum sem nýlega hefðu misst ná-
inn aðstandanda.
Krafðist Borrell þess að hinir
seku yrðu dregnir til ábyrgðar en
hvatti einnig til þess að stríðandi
fylkingar gerðu með sér varanlegt
vopnahlé.
Hefja aðgerðir
gegn talíbönum á ný
 Vígamenn réð-
ust á fæðingar-
deild í Kabúl
AFP
Árás Afganskur hermaður ber ný-
fætt barn frá sjúkrahúsinu í gær.